ଧର୍ମେନ୍ଦ୍ରଙ୍କ ନିଆରା ଫ୍ୟାନ

ଅଭିନେତା ଧର୍ମେନ୍ଦ୍ରଙ୍କର ମୃତ୍ୟୁ ପରେ ତାଙ୍କ ଫ୍ୟାନମାନଙ୍କୁ ନେଇ ଅନେକ ଖବର ସାମନାକୁ ଆସୁଛି । ସେହିଭଳି ଜଣେ ଫ୍ୟାନଙ୍କ ବିଷୟରେ ନିକଟରେ ଜଣା ପଡିଛି, ଯିଏ ହରିୟାଣାରେ ରହୁଛନ୍ତି । ହରିୟାଣାରେ ରହୁଥିବା ବ୍ୟକ୍ତିଙ୍କର ଘର ଠାରୁ ଆରମ୍ଭ କରି ଦୋକାନ ପର୍ଯ୍ୟନ୍ତ ସବୁ ସ୍ଥାନରେ ଧର୍ମେନ୍ଦ୍ରଙ୍କର ପୋଷ୍ଟର ଲାଗିଥିବା ଦେଖିବାକୁ ମିଳିଥାଏ । ଏପରିକି ସେ ନିଜ ନାଁ ମଧ୍ୟ ବଦଳାଇ ଧର୍ମେନ୍ଦ୍ର ରଖିଦେଇଥିଲେ । ତାଙ୍କ ଦୋକାନରେ ଧର୍ମେନ୍ଦ୍ରଙ୍କର ୩୫୦ରୁ ଅଧିକ ଫିଲ୍ମ ପୋଷ୍ଟର ଲାଗିଛି । ଧର୍ମେନ୍ଦ୍ରଙ୍କ ମୃତ୍ୟୁରେ ତାଙ୍କ ଭଗବାନଙ୍କର ମୃତ୍ୟୁ ହୋଇଥିବା ନେଇ ସେ ମତ ଦେଇଛନ୍ତି । ସେ ଧର୍ମେନ୍ଦ୍ରଙ୍କ ମୃତ୍ୟୁରେ ଗଭୀର ଶୋକରେ ଅଛନ୍ତି । ସେହିଭଳି ଆଉ ଜଣେ ଫ୍ୟାନ ଅଛନ୍ତି ରାଜସ୍ଥାନରେ ଯିଏ ନିଜ ଘରେ ଧର୍ମେନ୍ଦ୍ରଙ୍କ ନାମରେ ମନ୍ଦିର ତିଆରି କରିଛନ୍ତି । ତାଙ୍କର ଧର୍ମେନ୍ଦ୍ରଙ୍କ ସହିତ ଖୁବ ଘନିଷ୍ଠ ସମ୍ପର୍କ ଥିଲା । ସେ ଧର୍ମେନ୍ଦ୍ରଙ୍କୁ ନିଜ ଘରର ବିଭିନ୍ନ ଫଙ୍କସନ୍‌ରେ ମଧ୍ୟ ଡାକୁଥିଲେ । ଏପରିକି ଧର୍ମେନ୍ଦ୍ର ଅସୁସ୍ଥ ଥିବା ସମୟରେ ସେ ତାଙ୍କୁ ଦେଖା କରିବାକୁ ମଧ୍ୟ ଯାଇଥିବା ପ୍ରକାଶ କରିଛନ୍ତି । ଧର୍ମେନ୍ଦ୍ରଙ୍କ ଜନ୍ମ ଦିନରେ ସେ ସାଇକେଲ ଚଳାଇ ତାଙ୍କୁ ଦେଖା କରିବାକୁ ଯାଇଥିଲେ । ତାଙ୍କ ଷ୍ଟୁଡିଓର ନାଁ ମଧ୍ୟ ଧର୍ମେନ୍ଦ୍ର କଲର ଲାବ ରହିଛି । ଧର୍ମେନ୍ଦ୍ରଙ୍କ ମୃତ୍ୟୁ ତାଙ୍କୁ ଗଭୀର ଭାବେ ମର୍ମାହତ କରିଛି ।