ସବୁବେଳେ ଟାଟୁ କରିବାପାଇଁ ଜଣେ ପ୍ରଫେସନାଲ ଟାଟୁ ଆର୍ଟିଷ୍ଟଙ୍କୁ ଚୟନ କରନ୍ତି, ଯାହା ଫଳରେ ସେ ଆପଣଙ୍କର ଏକ ଭଲ ଟାଟୁ କରିପାରିବେ । ଟାଟୁ କରିବା ସମୟରେ ମଧ୍ୟ ତାଙ୍କୁ ସମସ୍ତ ସତର୍କତା ଅବଲମ୍ବନ କରିବା ପାଇଁ ଅନୁରୋଧ କରନ୍ତୁ । ସେହିଭଳି ନିଜେ ଯଦି କୌଣସି ସମସ୍ୟାର ଆଶଙ୍କା କରୁଛନ୍ତି ତେବେ ତାଙ୍କ ସହିତ ଏ ବିଷୟରେ ଆଲୋଚନା କରନ୍ତୁ । ସେହିଭଳି ଟାଟୁ କରିବା ପରେ ତାଙ୍କ ପରାମର୍ଶ ଅନୁଯାୟୀ ନିଜ ଟାଟୁର କେୟାର ନିଅନ୍ତୁ । ଆସନ୍ତୁ ଜାଣିବା ସେହିଭଳି କିଛି ଟିପ୍ସ ସମ୍ପର୍କରେ । ତେବେ ଏହି ଟିପ୍ସକୁ ଆପଣାଇବା ଆଗରୁ ନିଜ ଟାଟୁ ଆର୍ଟିଷ୍ଟଙ୍କ ସହିତ ପରାମର୍ଶ କରନ୍ତୁ ।
ବ୍ୟାଣ୍ଡେଜ୍ କାଢନ୍ତୁ ନାହିଁ
ସାଧାରଣତଃ ଟାଟୁ ହେବା ପରେ ଏହାକୁ ଏକ ବ୍ୟାଣ୍ଡେଜ୍ ବା ଟ୍ରାନ୍ସପରେଣ୍ଟ କଭର ଦ୍ୱାରା ଢକା ଯାଇଥାଏ । ଏହାକୁ କିଛି ଘଣ୍ଟା ଯାଏଁ କାଢନ୍ତୁ ନାହିଁ । ଏହାଫଳରେ ଟାଟୁ ହୋଇଥିବା ସ୍ଥାନ ବିଭିନ୍ନ ସଂକ୍ରମଣରୁ ଦୂରେଇ ରହିଥାଏ ।
ଧୀରେଧୀରେ ସଫା କରନ୍ତୁ
ବ୍ୟାଣ୍ଡେଜ୍ କାଢିବା ପରେ ଖୁବ ଧୀରେଧୀରେ ନ ରଗଡି ଟାଟୁ ହୋଇଥିବା ସ୍ଥାନକୁ ହାଲୁକା ଉଷୁମ ପାଣିରେ ଧୁଅନ୍ତୁ । ଧୋଇବା ପରେ ଏହାକୁ ପୋଛି ନିଅନ୍ତୁ । ଟାଟୁ ଆର୍ଟିଷ୍ଟଙ୍କୁ ପରାମର୍ଶ କରି ଧୋଇବା ସମୟରେ ସାବୁନ ବ୍ୟବହାର କରିପାରିବେ ।
କ୍ରିମ୍ ଲଗାନ୍ତୁ
ଯେତେବେଳେ ଟାଟୁକୁ ପୋଛି ସାରିବେ ଏହା ଉପରେ କିଛି କ୍ରିମ୍ ଲଗାଇ ପାରିବେ, ତେବେ କେଉଁ କ୍ରିମ ଲଗାଇବେ ଏହା ଟାଟୁ ଆର୍ଟିଷ୍ଟଙ୍କୁ ପଚାରନ୍ତୁ । କ୍ରିମ୍ ଲଗାଇବା ଫଳରେ ଏହି ସ୍ଥାନ ଶୁଷ୍କ ହେବ ନାହିଁ ।
ବେଶି ଓଦା କରନ୍ତୁ ନାହିଁ
ସେହିଭଳି ଟାଟୁକୁ ପ୍ରାୟ ୩ ସପ୍ତାହ ପର୍ଯ୍ୟନ୍ତ ଅଧିକ ସମୟ ପାଣିରେ ବୁଡାଇ ରଖନ୍ତୁ ନାହିଁ । ଏପରି କଲେ ସମସ୍ୟା ହୋଇପାରେ । ଗାଧୋଇବା ସମୟରେ ସାମାନ୍ୟ ଓଦା ହେଲେ ଚଳିବ ହେଲେ ଅଧିକ ସମୟ ପାଣିରେ ବୁଡାଇ ସମ୍ପୃକ୍ତ ସ୍ଥାନକୁ ରଖନ୍ତୁ ନାହିଁ ।
ଉରୋକ୍ତ ଟି« ସହିତ ନିଜ ଟାଟୁ ଆର୍ଟିଷ୍ଟ ପରାମର୍ଶ କରିଥିବା ଅନ୍ୟ ନିୟମକୁ ମାନନ୍ତୁ, ଯାହା ଫଳରେ ଟାଟୁ ସମ୍ପର୍କିତ କୌଣସି ସମସ୍ୟା ଆପଣ ଦେଖିବେ ନାହିଁ । ତେଣୁ ଟାଟୁ କରିବା ସମୟ ସହିତ ଏହା ପରେ ମଧ୍ୟ ସତର୍କ ରୁହନ୍ତୁ ।
Comments are closed.