ଗତ କିଛି ଦିନ ହେବ ଚର୍ଚ୍ଚାରେ ରହିଛି ଆମୀର ଖାନ, ଆର ମାଧବନ ଏବଂ ଶର୍ମାନ ଯୋଶୀଙ୍କ ହିଟ୍ ଫିଲ୍ମ ‘ଥ୍ରୀ ଡିଅଟସ୍’I ରାଜକୁମାର ହିରାନୀଙ୍କ ନିର୍ଦ୍ଦେଶିତ ସୁପର ହିଟ୍ ଫିଲ୍ମ ‘ଥ୍ରୀ ଇଡିଅଟସ୍’ ବକ୍ସ ଅଫିସ୍ରେ ଏକ ବ୍ଲକ୍ବଷ୍ଟର ଫିଲ୍ମ ହୋଇପାରିଥିଲା । ଯୁବବର୍ଗଙ୍କ ମଧ୍ୟରେ ଏହି ଫିଲ୍ମ ବେଶ୍ ଲୋକପ୍ରିୟତା ପାଇଥିଲା । ଏଥିରେ ଅଭିନେତା ଅମୀର ଖାନ୍, ସରମନ୍ ଜୋଶୀ, ଆର୍.ମାଧବନ ଙ୍କ ବ୍ୟତୀତ ଅଭିନେତ୍ରୀ କରୀନା କପୁର, ଅଭିନେତା ଜାଭେଦ ଜେଫରୀ ଏବଂ ବୋମନ ଇରାନୀ ପ୍ରମୁଖ ଅଭିନୟ କରିଥିଲେ । ଏହିପରିକି ଆଜି ମଧ୍ୟ ଜାପାନ, ଚୀନ୍ ଭଳି କେତେକ ଦେଶର ଫିଲ୍ମ ହଲ୍ରେ ଥ୍ରୀ ଇଡିଅଟସ୍ ଫିଲ୍ମ ଚାଲୁଛି । ତେବେ ଖୁବ୍ ଶିଘ୍ର ଏହି ଫିଲ୍ମର ସିକେ୍ୱଲ ଆସିପାରେ ବୋଲି ଖବର ମିଳିଛି । ଆଉ ଏହି ଖବର ଶୁଣିବା ପରେ ବଢିଛି ଅଭିନେତ୍ରୀ କରୀନା ଅସନ୍ତୋଷ । କାରଣ କରୀନାଙ୍କ ଅଜାଣତରେ ଏହି ଖବର ଗଣମାଧ୍ୟମରେ ଆଗୁଆ ପ୍ରସାରିତ ହୋଇଛି । କରୀନା ଥ୍ରୀ ଇଡିଅଟସ୍ ଫିଲ୍ମରେ ମୁଖ୍ୟ ନାୟିକା ଭୂମିକାରେ ଅଭିନୟ କରିଥିବାରୁ, ତାଙ୍କୁ ସିକେ୍ୱଲ ବିଷୟରେ ଜଣାଇ ନଥିବା ବୋଲି ସେ ଅଭିଯୋଗ କହିଛନ୍ତି । ଏନେଇ ସେ ଇନ୍ଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି । ପୋଷ୍ଟରେ ସେ ଏକ ଫଟୋ ସେୟାର କରିଛନ୍ତି । ଫଟୋରେ ଅମୀର, ମାଧବନ ଏବଂ ସରମନ୍ ତିନି ଜଣ ଏକାଠି ଏକ ପ୍ରେସ୍ କନ୍ଫେରେନ୍ସରେ ଉପସ୍ଥିତ ରହିଛନ୍ତି । ଏହି ଫଟୋ ଉପରେ କରୀନା ନିଜ ପ୍ରତିକ୍ରିୟା ଦେଇ ଏକ ଭିଡିଓ ସେୟାର କରିଛନ୍ତି । ଯେଉଁଥିରେ ସେ ଖୁବ୍ ରାଗି ଥିବା ନଜର ଆସୁଛି । ସେ କହିଛନ୍ତି, ମୁଁ ଛୁଟିରେ ଯାଇଥିବା ସମୟରେ ଏକ ଖବର ଜାଣିଲି । ଏହି ତିନିଜଣ ଏକାଠି ହୋଇ କିଛି କରୁଛନ୍ତି । ସାମ୍ବାଦିକ ସମ୍ମିଳନୀର କ୍ଲିପ୍ ଭାଇରାଲ ହେଉଛି । ସେମାନେ ଆମକୁ କିଛି ଲୁଚାଉଛନ୍ତି । ମୁଁ ଭାବୁଛି ସେମାନେ ଏକ ସିକେ ୍ୱଲ ଯୋଜନା କରୁଛନ୍ତି । କିନ୍ତୁ ଏହା ମୋ ବିନା ଅନୁମତିରେ ହେଉଛି ? ମୁଁ ଭାବୁନାହିଁ ଯେ ବୋମନ ଏହି ବିଷୟରେ ଜାଣିଛନ୍ତି ।
ସେହିପରି ସର୍ବଦା ନିଜର ଖୁସମିଜାଜ ଅନ୍ଦାଜ ପାଇଁ ଜଣା ଯାଉଥିବା ଅଭିନେତା ଜାଭେଦ ଜାଫ୍ରି ମଧ୍ୟ ଏହି ଫିଲ୍ମ ସମ୍ପର୍କିତ ଏକ ଭିଡିଓ ଜାରି କରି ନିଜର ପ୍ରତିକ୍ରିୟା ଦେଇଛନ୍ତି I ଯାହାକି ସୋସାଲ ମିଡିଆରେ ଭାଇରାଲ ହେଉଥିବାର ଦେଖା ଯାଉଛି I ଭିଡିଓରେ ସେ କହିଛନ୍ତି ସାଧାରଣତଃ ମୁଁ ଏସବୁ କରେ ନାହିଁ, କିନ୍ତୁ ମୋତେ ଖରାପ ଲାଗିଲା କି ସିନେମାରେ ମୁଁ ମୂଳ ରାଞ୍ଚୋ ଥିଲି ତେବେ ବିନା ରାଞ୍ଚୋ କୁ ଜଣାଇ ‘ଥ୍ରୀ ଡିଅଟସ୍’ର ପାର୍ଟ ୨କରାଯାଉଛି I
କେବଳ ଏତିକି ନୁହେଁ, ଅଭିନେତ୍ରୀ ମୋନା ସିଂ ମଧ୍ୟ ( କରୀନା କପୁରଙ୍କ ଭଉଣୀ ଭୂମିକାରେ ଅଭିନୟ କରିଥିଲେ) ନିଜର ଅସନ୍ତୋଷ ପ୍ରକାଶ କରିଛନ୍ତି I ସେ ଏକ ଭିଡିଓ ସେୟାର କରି ଫିଲ୍ମର ସୁଟିଂ କେବେ ହୋଇଥିଲା ବୋଲି ପଚାରିଛନ୍ତି । ସେ କହିଛନ୍ତି “ମୁଁ ଦୁଇ ବର୍ଷ ଧରି ଆମିର ଖାନ ସାରଙ୍କ ସହ ଲାଲ ସିଂ ଚଢ଼ାରେ ସୁଟିଂ କରୁଥିଲି। କିନ୍ତୁ ସେ ‘ଥ୍ରୀ ଇଡିଅଟସ୍’ର ସିକ୍ୱେଲ ବିଷୟରେ କିଛି କହି ନାହାନ୍ତି I କ୍ଲାଇମାକ୍ସରେ ମୁଁ ଏକ ସନ୍ତାନ ଜନ୍ମ ଦେଲି I ମୁଁ ସିକ୍ୱେଲରେ ରହିବା କଥା I ଏଥିପାଇଁ ମୁଁ ବହୁତ ଦୁଃଖିତ I ଯାହା ହେଲା କିଛି ଭଲ ହେଲା ନାହିଁ I
