ସମ୍ବଲପୁର : ରାଉରକେଲା-ପୁରୀ-ରାଉରକେଲା ଏକ୍ସପ୍ରେସ୍ ନାମରେ ଯାତ୍ରୀଙ୍କୁ ଭଣ୍ଡାଉଛି ରେଳ ବିଭାଗ । ପୂର୍ବରୁ ଏହି ଟ୍ରେନ ଟି ରାଉରକେଲା-ପୁରୀ-ରାଉରକେଲା ପାସେଞ୍ଜର (୫୮୧୩୧-୫୮୧୩୨) ନାମରେ ଚାଲୁଥିଲା । ରାଉରକେଲାରୁ ପୁରୀ ପର୍ଯ୍ୟନ୍ତ ପ୍ରତ୍ୟେକ ଛୋଟ ବଡ଼ ଷ୍ଟେସନରେ ରହଣୀ କରୁଥିଲା ଓ କମ୍ ଭଡ଼ାରେ ସାଧାରଣ ଗରିବ ଯାତ୍ରୀଙ୍କୁ ତାଙ୍କ ଗନ୍ତବ୍ୟ ସ୍ଥଳରେ ପହଞ୍ଚାଉ ଥିଲା । କରୋନା ପ୍ରଥମ ଲହର ସମୟରେ ଅନ୍ୟ ସବୁ ଟ୍ରେନ୍ ଭଳି ଏହାକୁ ବି ବନ୍ଦ କରି ଦିଆଗଲା । କି;ୁ ପରେ ଯେବେ ଟ୍ରେନ୍ ଗଡ଼ିବା ଆରମ୍ଭ କଲା ରେଳବାଇ ଅନ୍ୟ ଗାଡ଼ିଗୁଡ଼ିକ ଭଳି ଏହାକୁ ବି ସ୍ୱତନ୍ତ୍ର ଟ୍ରେନ୍ ଭାବେ ଚଳାଇଲା । ସ୍ୱତନ୍ତ୍ର ଟ୍ରେନ୍ ଗୁଡ଼ିକର ଯାତ୍ରୀ ଭଡ଼ା ଅଧିକ ରହୁଥିବାରୁ (ଏକ୍ସପ୍ରେସ୍ ଭଡ଼ାଠୁ ବି ଅଧିକ) ଏହି ଟ୍ରେନ ଭଡ଼ା ବଢ଼ିଗଲା । ଯାତ୍ରୀମାନେ ପାସେଞ୍ଜର ଟ୍ରେନର ସୁବିଧା ପାଉଥିଲେ ବି ଭଡ଼ା ଦେଉଥିଲେ ସ୍ୱତନ୍ତ୍ର ଟ୍ରେନର । ତେବେ କରୋନା ସମୟ ବୋଲି ସମସ୍ତେ ଏହାକୁ ଗ୍ରହଣ କରି ନେଇଥିଲେ । କି;ୁ ପରବର୍ତ୍ତୀ ସମୟରେ ରେଳବାଇ ସ୍ୱତନ୍ତ୍ର ଟ୍ରେନ୍ ଭାବେ ଚଳାଉଥିବା ଟ୍ରେନ୍ଗୁଡ଼ିକୁ ପୁଣି ନିୟମିତ ଟ୍ରେନ୍ କଲା । ଯେଉଁ ଟ୍ରେନ ଯେତିକି ଭଡ଼ା ସେତିକି ଲାଗୁ ହେଲା ।
କି;ୁ ରାଉରକେଲା-ପୁରୀ-ରାଉରକେଲା ପାସେଞ୍ଜର କ୍ଷେତ୍ରରେ କି;ୁ ଏହା ହେଲା ନାହିଁ । ଏହି ପାସେଞ୍ଜର ଟ୍ରେନ ନାମ ବଦଳାଇ ଏହାକୁ ରାଉରକେଲା-ପୁରୀ-ରାଉରକେଲା ଏକ୍ସପ୍ରେସ୍ କରାଗଲା । ନମ୍ବର ବି ବଦଳାଇ (୧୮୧୨୫-୧୮୧୨୬) କରାହେଲା । ଆଉ ଭଡ଼ା ବି ପ୍ରାୟ ଦୁଇଗୁଣା ହୋଇଗଲା । କି;ୁ ପାସେଞ୍ଜର ଟ୍ରେନ ସୁବିଧାରେ କୌଣସି ପରିବର୍ତ୍ତନ ହେଲା ନାହିଁ । ତାହା ସେମିତି ପାସେଞ୍ଜର ଭଳି ଚାଲିଲା । ପୂର୍ବ ଭଳି ରାଉରକେଲା-ପୁରୀ ଏକ୍ସପ୍ରେସ କେବଳ ସେହି ସାଧାରଣ ଦ୍ୱିତୀୟ ଶ୍ରେଣୀ କୋଚ୍ ହିଁ ଉପଲବ୍ଧ ଅଛି । ଏକ୍ସପ୍ରେସ୍ ହେବା ପରେ ନା ଏଥିରେ ସ୍ଲିପର୍ ଲାଗିଛି ନା ଏସି କୋଚ୍ । ସେହିପରି ଏକ୍ସପ୍ରେସ୍ ଟ୍ରେନ ଅର୍ଥ ହେଲା କମ୍ ରହଣି କରି କମ୍ ସମୟରେ ଯାତ୍ରୀଙ୍କୁ ଗନ୍ତବ୍ୟ ସ୍ଥଳରେ ପହଞ୍ଚାଇବା । ହେଲେ ଏହି ଟ୍ରେନ୍ ରାଉରକେଲାରୁ ସକାଳ ୮ଟା ୫ରେ ଛାଡ଼ି ପୁରୀରେ ରାତି ୧୦ଟା ୫୫ରେ ପହଞ୍ଚୁଛି ।
୫୨୫ କିଲୋମିଟର୍ ବାଟ ଅତିକ୍ରମ କରିବାକୁ ଏହା ୧୪ ଘଣ୍ଟା ୫୦ ମିନିଟ୍ ସମୟ ନିର୍ଧାରିତ ହୋଇଛି । ତେବେ ଏହା କେବେ ଠିକ୍ ସମୟରେ ପହଞ୍ଚେ ନାହିଁ । ବେଳେବେଳେ ଗନ୍ତବ୍ୟରେ ପହଞ୍ଚିବାକୁ ରାତି ପାହିଯାଏ । ରାଉରକେଲାରୁ ପୁରୀ ପର୍ଯ୍ୟନ୍ତ ଏହାର ଗନ୍ତବ୍ୟ ପଥରେ ଛୋଟ ବଡ଼ ୬୬ଟି ଷ୍ଟେସନ୍ ପଡ଼ୁଥିଲାବେଳେ ଏହା ସବୁ ଷ୍ଟେସନରେ ରହୁଛି । ଘଣ୍ଟା ପିଛା ଏହା ୩୬ କିଲୋମିଟରରୁ କମ୍ ବେଗରେ ଚାଲୁଛି । ତେବେ ଭଡ଼ା ବାବଦକୁ ୧୮୫ ଟଙ୍କା ନିଆଯାଉଛି । ଯେଉଁଥିରେ ମୂଳ ଭଡ଼ା ୧୭୦ ଟଙ୍କା ଓ ସଂରକ୍ଷଣ ଦେୟ ୧୫ ଟଙ୍କା । ଅନଲାଇନ୍ ବୁକିଂ କଲେ ଯାତ୍ରୀଙ୍କୁ ୨୦୦ ଟଙ୍କାରୁ ଅଧିକ ଗଣିବାକୁ ପଡ଼ୁଛି । ଯାତ୍ରୀ ଯେତେ କମ୍ ବାଟ ଯିବେ ତାଙ୍କୁ ସେହି ଅନୁପାତରେ ଅଧିକ ଭଡ଼ା ଦେବାକୁ ପଡ଼ୁଛି । ତେବେ କେହି ଯଦି ବିନା ସଂରକ୍ଷଣରେ ଷ୍ଟେସନରେ ଟିକଟ୍ କାଟିବ ତା’ହେଲେ ତାକୁ ୧୭୦ ଟଙ୍କା ଦେବାକୁ ହେବ । ଅପରପକ୍ଷରେ ସମାନ ମାର୍ଗରେ ଚାଲୁଥିବା ହାତିଆ-ପୁରୀ ତପସ୍ୱିନୀ ଏକ୍ସପ୍ରେସ୍ ସହ ଏହାକୁ ତୁଳନା କରାଯାଉଛି । ଏହି ଏକ୍ସପ୍ରେସରେ ବି ରାଉରକେଲାରୁ ପୁରୀ ପର୍ଯ୍ୟନ୍ତ ଦ୍ୱିତୀୟ ଶ୍ରେଣୀ ନିମନ୍ତେ ସମାନ ୧୮୫ (୧୭୦୧୫) ଟଙ୍କା ଭଡ଼ା ନିଆଯାଉଛି । ଏହି ଟ୍ରେନ୍ ରାଉରକେଲା ଓ ପୁରୀକୁ ମିଶାଇ ମୋଟ ୧୪ଟି ଷ୍ଟେସନରେ ରହୁଛି । ଏହା ରାଉରକେଲାରୁ ସଂଧ୍ୟା ୭ଟା ୨୦ରେ ଛାଡ଼ି ପୁରୀରେ ସକାଳ ୬ଟା ୧୦ରେ ପହଞ୍ଚୁଛି । ଅର୍ଥାତ ୧୦ ଘଣ୍ଟା ୫୦ ମିନିଟ୍ ସମୟ ନେଉଛି । ଏହାର ହାରାହାରି ବେଗ ଘଣ୍ଟା ପ୍ରତି ୪୮ କିଲୋମିଟରରୁ ଅଧିକ ରହୁଛି ।
ସାଧାରଣ, ଗରିବ ତଥା ଗ୍ରାମାଞ୍ଚଳ ଯାତ୍ରୀଙ୍କୁ ରେଳ ସେବା ଯୋଗାଇ ଦେବାକୁ ପାସେଞ୍ଜର ଟ୍ରେନ୍ ଗୁଡ଼ିକ ପ୍ରଚଳିତ ହୋଇଛି । ଏହି ଟ୍ରେନ୍ ଏକ ସେବାମୂଳକ ବ୍ୟବସ୍ଥା ହୋଇଥିଲାବେଳେ ଏଥିରେ ଲାଭ କ୍ଷତି ଦେଖାଯାଏ ନାହିଁ । ଏହି ଟ୍ରେନ୍ ଯେତେ ବିଳମ୍ବ ହେଲେ ବି କେହି ଅଭିଯୋଗ କରନ୍ତି ନାହିଁ । ଏଭଳି ଟ୍ରେନ୍ ଚଳାଇବାକୁ କେହି ବିରୋଧ କରନ୍ତି ନାହିଁ କିମ୍ବା ରାଉରକେଲା-ପୁରୀ-ରାଉରକେଲା ପାସେଞ୍ଜରକୁ ଏକ୍ସପ୍ରେସରେ ପରିବର୍ତ୍ତିତ କରିବାକୁ କେହି ଦାବି ମଧ୍ୟ କରି ନଥିଲେ । ହେଲେ ବର୍ତ୍ତମାନ ଲାଭଖୋର ମନୋବୃତ୍ତି ଆପଣାଇଥିବା ରେଳ ବିଭାଗ କେବଳ ଅଧିକ ଭଡ଼ା ଅସୁଲ କରିବା ପାଇଁ ପାସେଞ୍ଜର ଟ୍ରେନ ଏକ୍ସପ୍ରେସ ନାମ ଦେଇ ଯାତ୍ରୀଙ୍କୁ ଠକୁଥିବା ଲୋକେ ଅଭିଯୋଗ କରୁଛନ୍ତି । ପାସେଞ୍ଜର ଟ୍ରେନରେ ରାଉରକେଲାରୁ ପୁରୀ ପର୍ଯ୍ୟନ୍ତ ଜଣକୁ ୧୦୦ ଟଙ୍କା ଭଡ଼ା ପଡ଼ୁଥିଲାବେଳେ ଏବେ ବିନା କୌଣସି ଅତିରିକ୍ତ ସୁବିଧାରେ ୧୮୫ ଟଙ୍କା ଦେବାକୁ ପଡ଼ୁଛି । କେବଳ ସେତିକି ନୁହେଁ କମ୍ ସମୟରେ ଯାତ୍ରା କରିବାକୁ ଚାହୁଁଥିବା କିଛି ଯାତ୍ରୀ ଏକ୍ସପ୍ରେସ୍ ଲେଖାଥିବାରୁ ଭୁଲ କ୍ରମେ ଏଥିରେ ଟିକଟ୍ କରି ଦିନ ସାରା ଟ୍ରେନରେ ପଡ଼ିପଡ଼ି ପସ୍ତାଉଛନ୍ତି । ତେଣୁ ଏହି ଟ୍ରେନ ପୂର୍ବ ଭଳି ପାସେଞ୍ଜର ନାଁରେ ଚଳାଇବା ନଚେତ୍ ଏକ୍ସପ୍ରେସ୍ ଭଳି ଏହାର ସମୟ ଓ ସୁବିଧାରେ ପରିବର୍ତ୍ତନ ଆଣିବାକୁ ଦାବି ହେଉଛି । ଏ ସଂପର୍କରେ ଟ୍ରେନ୍ ପରିଚାଳନା ଦାୟିତ୍ୱରେ ଥିବା ଦକ୍ଷିଣ ପୂର୍ବ ରେଳବାଇ ଅନ୍ତର୍ଗତ ଚକ୍ରଧରପୁର ରେଳ ମଣ୍ଡଳର ଜଣେ ବରିଷ୍ଠ ଅଧିକାରୀଙ୍କୁ ପଚାରିବାରୁ ସେ ଅଭିଯୋଗକୁ ପରୋକ୍ଷରେ ସ୍ୱୀକାର କରିଥିଲେଛ ତେବେ କରୋନା ସମୟରେ ଅଣଜରୁରୀ ଯାତ୍ରାକୁ ନିରୁତ୍ସାହିତ କରିବା ପାଇଁ ହୁଏତ ସରକାର ଏଭଳି ନିଷ୍ପତ୍ତି ନେଇଥାଇ ପାରନ୍ତି ବୋଲି କହିଥିଲେଛ ବର୍ତ୍ତମାନ ସ୍ଥାୟୀ ଭାବରେ ଏହାକୁ ଏକ୍ସପ୍ରେସ୍ ନାମ ଦିଆ ଯାଇଥିବା ସଂପର୍କରେ ପଚାରିବାରୁ ଆଗକୁ ହୁଏତ ଏକ୍ସପ୍ରେସ ସୁବିଧା ସୁଯୋଗ ଦିଆଯିବ ବୋଲି ମତ ରଖିଥିଲେ ।
Comments are closed.