ସାନ୍ ଫ୍ରାନ୍ସିସ୍କୋ: ଜୁଲାଇ ୦୯: ‘ଟିକ୍ଟକ୍’ ମାୟାରେ ଏବେ ସାରା ଦେଶ ରହୁଛି । ଭଲମନ୍ଦ ଭୁଲି ଲୋକମାନେ ନିଜର ରିଲ୍ କରିବାରେ ଲାଗିପଡ଼ୁଛନ୍ତି । ଟିକ୍ଟକ୍ରେ କେତେକ ଲାଇକ୍ ପାଇବା ପାଇଁ ନିଜ ଜୀବନ ସହିତ ଖେଳୁଛନ୍ତି ଆଜିର ଯୁବପିଢ଼ି । ଯାହାକୁ ଭାରତ ସମେତ କେତେକ ରାଷ୍ଟ୍ର ବ୍ୟାନ୍ କରିଛି । ଏବେ ଏହି ତାଲିକାରେ ଆମେରିକା ସାମିଲ ହେବାକୁ ଯାଉଛି । ଟିକ୍ଟକ୍ ବୀରୋଧରେ ଆମେରିକୀୟ ଅଦାଲତରେ ଏକ ମାମଲା ଦାଏର କରାଯାଇଛି ।
ସୂଚନା ଅନୁସାରେ, ଗତ ସପ୍ତାହରେ ଲସ୍ ଏଞ୍ଜେଲ୍ସରେ ଥିବା ଷ୍ଟେଟ୍ କୋର୍ଟଠାରେ ଦାଏର ହୋଇଥିବା ମାମଲାରେ ଅଭିଯୋଗ ହୋଇଛି ଯେ, ଟିକ୍ଟକ୍ ସଫେଫ୍ୱର୍ ଜାଣିଶୁଣି ଥରକୁ ଜୀବନ ଘାତକ ଖେଳ ‘ବ୍ଲାକ୍ଆଉଟ୍ ଚାଲେଞ୍ଜ୍’କୁ ପ୍ରସାରଣ କରାଉଛି । ଏଥିରେ ଅଂଶ ଗ୍ରହଣ କରି ଗତବର୍ଷ ଟେକ୍ସାସରେ ଜଣେ ୮ବର୍ଷୀୟ ଏବଂ ୱିସ୍କନ୍ସିନ୍ଠାରେ ଜଣେ ୯ ବର୍ଷୀୟ ବାଳିକା ପ୍ରାଣ ହରାଇଥିଲେ । ସେହି ମୃତ ନିରୀହ ଦୁଇ ବାଳିକାଙ୍କ ପାଖକୁ ମାରାତ୍ମକ ଖେଳର ଚ୍ୟାଲେଞ୍ଜ ଆସିଥିବାରୁ ଟିକ୍ଟକ୍କୁ ଉତ୍ତରଦାୟୀ କରାଯିବା ଉଚିତ ବୋଲି ‘ସୋସିଆଲ୍ ମିଡିଆ ଭିକଫିମ୍ ଲଦ ସେଣ୍ଟର୍’ର ମାଥୁ୍ୟ ବର୍ଗମ୍ୟାନ୍ କହିଛନ୍ତି ।
ଏହାସହିତ ସେ ଆହୁରି ମଧ୍ୟ କହିଛନ୍ତି ଯେ, ଟିକ୍ଟକ ସଫେଫ୍ୱର୍ ନିଜର ଅର୍ଥ ପ୍ରସାରଣ ଓ ଅର୍ଥ ବୃଦ୍ଧି କରିବା ପାଇଁ ଟିକ୍ଟକ୍ ବ୍ୟବହାରକାରୀଙ୍କୁ ବିଭିନ୍ନ ପ୍ରକାରରେ ପ୍ରଲୋଭନ କରାଉଛି । ଏହାସହିତ ସେହିପରି ବିପଜ୍ଜନକ ବିଷୟବସ୍ତୁ ପ୍ରସାରଣ କରିହେବା ପାଇଁ ସଫଫେୱୟାର୍ ଜାଣିଶୁଣି କୋଟି କୋଟି ଟଙ୍କା ବିନିଯୋଗ କରିଛି ବୋଲି ମାଥୁ୍ୟ ବର୍ଗମ୍ୟାନ୍ ଅଭିଯୋଗ କରିଛନ୍ତି । ଇଟାଲି, ଅଷ୍ଟ୍ରେଲିଆ ଏବଂ ଅନ୍ୟାନ୍ୟ ଦେଶରେ ମଧ୍ୟ ‘ବ୍ଲାକ୍ଆଉଟ୍ ଚାଲେଞ୍ଜ୍’ରେ ଭାଗ ନେଇ ପିଲାମାନେ ଆତ୍ମହତ୍ୟା କରୁଥିବା କଥା ଉକ୍ତ ପିଟିସନ୍ରେ ଉଲ୍ଲେଖ କରାଯାଇଛି ।
‘ବ୍ଲାକ୍ଆଉଟ୍ ଚାଲେଞ୍ଜ୍’ କ’ଣ?
‘ବ୍ଲାକ୍ଆଉଟ୍ ଚାଲେଞ୍ଜ୍’ ବା ପାସ୍ ଆଉଟ୍ ଚାଲେଞ୍ଜରେ ନିଜ ନିଶ୍ୱାସପ୍ରଶ୍ୱାସ ବନ୍ଦ କରି ରହିବାକୁ ହୁଏ । ଯିଏ ଯେତେ ସମୟ ଅଧିକ ନିଜ ନିଶ୍ୱାସ ବନ୍ଦ କରିଥାଏ ସେ ବିଜେତା ହୋଇଥାଏ ଏବଂ ନିଜ ସାଙ୍ଗଙ୍କୁ ବିଜେତା ହୋଇ କରିଥିବା ରେକର୍ଡର ସମୟସୀମା ପାରି କରିବାକୁ ଚାଲେଞ୍ଜ କରିଥାଏ । ଅର୍ଥାତ୍ ବିଜେତାର ରେକର୍ଡ ଭାଙ୍ଗିବାକୁ ପିଲାମାନେ ଅଧିକ ସମୟ ନିଶ୍ୱାସ ବନ୍ଦ କରିବାକୁ ପଡ଼ିଥାଏ । ଆମେରିକା ଡାକଫରଙ୍କ ମତରେ, ନିଶ୍ୱାସ ବନ୍ଦ କରି ରହିଲେ ମସ୍ତିଷ୍କକୁ ଅମ୍ଳଜାନ ପହଞ୍ଚିପାରେ ନାହିଁ । ଫଳରେ ଚେତା ହରାଇବା, ହୃଦ୍ଘାତ ହେବା ଓ କୋମା ଭଳି ଭୟଙ୍କର ପରିସ୍ଥିତି ସୃଷ୍ଟି ହୋଇପାରେ । ସେହିପରି ୫ ମିନିଟ୍ରୁ ଅଧିକ ସମୟ ନିଶ୍ୱାସ ବନ୍ଦ କଲେ ମୃତୁ୍ୟ ହେବା ନିଶ୍ଚିନ୍ତ ।
Comments are closed.