ପୁଣି କରିବେ ରୋମାନ୍ସ

ବଡ଼ ପରଦାରେ ପୁଣି ଫେରିବ ରୋମାନ୍ସର ଯାଦୁ । ‘କିଙ୍ଗ୍’ ପରେ ରୋମାଣ୍ଟିକ ଅବତାରରେ ନଜର ଆସିବେ ବଲିଉଡ ବାଦଶାହ ଶାହରୁଖ ଖାନ। ନିଜର ଆକ୍ସନ ଅବତାରରେ ବକ୍ସ ଅଫିସରେ ଧମାଲ କରିବା ପରେ ବଲିଉଡର କିଙ୍ଗ୍ ଖାନ୍ ଶାହରୁଖ ଖାନ ପୁଣିଥରେ ନିଜର ପୁରୁଣା ରୋମାଣ୍ଟିକ ଅନ୍ଦାଜକୁ ଫେରିବାକୁ ପ୍ରସ୍ତୁତ ହେଉଛନ୍ତି । ସୂଚନା ଅନୁସାରେ ଆଗକୁ ତାଙ୍କୁ ଏକ ବଡ଼ ବଜେଟର ରୋମାଣ୍ଟିକ ଫିଲ୍ମରେ ଦର୍ଶକ ଦେଖିବାକୁ ପାଇବେ । ଏହି ଫିଲ୍ମରେ କ୍ଲାସିକ ପ୍ରେମ କାହାଣୀକୁ ଆଧୁନିକ ଶୈଳୀରେ ଉପସ୍ଥାପନ କରାଯିବ ।  ଏହି ଚଳଚ୍ଚିତ୍ରରେ ଶାହରୁଖଙ୍କୁ ଏକ ଭିଣ୍ଟେଜ୍ ଲୁକ୍‌ରେ ଦେଖିବାକୁ ମିଳିବ, ଯାହା ଦର୍ଶକଙ୍କୁ ‘ଦିଲୱାଲେ ଦୁଲହନିଆ ଲେ ଜାୟେଙ୍ଗେ’ ଏବଂ ‘ବୀର-ଜାରା’ ଭଳି ପୁରୁଣା ସୁପରହିଟ୍ ଫିଲ୍ମର ସ୍ମୃତି ମନେ ପକାଇଦେବ । ନିର୍ମାତାମାନେ ଏହି ପ୍ରୋଜେକ୍ଟକୁ ଅନ୍ତର୍ଜାତୀୟ ସ୍ତରରେ ନିର୍ମାଣ କରିବାକୁ ଯୋଜନା କରୁଥିବାବେଳେ ଶାହରୁଖ ଏଥିରେ ଏକ ଗମ୍ଭୀର ତଥା ପରିପକ୍ୱ ଚରିତ୍ରରେ ଅଭିନୟ କରିବେ। ‘ପଠାନ’ ଓ ‘ଜୱାନ’ ଭଳି ବ୍ଲକବଷ୍ଟର ଆକ୍ସନ ଫିଲ୍ମ ପରେ ଶାହରୁଖଙ୍କ ଏହି ରୋମାଣ୍ଟିକ ପ୍ରତ୍ୟାବର୍ତ୍ତନକୁ ନେଇ ଏବେ ସାରା ଦେଶର ସିନେପ୍ରେମୀଙ୍କ ମଧ୍ୟରେ ଉତ୍କଣ୍ଠା ବଢ଼ିବାରେ ଲାଗିଛି । ବଲଉଡର ରୋମାନ୍ସର କିଙ୍ଗ କୁହାଯାଉଥିବା ଶାହରୁଖଙ୍କ ରୋମାନ୍ସକୁ ଦେଖିବାକୁ ସିନେପ୍ରେମୀ ଚାହିଁ ବସିଛନ୍ତି ।