ବେଜିଂ: ଚୀନ ରାଷ୍ଟ୍ରପତି ସି ଜିନପିଙ୍ଗ୍ଙ୍କ ସଂପର୍କରେ ଅନେକ ଗୁଜବ ପ୍ରଚାର ହେଉଛି । ଚୀନରେ ସେନା ବିଦ୍ରୋହଠାରୁ ଆରମ୍ଭ କରି ଜିନପିଙ୍ଗଙ୍କୁ ଗୃହବନ୍ଦୀ ରଖାଯିବା, ରାଷ୍ଟ୍ରପତି ଓ ସେନାମୁଖ୍ୟ ଆଦି ପଦରୁ ହଟାଯିବା ଭଳି ଚର୍ଚ୍ଚା ହେଉଛି । ଚୀନ ଏବଂ ଜିନପିଙ୍ଗ୍ଙ୍କ ସଂପର୍କରେ ଲୋକଙ୍କ ମନରେ ଏତେସବୁ ଉତ୍ସୁକତା ଦେଖାଦେଇଥିଲେ ମଧ୍ୟ ବେଜିଂ ପୂରା ନିରବ ରହିଛି । ପ୍ରକୃତ ସତ କ’ଣ ସେ ସଂପର୍କରେ ନା ଏହି ଦେଶ କିଛି କହୁଛି ନା ଅନ୍ୟମାନେ ତାହାର କିଛି ପତ୍ତା ପାଉଛନ୍ତି ।
ଚୀନରେ ଘଟୁଥିବା ପ୍ରାୟତଃ ଅନେକ ଘଟଣାକୁ ବିଶ୍ୱ ଜାଣିପାରି ନଥାଏ । ଅତୀତରେ ଏହି ଦେଶ ଗୋପନରେ ଆଣବିକ ପରୀକ୍ଷା କରିବା ହେଉ କିମ୍ବା ଉତ୍ତର କୋରିଆକୁ ଅସ୍ତ୍ରଶସ୍ତ୍ର ଯୋଗାଇବା କମ୍ବା ଉହାନର ଲାବୋରେଟୋରିରୁ କୋଭିଡ-୧୯ ଭଳି ମହାମାରୀର ଉତ୍ପତ୍ତି ହୋଇଥିବା ବିଷୟକୁ ନେଇ ଅନେକ ଖବର ପ୍ରକାଶ ପାଇଥିଲେ ମଧ୍ୟ ଚୀନ ଏସବୁକୁ ସ୍ୱୀକାର କରିନାହିଁ ।
କି;ୁ ଜିନପିଙ୍ଗ୍ଙ୍କ ସଂପର୍କରେ ବର୍ତ୍ତମାନ ଯାହା ସାମାଜିକ ଗଣମାଧ୍ୟମରେ ପ୍ରସାର ହେଉଛି ସେସବୁ ପାଇଁ ନେଇ ଲୋକଙ୍କ ମନରେ ନାନା କଳ୍ପନାଜଳ୍ପନା ଓ ସନ୍ଦେହ ଉଙ୍କି ମାରିଛି । ସାମାଜିକ ଗଣମାଧ୍ୟମ ଟ୍ୱିଟରରେ ସକ୍ରିୟ ବ୍ୟକ୍ତିମାନେ ବିଶ୍ୱାସ କରୁଛନ୍ତି ଯେ ଜିନପିଙ୍ଗ୍ କିଛି ଗୋଟେ ବଡ଼ ଧରଣର ରାଜନୈତିକ ସମସ୍ୟା ଦେଇ ଗତି କରୁଛନ୍ତି । ସେମାନଙ୍କ ମତରେ ସେନା ଏବଂ ଶାସକ କମ୍ୟୁନିଷ୍ଟ ପାର୍ଟି ଅଫ୍ ଚୀନ ମଧ୍ୟରେ କିଛି ଭଲ ଚାଲିନାହିଁ । ଏପରିକି କେତେକ କହୁଛନ୍ତି ଯେ ବରିଷ୍ଠ ସାମରିକ କମାଣ୍ଡର ଲି କିଓମିଙ୍ଗ୍ ଜିନପିଙ୍ଗ୍ଙ୍କ ସ୍ଥାନରେ ଦେଶର ନୂଆ ରାଷ୍ଟ୍ରପତି ହେବେ । କି;ୁ ଏସବୁ ଗୁଜବ ଉଠୁଥିଲେ ମଧ୍ୟ ଚୀନ ପକ୍ଷରୁ ସରକାରୀ ଭାବେ ଏହାକୁ ଗ୍ରହଣ କରାଯାଉ ନାହିଁ କିମ୍ବା ଖଣ୍ଡନ ବି କରାଯାଉ ନାହିଁ । ସବୁଠୁ ବଡ଼ ପ୍ରଶ୍ନ ହେଉଛି ଜିନପିଙ୍ଗଙ୍କୁ ସାଧାରଣରେ ଦେଖିବାକୁ ମିଳୁ ନଥିଲେ ମଧ୍ୟ ଦେଶର ବିଦେଶ ମନ୍ତ୍ରାଳୟ କିମ୍ବା ଘରୋଇ ମନ୍ତ୍ରାଳୟ ପକ୍ଷରୁ କୌଣସି ବିବୃତି ରଖାଯାଉ ନାହିଁ ।
ଅନ୍ୟ ବଡ଼ ପ୍ରଶ୍ନ ହେଉଛି ଯଦି ଜିନପିଙ୍ଗ ଅଛନ୍ତି ତାହେଲେ କେଉଁଠି ? ଖୁବ୍ ସମୟ ମଧ୍ୟରେ ଚୀନ କର୍ତ୍ତୃପକ୍ଷ କ’ଣ ପାଇଁ ୯୦୦୦ ବିମାନ ବାତିଲ କରିଥିଲେ ? କୌଣସି ପ୍ରଶ୍ନର ଉତ୍ତର ମିଳୁ ନଥିବାରୁ ଚୀନ ଶାସନ ମୁଖ୍ୟଙ୍କ ସଂପର୍କରେ ବିଶ୍ୱବାସୀଙ୍କ ମନ ଆନ୍ଦୋଳିତ ହେଉଛି । ଚୀନର ଦୁଇଜଣ ପୂର୍ବତନ ମନ୍ତ୍ରୀ ଦୁର୍ନୀତି ଅଭିଯୋଗରେ ନିକଟରେ ଦଣ୍ଡିତ ହୋଇଛନ୍ତି । ଏହାର କିଛିଦିନ ପରେ ରାଷ୍ଟ୍ରପତି ଗୃହବନ୍ଦୀ ହେବା ସହିତ ସେନା ଶାସନ ଗାଦି ଅକ୍ତିଆର ପାଇଁ ଯୋଜନା ଚଳାଇଛି ବୋଲି କୁହାଯାଉଛି । ବେଜିଂସ୍ଥିତ ଜିନପିଙ୍ଗଙ୍କ ବାସଭବନ ନିକଟରେ ସେନାର ଅପ୍ରତ୍ୟାଶିତ ଆତଯାତ ଦେଖିବାକୁ ନିକଟରେ ମିଳିଥିଲା । ସାମରିକ ଯାନଗୁଡ଼ିକ ତାଙ୍କ ବାସଭବନ ଆଡ଼କୁ ଯାଉଥିଲା । ସାମାଜିକ ଗଣମାଧ୍ୟମରେ ଏସଂକ୍ରାନ୍ତ କିଛି ସନ୍ଦିU ଭିଡିଓ ମଧ୍ୟ ଘୂରିବୁଲୁଛି । ଅନ୍ୟକିଛି ସାମାଜିକ ଗଣମାଧ୍ୟମ ବ୍ୟବହାରକାରୀଙ୍କ କହିବାନୁଯାୟୀ, ଦେଶରେ ଶାସନକୁ ସେନା ଅକ୍ତିକାର କରିବା ପ୍ରାୟତଃ ନିଶ୍ଚିତ । ତେବେ ଏହାର ନିର୍ଦ୍ଦିଷ୍ଟ କାରଣ କ’ଣ ତାହା ଦର୍ଶାଯାଇ ନାହିଁ ।
Comments are closed.