୧୦ ବର୍ଷ ପରେ ଫେରିବେ ଶିଳ୍ପା

By: Ipsita

ଅଙ୍ଗୁରୀ ଭାବି ଭାବେ ଘରେଘରେ ପରିଚିତ ଶିଳ୍ପା ସିନ୍ଦେ ଖୁବଶୀଘ୍ର ପୁଣି ପରଦାକୁ ଫେରିବେ ବୋଲି ଜଣା ପଡିଛି । କୌଣସି ଅନ୍ୟ ଚରିତ୍ର କି ଧାରାବାହିକ ନୁହେଁ ବରଂ ଅଙ୍ଗୁରୀ ଭାବି ଚରିତ୍ରରେ ହିଁ ଶିଳ୍ପା କମବ୍ୟାକ କରିବାକୁ ଯାଉଥିବା ଜଣା ପଡିଛି । ୧୦ ବର୍ଷ ପୂର୍ବେ ଶିଳ୍ପାଙ୍କୁ ଏହି ଧାରାବାହିକରେ ଅଭିନେତ୍ରୀ ଶୁଭାଙ୍ଗୀ ରିପ୍ଲେସ କରିଥିଲେ । ହେଲେ ସୂଚନା ଅନୁସାରେ ବର୍ତ୍ତମାନ ପୁଣି ଶିଳ୍ପା ଏହି ଧାରାବାହିକକୁ ଫେରୁଛନ୍ତି । ସେହିଭଳି ଶୁଭାଙ୍ଗୀ ମଧ୍ୟ ଏହି ପରିବର୍ତ୍ତନ ପାଇଁ ପ୍ରସ୍ତୁତ ଥିବା ପ୍ରକାଶ କରିଛନ୍ତି । ସେହିଭଳି ଏହି ରିପ୍ଲେସକୁ ସେ ସକାରାତ୍ମକ ଭାବେ ନେଇଛନ୍ତି । ଜଣେ ଅଭିନେତ୍ରୀ ହିସାବରେ ତାଙ୍କୁ ସବୁବେଳେ ନୂଆ ଚରିତ୍ର କରିବାର ଆଶା ରହିଥାଏ । ସବୁବେଳେ ସେ ନିଜ କାମ ଉପରେ ଫୋକସ କରିଥାଆନ୍ତି । ସେହିଭଳି ଶିଳ୍ପା ଏହି ଶୋକୁ ପୁଣି ଫେରୁଥିବାରୁ ତାଙ୍କ ଫ୍ୟାନମାନେ ଖୁବ ଖୁସି ଅଛନ୍ତି । ପୁଣି ଥରେ ସେମାନେ ନିଜ ପ୍ରିୟ ଅଭିନେତ୍ରୀଙ୍କୁ ପରଦାରେ ଦେଖିବାକୁ ଉତ୍ସାହ ପ୍ରକାଶ କରିଛନ୍ତି ।