ନେପାଳ : ରବିବାରଦିନ ଘଟିଥିବା ନେପାଳର ପୋଖରାରେ ଘଟିଥିବା ବିମାନ ଦୁର୍ଘଟଣା ହେଉଛି ଗତ ୫ ବର୍ଷ ଭିତରେ ସବୁଠାରୁ ବଡ଼ ଓ ଭୟାନକ ଦୁର୍ଘଟଣା I ୭୨ ସିଟ୍ ବିଶିଷ୍ଟ ୟେତି ATR- ୭୨ ବିମାନରେ ୬୮ ଯାତ୍ରୀ ଓ ୪ କ୍ର୍ୟୁ ମେମ୍ବର ଙ୍କ ସହିତ ସମସ୍ତ ଯାତ୍ରୀଙ୍କର ମୃତ୍ୟୁ ଘଟିଛି I
ସେହିପରି ନେପାଳ ବିମାନ ଦୁର୍ଘଟଣାରେ ସେଠାକାର ଲୋକପ୍ରିୟ ଗାୟିକା ନୀରା ଛାନ୍ତ୍ୟାଲ ଥିବା ଖବର ଜଣାପଡିଛି I ସେ ମାଘ ସଂକ୍ରାନ୍ତି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଲୋକଗୀତ ଗାଇବାକୁ କାଠମାଣ୍ଡୁରୁ ବିମାନଯୋଗେ ପୋଖରା ଆସୁଥିଲେ । ତେବେ ତାଙ୍କର ଦେହାନ୍ତ ହୋଇଥିବା ଜଣାପଡ଼ିବା ପରେ, ଏହି କାର୍ଯ୍ୟକ୍ରମକୁ ବାତିଲ କରିଦିଆଯାଇଛି। ନିରାଙ୍କ ଦେହାନ୍ତ ଖବର ଶୁଣି ପ୍ରଶଂସକଙ୍କ ମଧ୍ୟରେ ଶୋକର ଛାୟା ଖେଳିଯାଇଛି।
ନୀରା ସୋସିଆଲ ମିଡିଆରେ ଅଧିକ ସକ୍ରିୟ ରହୁ ନଥିଲେ I ତେଣୁ ତାଙ୍କୁ ଖୁବ ଲୋକ ଜାଣିଥିଲେ I କିନ୍ତୁ ଯେତେବେଳେ ବି ସେ କୌଣସି ସ୍ଥାନରେ ଅଭିନୟ କରୁଥିଲେ, ସେ ନିଜ ଗୀତର ଭିଡିଓ ସେୟାର କରୁଥିଲେ I
ସୂଚନାନୁସାରେ,ଦୁର୍ଘଟଣା ଗ୍ରସ୍ତ ଏହି ବିମାନରେ ୫ ଜଣ ଭାରତୀୟ ଯାତ୍ରୀ ରହିଥିବା ସୂଚନା ମିଳିଛି । ସେମାନଙ୍କର ପରିଚୟ ହେଉଛି ସଂଜୟ, ସୋନୁ ଜୟସଓ୍ଵାଲ, ବିଶାଲ ଶର୍ମା, ଅନିଲ ରାଜଭର ଏବଂ ଅଭିଷେକ କୁଶଓ୍ଵାହା ପ୍ରମୁଖ ମୃତ୍ୟୁବରଣ କରିଛନ୍ତି । ତେବେ ଏହି ବିମାନ ଦୁର୍ଘଟଣାକୁ ନେଇ କେନ୍ଦ୍ର ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଦୁଃଖ ପ୍ରକାଶ କରିଛନ୍ତି । ବିମାନରେ ୫୩ଜଣ ନେପାଳୀ, ୫ଜଣ ଭାରତୀୟ, ୪ଜଣ ରୁଷୀୟ, ୨ଜଣ କୋରିଆନ୍, ଜଣେ ଆର୍ଜେଣ୍ଟିନା ଓ ଜଣେ ଫ୍ରାନ୍ସ ଯାତ୍ରୀ ଯାତ୍ରା କରୁଥିବା ପୋଖରା ବିମାନ ବନ୍ଦର କର୍ତ୍ତୃପକ୍ଷଙ୍କ ପକ୍ଷରୁ କୁହାଯାଇଛି। ବିମାନ ଦୁର୍ଘଟଣା ପରେ ନେପାଳ ପ୍ରଧାନମନ୍ତ୍ରୀ ପୁଷ୍ପ କମଳ ଦହଲ ଦୁଃଖ ପ୍ରକାଶ କରିବା ସହିତ ତ୍ରିଭୂବନ ଏୟାରପୋର୍ଟରେ ପହଞ୍ଚି ଜରୁରୀକାଳୀନ ବୈଠକ ଡାକିଛନ୍ତି। ଦୁର୍ଘଟଣା ପରେ ଏୟାରପୋର୍ଟକୁ ବନ୍ଦ କରାଯାଇଛି।
Comments are closed.