ଇଟାଲି: ସାରା ବିଶ୍ୱର ଲୋକ ମହାମାରୀ କୋଭିଡଠାରୁ ରକ୍ଷା ପାଇବା ପାଇଁ ବିଭିନ୍ନ ଉପାୟ କରୁଛନ୍ତି । କିଏ ଘରେ ମାସ୍କ ପିନ୍ଧୁଛି ତ’ କିଏ ଭୟରେ ବାହାରକୁ ବାହାରୁନି । ସରକାର ମଧ୍ୟ କୋଭିଡ଼ ନବ୍ୟାପିବା ପାଇଁ ବହୁ ନିମୟ କରୁଛି । କୋଭିଡ ଟିକା ମାଗଣାରେ ପ୍ରଦାନ କରୁଛି । ହେଲେ କିଛି ଲୋକ ଅଛନ୍ତି, ଯେଉଁମାନେ କୋଭିଡ ଟିକା ନନେବା ପାଇଁ ଘରେ ଲଚି ବସୁଛନ୍ତି କିମ୍ବା ବିଭିନ୍ନ ଅଜବ ଉପାୟ କରୁଛନ୍ତି । ଏହିଭଳି ଏକ ଅଜବ ଉପାୟ ହେଉଥିବା ଦେଖିବାକୁ ମିଳିଛି ଇଟାଲି ଦେଶରେ । ଇଟାଲୀବାସୀ କୋଭିଡ ଟିକା ନନେବା ପାଇଁ ଟଙ୍କା ଖର୍ଚ୍ଚ କରି ‘କୋଭିଡ୍ ପାର୍ଟି’ରେ ସାମିଲ ହେଉଛନ୍ତି ।
ଡେଲିମେଲ୍ର ଏକ ରିପୋର୍ଟ ଅନୁସାରେ, ଇଟାଲିରେ ଏବେ ‘ଆଣ୍ଟି ଭାକ୍ସର’ ନାମକ ଏକ ଅଭିଯାନ ଚାଲିଛି । ୨୦୨୨ ଫ୍ରେବୃଆରୀରେ ଇଟାଲି ସରକାର କୋଭିଡ୍ ଟିକାକୁ ବାଧ୍ୟତାମୂଳକ କରିବାକୁ ଯାଉଛନ୍ତି । ୫୦ ବର୍ଷ ବୟସ୍କ ବ୍ୟକ୍ତି ବାଧ୍ୟତାମୂଳକ ଟିକା ନେବେ । ଟିକା ନନେଲେ ସରକାର ଜୋରିମାନା ସହିତ ଚାକିରିରୁ ବରଖାସ୍ତ କରିବେ । ଏହାକୁ ବିରୋଧ କରି ଇଟାଲୀବାସୀ ଏହି ଅଭିଯାନ ଆରମ୍ଭ କରିଛନ୍ତି ।
ଅଭିଯାନ ଅନ୍ତର୍ଗତେ ୧୦ ହଜାରରୁ ଅଧିକ ଟଙ୍କା ଖର୍ଚ୍ଚ କରି ଲୋକମାନେ କୋଭିଡ ପଜିଟିଭ୍ ଥିବା ବ୍ୟକ୍ତିଙ୍କ ସହିତ ଡିନର ଏବଂ ନାଚଗୀତ କରୁଛନ୍ତି । ଏମିତି କଲେ ସୁସ୍ଥ୍ୟ ବ୍ୟକ୍ତି କୋଭିଡ୍ରେ ପଜିଟିଭ୍ ହେବେ । ଫଳରେ ଟିକା ନେବାକୁ ପଡ଼ିବ ନାହିଁ । ତେବେ ସରକାର ଏହିପରି ପାର୍ଟି ଉପରେ ପ୍ରତିବନ୍ଧକ ଲଗାଇଛନ୍ତି । ତଥାପି କେତେକ ସ୍ଥାନରେ ଅବୈଧ ଭାବେ ଏହି ପାର୍ଟିର ଆୟୋଜନ ହୋଉଛି ।
ତୁସ୍କାନୀ ଅଞ୍ଚଳର ଜଣେ ବ୍ୟକ୍ତି ସୋସିଆଲ ମିଡିଆରେ ଏହିପରି ପାର୍ଟିରେ ଯୋଗ ଦେବା ପାଇଁ ଖୋଲାଖୋଲି ଭାବେ ଇଚ୍ଛା ପ୍ରକାଶ କରିଛନ୍ତି ଏବଂ ସେଥିପାଇଁ ସେ ସଂକ୍ରମିତଙ୍କୁ ୧୧ ହଜାର ଟଙ୍କା ଦେବା ପାଇଁ ଆଗ୍ରହ କରିଛନ୍ତି ।
Comments are closed.