ଭର୍ସାଟାଇଲ କ୍ରିତି

ଭର୍ସାଟାଇଲ କ୍ରିତି
Ipsita Picture
By: Ipsita

 

Read More ଦିବ୍ୟାଙ୍କ ଖୁଲାସା

ନିଜର ନିଖୁଣ ଅଭିନୟ ପାଇଁ ସାଉଥ ଅଭିନେତ୍ରୀ କ୍ରିତି ସୁରେଶ ସବୁବେଳେ ପ୍ରଶଂସା ସାଉଁଟିଥାଆନ୍ତି । ତେବେ ନିକଟରେ ତାଙ୍କର ଏକ କ୍ରାଇମ କମେଡି ଫିଲ୍ମ ରିଲିଜ ହେବାକୁ ଯାଉଛି । ଯାହାକୁ ନେଇ ଖୁବ ଚର୍ଚ୍ଚା ସାଉଁଟୁଛନ୍ତି କ୍ରିତି ।  ଫିଲ୍ମ ରିଭଲଭର ରୀତା ଟ୍ରେଲରକୁ ନେଇ ବର୍ତ୍ତମାନ ସେ ଖୁବ ଚର୍ଚ୍ଚାରେ ଅଛନ୍ତି ।

Read More ପରିଶ୍ରମୀ ଶ୍ରଦ୍ଧା

 ସବୁବେଳେ ଦର୍ଶକଙ୍କୁ ଭିନ୍ନଭିନ୍ନ ଫିଲ୍ମ ଭେଟି ଦେଇଥାଆନ୍ତି ସାଉଥ ଷ୍ଟାର କ୍ରିତି ସୁରେଶ । ବିଭିନ୍ନ ଫିଲ୍ମରେ ତାଙ୍କୁ ଭିନ୍ନଭିନ୍ନ ଚରିତ୍ରରେ ଦେଖିବାକୁ ମିଳିଥାଏ । ସେହିଭଳି ଏକ ଫିଲ୍ମ ତାଙ୍କର ଖୁବଶୀଘ୍ର ପରଦାକୁ ଆସିବାକୁ ଯାଉଛି । ଯେଉଁଥିରେ ମୁଖ୍ୟ ଚରିତ୍ରରେ କ୍ରିତିଙ୍କୁ ଦେଖିବାକୁ ମିଳିବ । ଏହି ରିଭଲଭର ରୀତା ଫିଲ୍ମଟି ଏକ  କ୍ରାଇମ କମେଡି ଯାହାର ଟ୍ରେଲରକୁ ଦର୍ଶକ ଖୁବ ଭଲପାଇବା ଦେବାରେ ଲାଗିଛନ୍ତି । ସେହିଭଳି କ୍ରିତିଙ୍କୁ ଏକ ନୂଆ ଅବତାରରେ ଫ୍ୟାନମାନେ ପସନ୍ଦ କରୁଥିବା ଦେଖିବାକୁ ମିଳୁଛି । ୧୯୯୨ରେ ଜନ୍ମିତ କ୍ରିତି ସୁରେସ ତାମିଲ, ତେଲୁଗୁ ଓ ମଲାୟଲମ ଫିଲ୍ମରେ ଜଣେ ପରିଚିତ ଚେହେରା । ନିଜ ଅଭିନୟ କ୍ୟାରିୟର ସେ ଶିଶୁ କଳାକାର ଭାବେ ଆରମ୍ଭ କରିଥିଲେ । ୨୦୦୦ ମସିହାରେ ଫିଲ୍ମ ଜଗତର ପାଦ ଦେଇଥିଲେ କ୍ରିତ୍ରି । ଏହାପରେ କିଛି ବର୍ଷର ବ୍ରେକ ନେଇ ଫ୍ୟାଶନ ଡିଜାଇନିଂ କୋର୍ସ ସାରିବାପରେ ପୁଣି ୨୦୧୩ରେ ସେ ଫିଲ୍ମ ଦୁନିଆକୁ ଫେରିଥିଲେ । ଏହିପରେ ମାଲାୟଲମ ଫିଲ୍ମ ଗୀତାଞ୍ଜଳୀରୁ ନିଜର କ୍ୟାରିୟର ଆରମ୍ଭ କରିଥଇଲେ । ଏହି ଫିଲ୍ମରେ ଡେବ୍ୟୁ ପାଇଁ ତାଙ୍କୁ ଅନେକ ସମ୍ମାନ ମିଳିଥିଲା । ତାଙ୍କର ଅଭିନୟର ସମସ୍ତେ ଦିବାନା ହୋଇଥିଲେ । ଏହାପରେ ଅନେକ ବ୍ଲକବଷ୍ଟରରେ ତାଙ୍କୁ ଦେଖିବାକୁ ମିଳିଥିଲା । ତାଙ୍କ ଫିଲ୍ମ ପାଇଁ ତାଙ୍କୁ ଫିଲ୍ମଫେୟାର ପୁରସ୍କାର ମଧ୍ୟ ପ୍ରଦାନ କରାଯାଇଥିଲା । ୨୦୦୦ରୁ ୨୦୦୫ ମସିହା ପର୍ଯ୍ୟନ୍ତ ସେ ଶିଶୁ କଳାକାର ଭାବେ କାର୍ଯ୍ୟ କରିଥିଲେ ଏହାପରେ ୨୦୧୩ରୁ ୨୦୧୭ ପର୍ଯ୍ୟନ୍ତ ସେ ଅନେକ ଫିଲ୍ମରେ ଅଭିନୟ କରିଛନ୍ତି, ଯାହା ଦର୍ଶକଙ୍କୁ ଖୁବ ପସନ୍ଦ ଆସିଥିଲା । ଗୀତାଞ୍ଜଳି ଫିଲ୍ମରେ ତାଙ୍କର ଡବଲ ରୋଲକୁ ଫ୍ୟାନମାନେ ଖୁବ ପସନ୍ଦ କରିଥିଲେ । ଆଗକୁ ଏହିଭଳି ଭିନ୍ନସ୍ବାଦର ଫିଲ୍ମ ସେ ଦର୍ଶକଙ୍କୁ ଭେଟି ଦେବେ ବୋଲି ଅନେକ ସାକ୍ଷାତକାରରେ କ୍ରିତି ପ୍ରକାଶ କରିଛନ୍ତି ।

Read More ଫିଲ୍ମଠାରୁ ଅଧିକ ଆୟୟୁଟ୍ୟୁବରୁ

 

Tags: