ଡେଟିଂ ଖବର ମିଛ

ମୁମ୍ବାଇ ଇଣ୍ଡିଆନ୍ସର କ୍ରିକେଟର ତିଲକ ବର୍ମା ଏବଂ ଦକ୍ଷିଣ ଭାରତୀୟ ସିନେମାର ପ୍ରତିଷ୍ଠିତ ଅଭିନେତ୍ରୀ ଶ୍ରୀଲୀଲାଙ୍କ ମଧ୍ୟରେ ପ୍ରେମ ସମ୍ପର୍କ ଚାଲିଥିବା ନେଇ ସୋସିଆଲ ମିଡିଆରେ ଜୋରଦାର ଚର୍ଚ୍ଚା ହେଉଛି । ହେଲେ ଏହି ଗୁଜବ ସମ୍ପୂର୍ଣ୍ଣ ଭିତ୍ତିହୀନ ବୋଲି ଜଣାପଡ଼ିଛି । ନିକଟରେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ସୂର୍ଯ୍ୟକୁମାର ଯାଦବ ଏକ ଭିଡିଓରେ ହୋଟେଲ ଲବିରେ ଇୟରଫୋନ୍ ଲଗାଇ ଯାଉଥିବା ତିଲକଙ୍କୁ ସେ "ପ୍ରେମରେ ପଡ଼ିଛନ୍ତି" ବୋଲି କହି ଚିଡ଼ାଉଥିବା ଦେଖିବାକୁ ମିଳିଥିଲା, ଯାହା ପରେ ଏହି ପ୍ରେମ ସମ୍ପର୍କକୁ ନେଇ ଅନଲାଇନ୍‌ରେ ଚର୍ଚ୍ଚା ବଢ଼ିଥିଲା । ପୂର୍ବରୁ ଧର୍ମଶାଳାରେ ପଞ୍ଜାବ କିଙ୍ଗସ ବିପକ୍ଷ ଆଇପିଏଲ୍ ମ୍ୟାଚ୍ ସମୟରେ ଶ୍ରୀଲୀଲାଙ୍କ ମାଆ ଡାକ୍ତର ସ୍ୱର୍ଣ୍ଣଲତାଙ୍କୁ ଦେଖାଯିବା ଏବଂ ଅଭିନେତ୍ରୀଙ୍କ ଟିମ୍‌ର ଜଣେ ସଦସ୍ୟ ତିଲକଙ୍କ ନାମ ଲେଖାଥିବା ଜର୍ସି ପିନ୍ଧିଥିବା ଦାବି ହେବା ପରେ ପ୍ରଶଂସକମାନେ ଦୁହିଁଙ୍କ ମଧ୍ୟରେ ସମ୍ପର୍କ ଯୋଡ଼ିବା ଆରମ୍ଭ କରିଥିଲେ । ତେବେ ଇଣ୍ଡଷ୍ଟ୍ରିର ଏକ ବିଶେଷ ସୂତ୍ରରୁ ମିଳିଥିବା ସ୍ପଷ୍ଟ ସୂଚନା ଅନୁଯାୟୀ, ଏହି ସବୁ ଦାବି ସମ୍ପୂର୍ଣ୍ଣ ମିଥ୍ୟା ଅଟେ ଏବଂ ଶ୍ରୀଲୀଲା ଓ ତିଲକ ବର୍ମା କେବେ ପରସ୍ପରକୁ ଭେଟିନାହାନ୍ତି କିମ୍ବା କଥା ମଧ୍ୟ ହୋଇନାହାନ୍ତି । ବର୍ତ୍ତମାନ ଶ୍ରୀଲୀଲା ବଲିଉଡ୍ ଅଭିନେତା କାର୍ତ୍ତିକ ଆର୍ୟନଙ୍କ ସହ ନିର୍ଦ୍ଦେଶକ ଅନୁରାଗ ବାସୁଙ୍କ ଆଗାମୀ ରୋମାଣ୍ଟିକ ଚଳଚ୍ଚିତ୍ରର ସୁଟିଂରେ ବ୍ୟସ୍ତ ଅଛନ୍ତି ।