ଡିପଫେକ ଖୁବ ଭୟଙ୍କର

By: Ipsita

ବର୍ତ୍ତମାନ ଫିଲ୍ମ ଇଣ୍ଡଷ୍ଟ୍ରୀରେ ଅନେକ ସେଲିବ୍ରିଟି ଡିପଫେକର ଶିକାର ହେବାରେ ଲାଗିଛନ୍ତି । ନିକଟରେ ଦୃଶ୍ୟମ ଅଭିନେତ୍ରୀ ଶ୍ରେୟା ସରନ ଏହି ଡିପଫେକକୁ ନେଇ କଥା ହୋଇଛନ୍ତି । ନିକଟରେ ଏକ ସାକ୍ଷାତକାରରେ ତାଙ୍କ ସହିତ ହୋଇଥିବା ଘଟଣା ସମ୍ପର୍କରେ ସେ କଥା ହୋଇଛନ୍ତି । ଅନେକ ସମୟରେ ତାଙ୍କ ଫଟୋ ସହିତ ଡିପଫେକ ବ୍ୟବହାର କରି ଅଜବ ଅଜବ କଥା କରାଯାଉଛି, ଯାହା ତାଙ୍କ ସହିତ ତାଙ୍କ ପରିବାରକୁ ମଧ୍ୟ ଡିଷ୍ଟର୍ବ କରୁଛି । ଏପରିକି ମିଛରେ କେହି ତାଙ୍କ ନାଁ ନେଇ ତାଙ୍କ ସାଙ୍ଗସାଥୀଙ୍କ ସହିତ ସମ୍ପର୍କ ମଧ୍ୟ କରୁଛି । ପ୍ରଥମେ ପ୍ରଥମେ ସେ ଏହାକୁ ଏତେ ଗୁରୁତ୍ୱ ଦେଉ ନଥିଲେ । ହେଲେ ଜଣେ ବ୍ୟକ୍ତି ତାଙ୍କ ନାଁ ନେଇ ଅନ୍ୟମାନଙ୍କୁ ଖୁବ ଅଧିକ ସମସ୍ୟାରେ ପକାଇଲା ତେଣୁ ସେ ଏନେଇ କଥା ହେବାକୁ ନିଷ୍ପତ୍ତି ନେଲେ ବୋଲି ଶ୍ରିୟା ପ୍ରକାଶ କରିଛନ୍ତି । ପ୍ରତ୍ୟେକ ଦିନ ସେ ନିଜର ଏଭଳି ଏକ ଫଟୋ ଦେଖିବାକୁ ପାଆନ୍ତି, ଯାହାକୁ ଏଆଇର ବ୍ୟବହାର କରାଯାଇ ପ୍ରସ୍ତୁତ କରାଯାଉଛି । ଏହା ଏତେ ଅବିକଳ ଯେ ଏହାକୁ ଚିହ୍ନିବାରେ ତାଙ୍କ ପରିବାର ମଧ୍ୟ ବିଫଳ ହୁଅନ୍ତି । ତେଣୁ ବର୍ତ୍ତମାନ ଏଭଳି ସମସ୍ୟାକୁ ଗୁରୁତର ସହ ନେବାର ସମୟ ଆସିଛି ବୋଲି ଶ୍ରେୟା ମତ ଦେଇଛନ୍ତି ।