ଫିଟ୍ ରହିବା ପାଇଁ ଲୋକମାନେ ବର୍ତ୍ତମାନ ବିଭିନ୍ନ ପ୍ରକାରର ପନ୍ଥା ଗ୍ରହଣ କରୁଛନ୍ତି । ଏଥିରେ ବ୍ୟାୟାମ ସବୁଠାରୁ ଆଗରେ ରହୁଛି, ଯେଉଁଥିରେ ଯୋଗ, ଏକ୍ସରସାଇଜ ଆଦି ସାମିଲ ରହୁଛି । ତେବେ ଏହି ତାଲିକାରେ ସବୁଠାରୁ ଆଗରେ ରହିଛି ଚାଲିବା । ପ୍ରତିଦିନ ଯଦି ଆପଣ ୩୦ ମିନିଟ୍ ଚାଲୁଛନ୍ତି ତେବେ ଅନେକ ସ୍ୱାସ୍ଥ୍ୟ ସମସ୍ୟାଠୁ ଦୂରରେ ରହିପାରିବେ । ଏଭଳି କିଛି ସ୍ୱାସ୍ଥ୍ୟ ସମସ୍ୟା ରହିଛି ଯାହାକୁ ଆମେ ଚାଲିବା ଦ୍ୱାରା ସମାଧାନ କରିପାରିବା ।
ହାର୍ଟ ସମସ୍ୟା
ଆଜିକାଲି ଅନେକଙ୍କ ପାଖରେ ହାର୍ଟ ସମସ୍ୟା ଦେଖିବାକୁ ମିଳୁଛି, ଯେଉଁଥିପାଇଁ ଅନେକଲୋକ ଡାକ୍ତରଙ୍କ ପରାମର୍ଶ ସହିତ ଔଷଧ ଖାଉଥିବାର ଦେଖିବାକୁ ମିଳିଥାଏ । ତେବେ ହାର୍ଟ ରୋଗୀମାନେ ପ୍ରତିଦିନ ଚାଲିବା ଦ୍ୱାରା ସେମାନଙ୍କର ଅନେକ ସମସ୍ୟାର ସମାଧାନ ହୋଇପାରିବ । ପ୍ରତିଦିନ ଚାଲିବା ଦ୍ୱାରା ସେମାନଙ୍କର କଲେଷ୍ଟ୍ରୋଲ ଲେବଲ ନିୟନ୍ତ୍ରଣରେ ରହିବା ସହିତ ବ୍ଲଡପ୍ରେସର, ସୁଗାର ଲେବଲ ସବୁ ନିୟନ୍ତ୍ରଣରେ ରହିବ । ହାର୍ଟର ସ୍ୱାସ୍ଥ୍ୟ ଚାଲିବା ଦ୍ୱାରା ଖୁବ ଭଲ ରହିବ ।
ରକ୍ତରେ ସର୍କରା ସ୍ତରର ନିୟନ୍ତ୍ରଣ
ଚାଲିବା ଦ୍ୱାରା ପ୍ରାକୃତିକ ଉପାୟରେ ଆମର ରକ୍ତରେ ଇନ୍ସୁଲିନ୍ ସ୍ତର ଓ ବ୍ଲଡ୍ ସୁଗାର ଲେବଲ ନିୟନ୍ତ୍ରଣରେ ରହିବ । ସେହିଭଳି ଏହା ଟାଇପ ୨ ଡାଇବେଟିସ୍ ପାଇଁ ମଧ୍ୟ ଲାଭ ଦାୟକ ହୋଇଥାଏ । ପ୍ରତିଦିନ ଚାଲିବା ଫଳରେ ଆମକୁ ମଧୁମେହର ହେବାର ଆଶଙ୍କା କମିଥାଏ । ତେଣୁ ସବୁଦିନ ଚାଲିବା ଆମ ପାଇଁ ଖୁବ ଲାଭ ଦାୟକ ।
ଓଜନ ନିୟନ୍ତ୍ରଣ
ସମସ୍ତଙ୍କୁ ଆଜିକାଲି ଏକ ନିୟନ୍ତ୍ରିତ ଓଜନ ଭିତରେ ରହିବାକୁ ଭଲ ଲାଗୁଛି । ଯେଉଁଥିପାଇଁ ସେମାନେ ବିଭିନ୍ନ ଉପାୟ ଆପଣାଉଛନ୍ତି । ପ୍ରତିଦିନ ୩୦ ମିନିଟ୍ ଚାଲିବା ଆମର ଅତ୍ୟଧୀକ ଚର୍ବିକୁ ନଷ୍ଟ କରିବାରେ ସହାୟକ ହୋଇଥାଏ । ଏହା ଆମର ମେଟାବଲିକ୍ ପ୍ରକ୍ରିୟାକୁ ନିୟନ୍ତ୍ରଣରେ ରଖିଥାଏ । ଏହା ଆମର ପେଟରେ ଜମା ହୋଇଥିବା ଚର୍ବିକୁ ନଷ୍ଟ କରିବାରେ ବିଶେଷ ଭାବେ ସହାୟକ ହୋଇଥାଏ । ଚାଲିବା ଦ୍ୱାରା ଆମକୁ ଭୋକ ମଧ୍ୟ ଭଲ ହୋଇଥାଏ, କାରଣ ଏହା ପାଚନ ତନ୍ତ୍ରକୁ ଭଲ ରଖିଥାଏ ।
Comments are closed.