କରିସ୍ମାଙ୍କ ଚେତାବନୀ
ଲୋକପ୍ରିୟ ବଲିଉଡ ଅଭିନେତ୍ରୀ କରିସ୍ମା କପୁର ନିକଟରେ ‘ଇଣ୍ଡିଆଜ୍ ବେଷ୍ଟ ଡ୍ୟାନ୍ସର’ ସେଟ୍ରେ ପାପରାଜିଙ୍କୁ ଅଯଥା ଜୁମ୍ କରି ଫଟୋ ବା ଭିଡିଓ ନଉଠାଇବାକୁ ଚେତାବନୀ ଦେଇଛନ୍ତି । ଶୋ’ର ସୁଟିଂ ସମୟରେ ଅନ୍ୟ ବିଚାରକଙ୍କ ସହ ପୋଜ୍ ଦେବା ପରେ ସେ କ୍ୟାମେରାମ୍ୟାନଙ୍କୁ ‘ଅଧିକ ଜୁମ୍ କରନ୍ତୁ ନାହିଁ’ ବୋଲି ସ୍ପଷ୍ଟ ଭାବେ କହିଥିଲେ । ଯାହାକୁ ନେଇ ସୋସିଆଲ ମିଡିଆ ବ୍ୟବହାରକାରୀମାନେ ବହୁଳ ଭାବେ ସମର୍ଥନ କରିବା ସହ ଏହାକୁ ଅଭିନେତ୍ରୀଙ୍କ ବ୍ୟକ୍ତିଗତ ଗୋପନୀୟତା ଓ ସମ୍ମାନର ବିଷୟ ବୋଲି ମତ ଦେଇଛନ୍ତି । ସୂଚନା ଅନୁସାରେ ଆସନ୍ତା ମେ’ ୯ ତାରିଖରୁ ସୋନି ଏଣ୍ଟରଟେନମେଣ୍ଟ ଟେଲିଭିଜନରେ ପ୍ରସାରିତ ହେବାକୁ ଥିବା ‘ଇଣ୍ଡିଆଜ୍ ବେଷ୍ଟ ଡ୍ୟାନ୍ସର ସିଜନ୍-୫’ରେ କରିସ୍ମା ଜଣେ ବିଚାରକ ଭାବେ ନଜର ଆସିବେ । ସେହିଭଳି ପୁଣିଥରେ କରିସ୍ମା ପରଦାକୁ ଫେରୁଥିବାରୁ ତାଙ୍କ ଫ୍ୟାନମାନେ ଖୁବ ଖୁସି ଥିବା ଦେଖିବାକୁ ମିଳୁଛି ।
Tags:
