ମୋସ୍କୋ : ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହଯୋଗୀ ଥିବା ମାରିନା ୟାନକିନାଙ୍କ ମୃତ୍ୟୁ ଘଟିଛି I ସେଣ୍ଟ ପିଟର୍ସବର୍ଗରେ ଥିବା ନିଜର ୧୬ ମହଲା ଆବାସିକ ଆପାର୍ଟମେଣ୍ଟରୁ ଖସି ତାଙ୍କର ମୃତ୍ୟୁ ଘଟିଥିବା ଜଣା ପଡିଛି I ମାରିନା ପୁଟିନଙ୍କର ସାମରିକ ବିଭାଗର ଅର୍ଥ ବ୍ୟବସ୍ଥା ଦାୟିତ୍ୱରେ ରହିଥିଲେ I ସେ ଥିଲେ ‘ୱେଷ୍ଟର୍ଣ୍ଣ ମିଲିଟାରି ଡିଷ୍ଟ୍ରିକ୍ଟ୍’ର ଅର୍ଥନୈତିକ ନିର୍ଦେଶିକା।
ଖବର ଅନୁଯାୟୀ, ସେଣ୍ଟ ପିଟର୍ସବର୍ଗରେ ଥିବା ଏକ ଆବାସିକ କମ୍ପ୍ଲେକ୍ସ ତଳେ ତାଙ୍କ ମୃତ ଦେହ ପଡିଥିବା ଜଣେ ସ୍ଥାନୀୟ ପ୍ରତ୍ୟକ୍ଷଦର୍ଶୀ ଦେଖିଥିଲେ I ଡେଲି ମେଲର ରିପୋର୍ଟ ଅନୁଯାୟୀ ରୁଷ ର ଜଣେ ବରିଷ୍ଠ ପ୍ରତିରକ୍ଷା ଅଧିକାରୀ ମାରିନା ୟାନକିନା (୫୮) ସେଣ୍ଟ ପିଟର୍ସବର୍ଗର ୧୬ ତମ ମହଲା ଝରକା ୧୬୦ ଫୁଟ ଉଚ୍ଚତାରୁ ଖସି ମୃତ୍ୟୁ ବରଣ କରିଛନ୍ତି ବୋଲି ରିପୋର୍ଟ ପ୍ରକାଶ କରିଥିଲା ।
ସେହିପରି ‘ମେଟ୍ରୋ ନିଉଜ୍’ ରିପୋର୍ଟ ଅନୁସାରେ, ମାରିନା ରହିଥିବା ୧୬ ତାଲା କୋଠାରୁ ମିଳିଥିବା କେତେକ ସାମଗ୍ରୀରୁ ଜଣାପଡୁଛି ଯେ, ସେ ସେଠାରେ ବସବାସ କରୁ ନ ଥିଲେ। ପ୍ରକୃତରେ ତାହା ହେଉଛି ମାରିନାଙ୍କ ସ୍ବାମୀଙ୍କ ଆପାର୍ଟମେଣ୍ଟ୍। ମୃତ ମାରିନା ୟାଙ୍କିନା ରୁଷର ପ୍ରତିରକ୍ଷା ବିଭାଗର ଜଣେ ପ୍ରମୁଖ ଅଧିକାରୀ ଥିଲେ । ୟୁକ୍ରେନ ବିପକ୍ଷରେ ଯୁଦ୍ଧ ପାଇଁ ପାଣ୍ଠି ଯୋଗାଡ଼ କରିବା ଦାୟିତ୍ୱରେ ଥିଲେ । ତେବେ ବର୍ତ୍ତମାନ ଏହା ଅପମୃତ୍ୟୁ କିମ୍ବା ଆତ୍ମହତ୍ୟା ସ୍ପଷ୍ଟ ହୋଇନାହିଁ I ଖାବରାନୁସାରେ ରୁଷ-ୟୁକ୍ରେନ ଯୁଦ୍ଧ ଚାଲିଥିବା ବେଳେ ପୁଟିନଙ୍କ ଅନେକ ନିକଟତମ ବ୍ୟକ୍ତିଙ୍କର ରହସ୍ୟଜନକ ଭାବେ ମୃତ୍ୟୁ ଘଟିଛି ।
Comments are closed.