ନବରାତ୍ରି ୨୦୨୩: ମହାଷ୍ଟମୀଦିନ ପାନପତ୍ରରେ କରନ୍ତୁ ଏହି ଖାସ ଉପାୟ

ବର୍ଷକୁ ୨ଟି ନବରାତ୍ରି ପଡିଥାଏ I ଗୋଟିଏ ଚୈତ୍ର ନବରାତ୍ରି ଏବଂ ଅନ୍ୟଟି ଆଶ୍ଵିନ ନବରାତ୍ରି I ସେହି ସମୟରେ ଦୁର୍ଗା ପୂଜା ପାଳନ କରାଯାଇଥାଏ I ଚୈତ୍ର ନବରାତ୍ରି ର ନବମୀ ଦିନ ଶ୍ରୀରାମ ନବମୀ ପାଳନ କରାଯାଇଥାଏ I ଚଳିତ ବର୍ଷ ମାର୍ଚ୍ଚ ମାସ ୨୨ ତାରିଖରୁ ଆରମ୍ଭ ହୋଇ ଯାଇଛି ଚୈତ୍ର ନବରାତ୍ରି I ଏହା ୩୦ ମାର୍ଚ୍ଚ ଗୁରୁବାର ଦିନ ଶେଷ ହେଉଛି I

ଚୈତ୍ର ନବରାତ୍ରି ୨୨ ମାର୍ଚ୍ଚରୁ ଆରମ୍ଭ ହୋଇଥିବାବେଳେ ଆସନ୍ତା ବୁଧୁବାର ୨୯ ତାରିଖରେ ପଡୁଛି ମହାଷ୍ଟମୀ I ଏହି ସମୟରେ ମା’ଦୁର୍ଗାଙ୍କୁ ପ୍ରସନ୍ନ କରିବା ପାଇଁ ଶ୍ରଦ୍ଧାଳୁ ମାନେ ନିଷ୍ଠାର ସହ ବ୍ରତ ପାଳନ କରିବା ସହିତ ବିଭିନ୍ନ ଉପାୟ ମାନ କରିଥାନ୍ତି I ଆସନ୍ତୁ ଜାଣିବା ମହାଷ୍ଟମୀ ବା ବାସନ୍ତୀ ଅଷ୍ଟମୀରେ ମା’ଙ୍କୁ ପ୍ରସନ୍ନ କରିବା ପାଇଁ ପାନ ପତ୍ରର ଏହି ଖାସ ଉପାୟ I

-ଯଦି ଆପଣ ଆର୍ଥିକ ସମସ୍ୟାରେ ପଡ଼ିଥାନ୍ତି,କିମ୍ବା ଆପଣଙ୍କ ଜୀବନରେ ଅନ୍ୟାନ୍ୟ ସମସ୍ୟା ଦେଖା ଦେଉଥାଏ I ତେବେ ଆପଣ ମହାଷ୍ଟମୀଦିନ ପାନ ପତ୍ରରେ ଏହି ବିଶେଷ ଉପାୟ କରି ସମସ୍ତ ସମସ୍ୟାରୁ ମୁକ୍ତି ପାଇପାରିବେ I

-ମହାଷ୍ଟମୀଦିନ, କିଛି ତାଜା ଗୋଲାପ ଫୁଲ ପାଖୁଡାକୁ ପାନ ପତ୍ରରେ ରଖି ମା ଦୁର୍ଗାଙ୍କୁ ଅର୍ପଣ କରନ୍ତୁ I ଏହା କରିବା ଦ୍ୱାରା ଆପଣ ଆର୍ଥିକ ସଙ୍କଟରୁ ମୁକ୍ତି ପାଇବେ I

– ମହାଷ୍ଟମୀଦିନ ପାନ ପତ୍ରରେ ଅଳେଇଚ ଓ ଲବଙ୍ଗ ଦେଇ ପାନ ମୋଡି,ପୂଜାସ୍ଥଳରେ ମା ଦୁର୍ଗାଙ୍କ ପାଦ ତଳେ ରଖି ଦିଅନ୍ତୁ I ମନେ ମନେ ମା’ଦୁର୍ଗାଙ୍କୁ ସ୍ମରଣ କରି ଆପଣଙ୍କ ସମସ୍ୟା କୁହନ୍ତୁ I ଏମିତି କଲେ ଆପଣଙ୍କୁ ସମସ୍ତ ପ୍ରକାରର ଆର୍ଥିକ କରଜରୁ ମୁକ୍ତି ମିଳିଥାଏ I

-ଯଦି ଆପଣ ଚାକିରିରେ ସଫଳତା ପାଇବାକୁ ଚାହାଁନ୍ତି, ତେବେ ପାନ ପତ୍ରର ଉଭୟ ପାର୍ଶ୍ୱରେ ସୋରିଷ ତେଲ ଲଗାଇ ମା ଦୁର୍ଗାଙ୍କୁ ଅର୍ପଣ କରନ୍ତୁ ଏବଂ ରାତିରେ ଏହି ପତ୍ରକୁ ଆପଣଙ୍କ ମୁଣ୍ଡ ପାଖରେ ରଖି ଶୋଇ ଯାଆନ୍ତୁ I ପରଦିନ ସକାଳେ ଉଠି ପାନ ପତ୍ର ଟିକୁ ନିକଟସ୍ଥ କୌଣସି ଦୁର୍ଗା ମନ୍ଦିରରେ ରଖିଦେଇ ଆସନ୍ତୁ I ପାନ ପତ୍ରର ଏହି ପ୍ରତିକାର କଲେ ଆପଣଙ୍କ ଚାକିରୀ ଜନିତ ସମସ୍ୟା ଖୁବ ଜଲଦି ଦୂର ହେବ I

ଯଦି ବୈବାହିକ ଜୀବନରେ ଅଶାନ୍ତି ଦେଖା ଦେଉଥାଏ I ତେବେ ଦଂପନ୍ତି ନବରାତ୍ରି ସମୟରେ ପଡୁଥିବା ମଙ୍ଗଳବାର ଏବଂ ଶନିବାର ଦିନ ପାନ ପତ୍ରର ସିଧା ପଟେ ହନୁମାନ ସିନ୍ଦୁରରେ ଜୟ ଶ୍ରୀରାମ ଲେଖି ହନୁମାନଙ୍କ ହାତରେ ରଖି ଦିଅନ୍ତୁ I ଖୁବ ଶୀଘ୍ର ସୁଖମୟ ବୈବାହିକ ଜୀବନ ଅତିବାହିତ କରିବେ I