ଗୋଟିଏ ଫିଲ୍ମ ପ୍ରସ୍ତୁତ କରିବାବେଳେ ଏଭଳି ଅନେକ ପରିସ୍ଥିତି ଆସିଥାଏ ଯେଉଁଥିରେ ଆମକୁ ବିଜ୍ଞାନର ସହାୟତା ନେବାକୁ ପଡିଥାଏ । ଏଭଳି ଅନେକ ସିନ୍ ଥାଏ ଯାହାକୁ ଟେକ୍ନୋଲୋଜିର ସହାୟତାରେ ଚିତ୍ରଣ କରାଯାଇଥାଏ । ଏଥିରେ ଦର୍ଶକ ଦେଖିଥିବା ଦୃଶ୍ୟକୁ କମ୍ପ୍ୟୁଟର ସହାୟତାରେ ପ୍ରସ୍ତୁତ କରାଯାଉଛି, ଯାହା ଦର୍ଶକଙ୍କ ଆଖିକୁ ସତ ଭଳି ଲାଗୁଛି । ଏହି ପ୍ରକ୍ରିୟାରେ ଅନେକ ଟେକନିକ୍ର ବ୍ୟବହାର କରାଯାଉଛି । ତେବେ ଏହି ଟେକ୍ନିକ୍ ଅନେକ ସମୟରେ ଫିଲ୍ମକୁ ହିଟ୍ କରୁଥିବାବେଳେ ବେଳେବେଳେ ଫିଲ୍ମ ଫ୍ଲପ୍ ହେବାର କାରଣ ମଧ୍ୟ ସାଜୁଛି । ଏହାର ବ୍ୟବହାରର ପାରଦର୍ଶିତା ଉପରେ ଫିଲ୍ମର ଭବିଷ୍ୟତ ମଧ୍ୟ ଅନେକ ସମୟରେ ନିର୍ଭର କରିଥାଏ । ସେହିଭଳି କେତେକ ସିନ୍କୁ ନେଇ ବିବାଦ ମଧ୍ୟ ଦେଖିବାକୁ ମିଳିଥାଏ ।
ଇତିହାସ
ଭିଏଫ୍ଏକ୍ସର ଅର୍ଥହେଲା ଭିଜ୍ୟୁଆଲ ଇଫେକଫସ୍ । ଏହି ପ୍ରକ୍ରିୟାରେ ଏକ ଦୃଶ୍ୟକୁ କଳ୍ପନା କରି କମ୍ପ୍ୟୁଟର ସାହାଯ୍ୟରେ ପ୍ରସ୍ତୁତ କରାଯାଇଥାଏ । ତେବେ ବର୍ତ୍ତମାନ ଆମେ ଦେଖୁଥିବା ଭିଏଫ୍ଏକ୍ସର ଏକ ସ୍ୱର୍ଣ୍ଣିମ ଇତିହାସ ରହିଛି । ଏହି ପ୍ରକ୍ରିୟାକୁ ପ୍ରଥମେ ୧୮୫୭ରେ ଓକ୍ସାର ଗୁଷcାଭେ ରେଜ୍ଲାଣ୍ଡର୍ ଆରମ୍ଭ କରିଥିଲେ । ହେଲେ ସେତେବେଳେ ଏହାର ନାଁ ଥିଲା କିଛି ଅଲଗା । ଏହାକୁ ସେତେବେଳେ କେବଳ ସ୍ପେସିଆଲ୍ ଇଫେକ୍ଫ ବୋଲି ସମ୍ବୋଧନ କରାଯାଉଥିଲା । ସେ ପ୍ରଥମଥର ପାଇଁ ୩୨ଟି ଫଟୋ ନେଗେଟିଭ୍କୁ ଗୋଟିଏ ଫ୍ରେମ୍ରେ ଇନସଟ୍ କରିଥିଲେ, ଏହା ଥିଲା ବିଶ୍ୱର ପ୍ରଥମ ସ୍ପେସିଆଲ୍ ଇଫେକଫ୍ । ଏହାପରେ ୧୮୯୫ରେ ଆଲଫର୍ଡ କ୍ଲର୍କ ସ୍ପେସାଲ୍ ଇଫେକ୍ଫ ଥିବା ପ୍ରଥମ ମୋସନ୍ ଫିଲ୍ମର ନିର୍ମାଣ କରିଥିଲେ । ଏହି ମୋସନ୍ ଫିଲ୍ମରେ ଏକ ପ୍ରକାର ଟ୍ରିକ୍ ବ୍ୟବହାର କରାଯାଇଥିଲା ଯାହାର ନାଁ ଥିଲା ଷ୍ଟପ୍ ଟ୍ରିକ୍ । ଏହାପରେ ଏଭଳି ଟ୍ରିକ୍ ବ୍ୟବହାର କରି ଅନେକ ଫିଲ୍ମ ନିର୍ମାଣ କରାଯାଇଥିଲା । ୧୮୯୬ରୁ ୧୯୧୩ ମଧ୍ୟରେ ଏଭଳି ପାଖାପାଖି ୫୦୦ ସିନେମାର ନିର୍ମାଣ କରାଯାଇଥିଲା, ଯେଉଁଥିରେ ସ୍ପେସାଲ ଇଫେକଫର ବ୍ୟବହାର କରାଯାଇଥିଲା । ଏହି ଟେକନିକ ଧୀରେଧୀରେ ପରିବର୍ତ୍ତିତ ହେବାରେ ଲାଗିଥିଲା । ପରିବର୍ତ୍ତିତ ହେବାପରେ ଏହା ମଲଫିପୁଲ୍ ଏକ୍ସପୋଜର, ଟାଇମ୍ ଲାପସେ ଫଟୋଗ୍ରାଫି ଆଦି ଟେକନିକ୍ରେ ପରିଣତ ହୋଇଥିଲା । ବର୍ତ୍ତମାନ ବ୍ୟବହାର ହେଉଥିବା ଭିଏଫଏକ୍ସ ଟେକନିକ୍ ଏହି ପୂରୁଣା ଟେକ୍ନୋଲୋଜିର ରୁପାନ୍ତରିତ ।
ପୂର୍ବରୁ ଭିଏଫ୍ଏକ୍ସ ବଦଳରେ ବିଭିନ୍ନ ଟେକନିକର ବ୍ୟବହାର କରାଯାଉଥିଲା । ଯେପରି ସ୍ପେସାଲ ଇଫେକଫ, ମୋସନ କ୍ୟାପଚର,ମାଟ୍ଟେ ପେଣ୍ଟିଂ,ଆନିମେସନ, ଥ୍ରୀଡି ମଡେଲିଂ, ରିଗିଂ, ରୁଟ୍ସ୍କୋପିଂ,ମ୍ୟାଚ୍ ମୁଭିଂ, କମ୍ପୋଷ୍ଟିଂ ଆଦି । ଏ ସମସ୍ତ ପ୍ରକ୍ରିୟାକୁ ବ୍ୟବହାର କରି ଫିଲ୍ମରେ ବିଭିନ୍ନ ଭିଜ୍ୟୁଆଲ୍ ଇଫେକଫ୍କୁ ଆଡ କରାଯାଇଥାଏ । କେବଳ ଭିଜ୍ୟୁଆଲ ନୁହେଁ ସାଉଣ୍ଡ୍ ଇଫେକଫକୁ ମଧ୍ୟ ଆଡ କରାଯାଇଥାଏ । ଏହି ସମସ୍ତ ଟେକ୍ନିକ୍କୁ ଫିଲ୍ମକୁ ଦର୍ଶକଙ୍କ ମନଛୁଆଁ କରିବାପାଇଁ ବ୍ୟବହାର କରାଯାଉଥିଲା । ହେଲେ ବର୍ତ୍ତମାନ ଯୁଗ ସହିତ ଟେକନିକ୍ ବଦଳିଛି । ସବୁ ଫିଲ୍ମରେ ବର୍ତ୍ତମାନ ନୂତନ ଟେକନିକ ଭିଏଫ୍ଏକ୍ସକୁ ବ୍ୟବହାର କରି ଆଧୁନିକ ପ୍ରଣାଳୀରେ ପ୍ରସ୍ତୁତ କରାଯାଉଛି ।
Comments are closed.