ଫଟୋରେ ଥିବା ଦୃଶ୍ୟକୁ ଦେଖି ଭାବୁଥିବେ ଏହା କୌଣସି ଏଲିଅନ୍ ସିପ୍ ହୋଇଥିବ ହେଲେ ତାହା ନୁହେଁ, ଏହା ହେଉଛି ସମୁଦ୍ରରେ ମିଳୁଥିବା ଏକ ମାଛ । ଯାହାର ନାଁ ହେଉଛି ଓସେନ୍ ସନ୍ଫିସ୍ । ଏହି ମାଛକୁ ବିଶ୍ୱର ସବୁଠୁ ଓଜନିଆ କଣ୍ଟାଯୁକ୍ତ ମାଛ ବୋଲି କୁହାଯାଏ । ଏହାର ଓଜନ ୨୫୦୦ କିଲୋ (୨.୫ ଟନ୍) ପର୍ଯ୍ୟନ୍ତ ଥାଏ । ଏହାର ଆକାର ଖୁବ୍ ବଡ଼ ହୋଇଥିବାରୁ ସମୁଦ୍ରରେ ଏହା ଏଲିଅନ୍ ସିପ୍ ଭଳି ଦୃଶ୍ୟମାନ ହୋଇଥାଏ । ଏହି ମାଛର ପକ୍ଷର ଆକାର ୪.୨ ମିଟର ଲମ୍ବ ପର୍ଯ୍ୟନ୍ତ ବଡ଼ ହୋଇଥାଏ । ଏହାର ବୈଜ୍ଞାନିକ ନାଁ ମୋଲାମୋଲା ହୋଇଥିବାବେଳେ ଏହା ହେଉଛି ଏକ ସର୍ବାହାରୀ ମାଛ । ଏହି ମାଛ ସାଧାରଣତଃ ୧୦ ବର୍ଷ ପର୍ଯ୍ୟନ୍ତ ଜୀବିତ ରହିପାରନ୍ତି । ଏହାର ଶରୀରର ଆକାର ଚେପଟା ହୋଇଥିବାବେଳେ ଏହାର ଲମ୍ବ ୧୧ ଫୁଟ ପର୍ଯ୍ୟନ୍ତ ବଢ଼ିପାରେ । ଏହି ମାଛର ପଛପଟେ ଯେଉଁ ପକ୍ଷ ରହିଛି, ତାହା କଦାପି ବଢ଼େନାହିଁ ।
Comments are closed.