ଜଳ ହିଁ ଜୀବନ

ଜଳ ହିଁ ଜୀବନ ଉକ୍ତିଟି ମଣିଷଙ୍କ ପାଇଁ ଖୁବ ଗୁରୁତ୍ୱପୂର୍ଣ୍ଣ । ସୃଷ୍ଟିର ପରିଚାଳନା ପାଇଁ ଜଳର ଆବଶ୍ୟକତା ସବୁଠାରୁ ଅଧିକ ରହିଥାଏ । ଜଣେ ମଣିଷର ଦୈନନ୍ଦିନ ଜୀବନରେ ବିନା ପଣିରେ କୌଣସି କାର୍ଯ୍ୟ ହେବା ଅସମ୍ଭବ, ତେଣୁ ଜଳ ହିଁ ଜୀବନ ।
ସକାଳୁ ଉଠିବାଠାରୁ ଶୋଇବା ପର୍ଯ୍ୟନ୍ତ ବିଭିନ୍ନ କାର୍ଯ୍ୟପାଇଁ ଆମେ ଜଳର ଆବଶ୍ୟକତା କରିଥାଉ । କେବଳ ନିଜର ଦୈନନ୍ଦିନ କାର୍ଯ୍ୟ ପାଇ ନୁହେଁ ଆମ ସ୍ୱାସ୍ଥ୍ୟ ପାଇଁ ମଧ୍ୟ ଜଳର ଆବଶ୍ୟକତା ଅଧିକ । ଆମ ଶରୀରର ଅନେକାଂଶ ଜଳରୁ ହିଁ ପ୍ରସ୍ତୁତ ହୋଇଥାଏ । ସେହିଭଳି ଖରାଦିନେ ଏହାର ଗୁରୁତ୍ୱ ଆହୁରି ବଢିଯାଇଥାଏ । ଖରାଦିନେ ଜଳ ଅତି ଆବଶ୍ୟକ ସାମଗ୍ରୀ ତାଲିକାରେ ସବୁଠାରୁ ଆଗରେ ରହିଥାଏ । ଖରାଦିନେ ହାଇଡ୍ରେସନ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ରହିଥାଏ । ଶରୀରରେ ଜଳୀୟ ଅଂଶ କମିଲେ ଆମକୁ ଖରାଦିନେ ଅନେକ ସମସ୍ୟାର ସାମନା କରିବାକୁ ପଡିଥାଏ । ବେଳେବେଳେ ଏହା ଘାତକ ମଧ୍ୟ ହୋଇଥାଏ । ଖରାଦିନେ ଆମ ଶରୀରର ତାପମାତ୍ରାକୁ ସଞ୍ଚାଳନ କରିବାକୁ ଆମର ଝାଳ ବାହାରିଥାଏ । ଏହି ଝାଳରେ ଶରୀରରୁ ଅନେକ ଜଳୀୟଅଂଶ କମିଥାଏ । ଯେଉଁ କାରଣରୁ ଶରୀରରେ ପାଣି ଓ ଇଲେକେଫ୍ରାଲାଇଟ୍ସର ମାତ୍ରା କମିଥାଏ, ଯାହାର ଅଭାବ ପାଣି ଦୂର କରିଥାଏ । ତେଣୁ ଯଦି ଖରାଦିନେ ଆମେ କମ ପାଣି ପିଇବା ତେବେ ଫଟିଗୋ, ମୁଣ୍ଡବିନ୍ଧା, ଅଂଶୁଘାତ, ହିଟ୍‌ଷ୍ଟ୍ରୋକ ଭଳି ସମସ୍ୟାରେ ପଡିବାର ଡର ରହିଥାଏ । ଆସନ୍ତୁ ଜାଣିବା ପାଣିର ଆବଶ୍ୟକତା ଖରାଦିନେ ଅଧିକ କାହିଁକି ରହିଥାଏ ।

ଆବଶ୍ୟକତା
– ଅତ୍ୟଧିକ ଖରା ସମୟରେ ଆମ ଶରୀର ନିଜକୁ ଥଣ୍ଡା ରଖିବା ପାଇଁ ଝାଳ ବାହାର କରିଥାଏ, ଯାହା ସାହାଯ୍ୟରେ ସେ ଆମ ଶରୀରର ତାପମାତ୍ରାକୁ ନିୟନ୍ତ୍ରଣରେ ରଖିଥାଏ । ତେବେ ଏହି ଝାଳରେ ଶରୀରରୁ ଆବଶ୍ୟକୀୟ ସାମଗ୍ରୀ ବାହାରକୁ ଆସିଥାଏ, ଯାହାର ଅଭାବ ପାଣି ଦ୍ୱାରା ଦୂର କରାଯାଇପାରିବ । ତେଣୁ ଖରାଦିନେ ଅଧିକ ପାଣି ପିଇବାର ଅଛି, ଯେପରି ଆପଣ ହାଇଡ୍ରେଟ ରହିବେ । ଯଦି ପାଣି ନପିଇବେ ତେବେ ଅଂଶୁଘାତ ହେବାର ସମ୍ଭାବନା ବଢିଯାଇଥାଏ ।
– ଶରୀରର ବିଭିନ୍ନ ଗୁରୁତ୍ୱପୂର୍ଣ୍ଣ ଅଙ୍ଗ ପରିଚାଳନା ପାଇଁ ପାଣିର ଆବଶ୍ୟକତା ରହିଥାଏ, ଯେପରି ହୃତପିଣ୍ଡ, ବୃକକ, ଯକୃତ ଓ ମସ୍ତିଷ୍କ । ଏହି ସମସ୍ତ ଅଙ୍ଗ ଗୁଡିକ କାର୍ଯ୍ୟ କରିବା ପାଇଁ ପାଣିର ଦରକାର ହୋଇଥାଏ । ଗୋଟିଏ ହାଇଡ୍ରେଟ୍‌ ଶରୀରର ସମସ୍ତ ଅଙ୍ଗଖୁବ ଭଲ ଭାବେ କାର୍ଯ୍ୟ କରିଥାଆନ୍ତି ।
– ଖରାଦିନେ ସାଧାରଣତଃ ଖୁବ ଥMା ଲାଗିଥାଏ, ତେଣୁ ଉର୍ଜା ବଢାଇବା ପାଇଁ ମଧ୍ୟ ପାଣିର ଭୂମିକା ଗୁରୁତ୍ୱପୂର୍ଣ୍ଣ ହୋଇଥାଏ । ମୁଣ୍ଡବିନ୍ଧା, ଫଟିଗୋ, ବାନ୍ତି ଭଳି ସମସ୍ୟାରୁ ବଞ୍ଚିବା ପାଇଁ ଖରାଦିନେ ଅଧିକ ପାଣି ପିଅନ୍ତୁ ।
– କେବଳ ଶାରୀରିକ ସମସ୍ୟାକୁ ସମାଧାନ କରେ ତାହା ନୁହେଁ ପାଣି ଆମର ତ୍ୱଚ୍ଚାକୁ ମଧ୍ୟ ଚମକାଇଥାଏ । ଏକ ସ୍ୱାସ୍ଥ୍ୟକର ତ୍ୱଚା ପାଇଁ ପାଣିର ଆବଶ୍ୟକତା ରହିଥାଏ । ପାଣିରେ ଥିବା ବିଭିନ୍ନ ପ୍ରକାରର ମିନେରାଲ୍ସ ଓ ପୋଷକ ତତ୍ତ୍ୱ ଆମ ତ୍ୱଚାକୁ ଚମକାଇଥାଏ ।
– ଜଳରେ ବିଭିନ୍ନ ପ୍ରକାର ମିନେରାଲ୍ସ ଯେପରି କ୍ୟାଲସିୟମ, ମ୍ୟାଗ୍ନେସିୟମ, ପଟାସିୟମ, ସୋଡିୟମ, ଆଇରନ, ଜିଙ୍କ, ଫ୍ଲୋରିଡ, ବାଇକାର୍ବୋନେଟ, ସଲ୍‌ଫେଟ୍‌, କ୍ଲୋରାଇଡ ଆଦି ରହିଥାଏ, ଯାହା ଆମକୁ ଖରାଦିନେ ବିଭିନ୍ନ ସ୍ୱାସ୍ଥ୍ୟ ସମସ୍ୟାରୁ ରକ୍ଷା କରିବା ସହିତ ଶରୀରକୁ ଉର୍ଜା ଯୋଗାଇଥାଏ ।