ନୂଆଦିଲ୍ଲୀ : ତୁର୍କୀର ‘ଅପରେସନ ଦୋସ୍ତ’ ସାରି ଭାରତ ଫେରିଲେ NDRF ଟିମ Iତୁର୍କୀରେ ଘଟିଥିବା ଭୟଙ୍କର ଭୂକମ୍ପରେ ସାହାଯ୍ୟ କରିବାକୁ ଭାରତୀୟ ବୀର NDRF ଦଳ I NDRF ଦଳ ତୁର୍କୀର ଆଡାନା ବିମାନବନ୍ଦରର ପହଁଚିବାପରେ ବିମାନ ବନ୍ଦର କର୍ମଚାରୀମାନେ କରତାଳି ଦେଇ ଦଳକୁ ଧନ୍ୟବାଦ ଜଣାଇଥିଲେ । ଏହା ପରେ ଭାରତରେ ପହଞ୍ଚିବା ପରେ ଗାଜିଆବାଦର ଅଧିକାରୀମାନେ ଏନଡିଆରଏଫ ଦଳର ସଦସ୍ୟମାନଙ୍କୁ ସ୍ୱାଗତ କରିଥିଲେ।
ଭୂମିକମ୍ପ ପ୍ରପୀଡ଼ିତ ତୁର୍କୀରେ ଦୀର୍ଘ ୧୦ ଦିନ କାଳ ଉଦ୍ଧାର ଅଭିଯାନ ଚଳାଇବା ପରେ ଆଜି ୪୭ ସଦସ୍ୟବିଶିଷ୍ଟ ‘ଏନ୍ଡିଆର୍ଏଫ୍’ ଟିମ୍ ଓ ‘ଡଗ୍ ସ୍କ୍ବାଡ୍’ ମଧ୍ୟ ଭାରତକୁ ଫେରିଆସିଛନ୍ତି। ଉଦ୍ଧାର ଅଭିଯାନରେ ସାମିଲ ହୋଇଥିଲେ ‘ଡଗ୍ ସ୍କ୍ବାଡ୍’ ୪ ସନ୍ଧାନୀ କୁକୁର ଜୁଲି, ରୋମିଓ, ହନି ଏବଂ ରାମ୍ବୋ । ପ୍ରଶିକ୍ଷଣ ପ୍ରାପ୍ତ ଏହି ଲାବ୍ରାଡର୍ ପ୍ରଜାତିର କୁକୁରମାନେ ‘ନ୍ୟାସ୍ନାଲ୍ ଡିଜାଷ୍ଟର୍ ରେସ୍ପନ୍ସ୍ ଫୋର୍ସ’ର ଦୁଇଟି ପୃଥକ୍ ଟିମ୍ରେ ସାମିଲ ହୋଇଥିଲେ। ଏହି କୁକୁର ମାନେ ଭଗ୍ନସ୍ତୁପ ମଧ୍ୟରେ ଶୁଙ୍ଘି ଶୁଙ୍ଘି ଜୀବନର ସନ୍ଧାନ ପାଇଥିଲେ I ଜଣେ ୬ ବର୍ଷୀୟ ବାଳିକାକୁ ଉଦ୍ଧାର କରିବା ଲାଗି ମେସିନ୍ ବିଫଳ ହୋଇଥିବା ବେଳେ ସେ ବାଳିକାକୁ ଉଦ୍ଧାର କରି ସନ୍ଧାନୀ କୁକୁର ରୋମିଓ ଓ ଜୁଲି ଗଣମାଧ୍ୟମରେ ଚର୍ଚ୍ଚିତ ହୋଇଥିଲେ।
ଏହି ଦଳ ତୁର୍କୀରୁ ଫେରି ଗାଜିଆବାଦ ଏନଡିଆରଏଫ ବାଟାଲିୟନରେ ପହଞ୍ଚିଛି, ସେଠାରେ ତାଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବ । ଏହା ପରେ, ମଧ୍ୟାହ୍ନ ଭୋଜନ ପରେ ସେମାନେ ଘରକୁ ଯିବେ I ଅନ୍ୟପଟେ ଦ୍ୱିତୀୟ ଦଳ ଆଜି ସନ୍ଧ୍ୟାରେ ଆସିବାକୁ ଥିବାବେଳେ,ତୃତୀୟ ଦଳ ଆସନ୍ତାକାଲି ଫେରିବେ I
ସୂଚନାନୁସାରେ ତୁର୍କୀ ଏବଂ ସିରିଆରେ ୬ ଫେବୃଆରୀ ସକାଳ ୪.୩୦ରେ ହୋଇଥିଲା ଭୟଙ୍କର ଭୂମିକମ୍ପ I ଏହି ଭୂମିକମ୍ପରେ ମୃତ୍ୟୁ ସଂଖ୍ୟା ଏ ପର୍ଯ୍ୟନ୍ତ ୪୦ ହଜାର ପାଖାପାଖି ଛୁଇଁଥିବା ବେଳେ ଆହୁରି ବଢିଚାଲିଛି । ଭୂକମ୍ପ ପରେ ପୃଥିବୀର ସମସ୍ତ ଦେଶ ତୁର୍କୀକୁ ସାହାଯ୍ୟ କରିବା ପାଇଁ ହାତ ବଢ଼ାଇଥିଲେ। ଆଜି ଅର୍ଥାତ୍ ଶୁକ୍ରବାର ଦିନ ଏହି ସଂଖ୍ୟା ୪୧,୦୦୦ ଅତିକ୍ରମ କରିଛି। କେବଳ ତୁର୍କୀରେ ଏପର୍ଯ୍ୟନ୍ତ ୩୮,୦୪୪ ଲୋକ ପ୍ରାଣ ହରାଇଛନ୍ତି।
NDRF teams deployed under #OperationDost for #Earthquake #RescueOps in Türkiye returns back.
NDRF worked hard in contributing to alleviate the huge tragedy in Turkey’s earthquake. #TurkeySyriaEarthquake #SavingLivesAndBeyond 🇮🇳@PMOIndia@HMOIndia@MEAIndia@PIBHomeAffairs pic.twitter.com/jrjkKrQvzk— NDRF 🇮🇳 (@NDRFHQ) February 17, 2023
Comments are closed.