ପସନ୍ଦ ଆସୁଛି ନୂଆ କେମେଷ୍ଟ୍ରି

By: Ipsita

ପରଦାକୁ ଆସିବାକୁ ଯାଉଛି ଫିଲ୍ମ ତେରେ ଇଶକ ମେ, ଯେଉଁଥିରେ ଦର୍ଶକ ନୂଆ ଯୋଡି ଧନୁଷ ଓ କ୍ରିତି ସନନ୍‌ଙ୍କୁ ଦେଖିବାକୁ ପାଇବେ । ଫିଲ୍ମଟି ୨୮ ନଭେମ୍ବରରେ ରିଲିଜ ହେବା ନେଇ ସୂଚନା ରହିଛି । ତେବେ ଉଭୟଙ୍କ ଯୋଡିକୁ ଦେଖିବାକୁ ଦର୍ଶକଙ୍କ ଭିତରେ ଖୁବ ଉତ୍ସାହ ରହିଥିବା ସୋସିଆଲ ମିଡିଆ ଚର୍ଚ୍ଚାରୁ ଜଣା ପଡିଛି । ପ୍ରଥମରୁ ରିଲିଜ ହୋଇଥିବା ଟ୍ରେଲରକୁ ଦର୍ଶକ ଖୁବ ଭଲ ପାଇବା ଦେଇଥିଲେ । ଏହି ନୂଆ ଯୋଡିଙ୍କ କେମେଷ୍ଟ୍ରୀକୁ ଟ୍ରେଲରରେ ଦର୍ଶକ ଖୁବ ପସନ୍ଦ କରିଥିଲେ । ସୋସିଆଲ ମିଡିଆରେ ଏହି ଫିଲ୍ମକୁ ଧନୁଷଙ୍କ ଫିଲ୍ମ ରାଝଣା ସହିତ ତୂଳନା ମଧ୍ୟ କରାଯାଉଛି । ଫିଲ୍ମଟି ଏକ ଗଭୀର ପ୍ରେମ କାହାଣୀକୁ ନେଇ ପ୍ରସ୍ତୁତ ହୋଇଥିବା ଟ୍ରେଲରୁ ଜଣା ପଡିଛି । ଫିଲ୍ମର କାହାଣୀ ହିମାଂଶୁ ଶର୍ମା ଲେଖିଥିବାବେଳେ, ପ୍ରଥମଥର ପାଇଁ କ୍ରିତି ଓ ଧନୁଷଙ୍କୁ ଦର୍ଶକ ପରଦାରେ ଦେଖିବାକୁ ପାଇବେ । ଫିଲ୍ମଟି ବକ୍ସ ଅଫିସରେ ଭଲ ପ୍ରଦର୍ଶନ କରିବ ବୋଲି ପୂରା ଟିମ୍‌ ଆଶା ରଖିଛନ୍ତି ।