ଶେଫାଳୀ ଜରିଓ୍ୱାଲାଙ୍କ ଭଳି ଅନେକ ସେଲିବ୍ରିଟିଙ୍କ ହଠାତ୍ ହୃଦଘାତ ଜନିତ ମୃତ୍ୟୁ ସବୁବେଳେ ଆମ ଜୀବନଶୈଳୀ ଉପରେ ପ୍ରଶ୍ନ ଉଠାଇଥାଏ । ସଧାରଣତଃ ଫିଟ୍ ରହୁଥିବା ଏହି ସେଲିବ୍ରିଟିଙ୍କ ଶରୀର କଣ ସତରେ ଏତେ ଫିଟ୍, ଯାହା ବାହାରକୁ ଦେଖାଯାଇଥାଏ । ବର୍ତ୍ତମାନ ଏହି ବିଷୟରେ ସବୁ ସ୍ଥାନରେ ଚର୍ଚ୍ଚା ହେବା ଆରମ୍ଭ ହୋଇଛି ।
ଭାରତରେ ଏଭଳି ଅନେକ ସେଲିବ୍ରିଟି ଅଛନ୍ତି ଯେଉଁମାନଙ୍କର ଜୀବନ ହୃଦଘାତ କାରଣରୁ ଯାଇଛି । ଏଥିରେ ଅନେକ କମ ବୟସର ସେଲିବ୍ରିଟି ସାମିଲ ଅଛନ୍ତି । ଏମାନେ ଖୁବ କମ ବୟସରେ ହୃଦଘାତ କାରଣରୁ ଜୀବନ ହାରିଛନ୍ତି । ୩୦ ରୁ ୫୦ ବର୍ଷ ଭିତରେ ଅନେକ ଅଭିନେତାଙ୍କ ସହିତ ବଡବଡ ଲୋକ ଅଛନ୍ତି ଯେଉଁମାନେ ଏହି ତାଲିକାରେ ସାମିଲ ଅଛନ୍ତି । ତେବେ ଏମାନେ କେହି ବି କୌଣସି ହୃଦୟ ରୋଗରେ ପୀଡିତ ଥିବାର ଖବର ନାହିଁ । ସେହିଭଳି ଏମାନେ ସବୁବେଳେ ଜିମ୍ ଯିବା ସହିତ ଭରପୂର ବ୍ୟାୟାମ ମଧ୍ୟ କରିଥାଆନ୍ତି । ତେବେ ବର୍ତ୍ତମାନ ଜନସାଧାରଣରେ ଗୋଟିଏ ପ୍ରଶ୍ନ ଖୁବ ଚର୍ଚ୍ଚାରେ ରହୁଛି, କି ବାହାରୁ ଏତେ ଫିଟ୍ ଦେଖାଯାଉଥିବା ସେଲିବ୍ରିଟି କଣ ଭିତରୁ ଫିଟ୍ ନୁହନ୍ତି ।
ସବୁବେଳେ ଜିମ୍ରେ ଯାଇ ଝାଳବୁହାଇବା ହେଉ କିମ୍ବା ଡାକ୍ତରଙ୍କ ପରାମର୍ଶରେ ଖାଦ୍ୟ ଗ୍ରହଣ କରିବା କୌଣସିଥିରେ ଏମାନେ ପଛରେ ରହୁନାହାନ୍ତି, ତଥାପି ଏମାନଙ୍କର ଜୀବନ ହଠାତ୍ ହୃଦଘାତରେ ଯାଉଥିବା ଦେଖିବାକୁ ମିଳୁଛି । ତେବେ ଏହାରି ଭିତରେ ସମସ୍ତଙ୍କ ଇଙ୍ଗିତ ଏମାନଙ୍କ ଜୀବନଶୈଳୀ ଉପରକୁ ଯାଉଛି । ନିକଟରେ ମୃତ୍ୟୁ ହୋଇଥିବା ଶେଫାଳୀ ଜରିଓ୍ୱାଲାଙ୍କ ମୃତ୍ୟୁ ପଛରେ ତାଙ୍କର ଏକ ବିୟୁଟି ଟ୍ରିଟମେଣ୍ଟକୁ ଦାୟୀ କରାଯିବା ଆରମ୍ଭ ହୋଇଛି । ଶେଫାଳୀଙ୍କ ମୃତ୍ୟୁପରେ କେବଳ ସାଧାରଣ ଲୋକ ନୁହେଁ ସୋସିଆଲ ମିଡିଆରେ ନିଜେ ସେଲିବ୍ରିଟି ବର୍ତ୍ତମାନ ବିୟୁଟି ଟ୍ରିଟ୍ମେଣ୍ଟକୁ ନା କହିବାକୁ ଅପିଲ କରିବା ଆରମ୍ଭ କରିଛନ୍ତି । ଶେଫାଳୀଙ୍କ ମୃତ୍ୟୁ ପରେ ମଲ୍ଲିକା ଶେରାଓ୍ୱତ, ରାକ୍ଷୀ ସାଓ୍ୱନ୍ତଙ୍କ ଭଳି ଅଭିନେତ୍ରୀମାନେ ବିଭିନ୍ନ ବିୟୁଟି ଟ୍ରେଟମେଣ୍ଟ ଠାରୁ ଦୂରରେ ରହିବାକୁ ପରାମର୍ଶ ଦେବା ଆରମ୍ଭ କରିଛନ୍ତି । ତେବେ ଶେଫାଳୀଙ୍କ ମୃତ୍ୟୁ ନେଇ କୌଣସି ସ୍ପଷ୍ଟ ମତ ନଥିଲେ ମଧ୍ୟ ଗଣମାଧ୍ୟମରେ ଆଣ୍ଟି ଏଜିଂ ଟ୍ରିଟମେଣ୍ଟକୁ ନେଇ ଖୁବ ଆଲୋଚନା କରାଯାଉଛି । ଯାହା କାରଣରୁ ଶେଫାଳୀଙ୍କ ଶରୀରରେ କିଛି ସମସ୍ୟା ସେଦିନ ହୋଇଥିଲା ଏବଂ ଯାହାର ପ୍ରଭାବରେ ତାଙ୍କ ହୃଦଘାତ ହୋଇଥିବାନେଇ ଆକଳନ କରାଯାଉଛି । ସୂଚନା ଅନୁସାରେ ଶେଫାଳୀ କମବୟସ୍କ ଦେଖାଯିବା ପାଇଁ ଏକ ଆଣ୍ଟିଏଜିଂ ଇଞ୍ଜେକସନ୍ ନେଉଥିଲେ । ତେବେ ସମ୍ପୃକ୍ତ ଦିନ ସେ ଏହି ଇଞ୍ଜେକସନ୍ ନେଇଥିଲେ । ସେହିଭଳି ଚର୍ଚ୍ଚା ଅନୁସାରେ ଶେଫାଳୀଙ୍କର ସେଦିନ କୌଣସି ବ୍ରତ ଥିଲା ଯାହାଫଳରେ ସେ ଦିନ ସାରା କିଛି ଖାଇନଥିଲେ । ଏହାପରେ ସନ୍ଧ୍ୟାରେ କିଛି ଖାଇବା ପରେ ତାଙ୍କର ରକ୍ତଚାପରେ ପରିବର୍ତ୍ତନ ହୋଇଥିଲା ଏବଂ ସେ ବେହୋସ ହୋଇଯାଇଥିଲେ । ଏହାପରେ ତାଙ୍କୁ ଡାକ୍ତରଖାନା ନିଆଯାଇଥିଲା, ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ଦିନ ସାରା ସେ ଓପାସରେ ଥାଇ ମଧ୍ୟ ଔଷଧ ଖାଇଥିଲେ ଯାହା ତାଙ୍କ ମୃତ୍ୟୁର କାରଣ ସାଜିଥିଲା ବୋଲି ଗଣମାଧ୍ୟମରେ ଆଲୋଚନା ହେଉଛି । ସବୁଠାରୁ ଅଧିକ ଚର୍ଚ୍ଚା ରହୁଛି ସେଲିବ୍ରିଟିଙ୍କର ଜୀବନଶୈଳୀ, ସେମାନଙ୍କ ଖାଦ୍ୟ, ଡାଏଟ୍ ପ୍ଲାନ, ବିୟୁଟି ଟ୍ରିଟମେଣ୍ଟ ଆଦି ସବୁ କଥାକୁ ନେଇ ଆଲୋଚନା ହେଉଛି ।
ସେଲିବ୍ରିଟିଙ୍କ ଅପିଲ
ଶେଫାଳୀଙ୍କ ମୃତ୍ୟୁ ପରେ ସମସ୍ତେ ତାଙ୍କ ପରିବାରକୁ ସମବେଦନା ଦେବାରେ ଲାଗିଛନ୍ତି । ତେବେ ତାଙ୍କ ମୃତ୍ୟୁ ବର୍ତ୍ତମାନ ଯେପରି ଅନେକ ସେଲିବ୍ରିଟିଙ୍କ ପାଇଁ ଏକ ସଚେତନତାର ଘଣ୍ଟି ପାଲଟିଛି । ଅନେକ ସେଲିବ୍ରିଟି ବର୍ତ୍ତମାନ ବିୟୁଟି ଟ୍ରିଟମେଣ୍ଟର ନକରାତ୍ମକତାକୁ ନେଇ କଥା ହେବା ଆରମ୍ଭ କରିଛନ୍ତି । ଏପରିକି ସେମାନେ ଅପିଲ ମଧ୍ୟ କରିଛନ୍ତି କି ଏଭଳି ବିୟୁଟି ଟ୍ରେଟମେଣ୍ଟଠାରୁ ଦୂରରେ ରହିବାକୁ । ଏଥିରେ ସାମିଲ ଅଛନ୍ତି ବଲିଉଡ ଅଭିନେତ୍ରୀ ମଲ୍ଲିକା ଶେରାଓ୍ୱତ । ମଲ୍ଲିକା ନିଜ ସୋସିଆଲ ମିଡିଆରେ ପୋଷ୍ଟ କରି ଲୋକଙ୍କୁ ବୋଟୋକ୍ସ ଓ ଫିଲରଠାରୁ ଦୂରରେ ରହିବାକୁ ଅନୁରୋଧ କରିଛନ୍ତି । ଯୁବ ଅବସ୍ଥା ପଛରେ ଗୋଡାଇଗୋଡାଇ ଆମେ ଜୀବନଠାରୁ ଦୂରେଇ ଯାଉଛେ ବୋଲି ସେ ମତ ଦେଇଛନ୍ତି । ସବୁବେଳେ ଭଲ ଖାଦ୍ୟ, ଭଲ ନିଦ ଓ ବ୍ୟାୟାମ (ଯେତିକି ଶରୀର ପାଇଁ ହିତକର) କରି ସୁସ୍ଥ ରହିବାକୁ ମଲ୍ଲିକା ଅନୁରୋଧ କରିଛନ୍ତି । ସୌନ୍ଦର୍ଯ୍ୟ ପାଇଁ ଜୀବନକୁ ବାଜି ନଲଗାଇବାକୁ ସେ ମତ ଦେଇଛନ୍ତି । ଏହାପରକୁ ଅଛନ୍ତି ରାକ୍ଷୀ ଶାଓ୍ୱନ୍ତ, ଯିଏ ପତଳା ହେବାର ଆବଶ୍ୟକତା ନାହିଁ ବୋଲି ମତ ଦେଇଛନ୍ତି । ଗ୍ଲାମର ପାଇଁ ପତଳା ହେବାର କଣ ଆବଶ୍ୟକତା ରହିଛି ବୋଲି ସେ ଏକ ଭିଡିଓ ପୋଷ୍ଟ କରି ମତ ଦେଇଛନ୍ତି । ଯେତେବେଳେ ବି ଭୋକ ଲାଗୁଛି ଆମକୁ ଖାଇବାର ଅଛି ବୋଲି ରାକ୍ଷୀ ମତ ଦେଇଛନ୍ତି । ସେହିଭଳି ବଡ଼ି ସେମିଂକୁ ମଧ୍ୟ ରାକ୍ଷୀ ନିନ୍ଦା କରୁଥିବାର ଏହି ଭିଡିଓରେ ଦେଖିବାକୁ ମିଳୁଛି । ଏହି ବଡି ସେମିଂ କାରଣରୁ ସମସ୍ତେ ପତଳା ଓ ସୁନ୍ଦର ହେବାକୁ ଚେଷ୍ଟା କରୁଛନ୍ତି ବୋଲି ରାକ୍ଷୀ କହିଛନ୍ତି ।
Comments are closed.