ମୌସୁମୀ ଆସିଲେ ବର୍ଷା ଆରମ୍ଭ ହୋଇଯାଏ, ଯେଉଁ ସମୟରେ ଘରର ଅଧିକ କେୟାର ନେବାକୁ ପଡିଥାଏ । ଏହି ଦିନେ ଅଧିକ ବର୍ଷା ହେଉଥିବାରୁ ଘର ନଷ୍ଟ ହେବାର ଡର ଅଧିକ ରହିଥାଏ । ବର୍ଷା ପାଣି କାରଣରୁ ଘରର କାନ୍ଥ ଓ ଛାତ ନଷ୍ଟ ହୋଇଥାଏ । ସେହିଭଳି ଘରେ ଥିବା ବିଭିନ୍ନ କାଠ ଆସବାବ ପତ୍ର ମଧ୍ୟ ନଷ୍ଟ ହେବାର ଆଶଙ୍କା ରହିଥାଏ । ଏହି ସମୟରେ ଆଦ୍ରତା କାରଣରୁ କାଠ ଆସବାବ ପତ୍ର, ଘରର କବାଟ ଓ ଝରକା ଫୁଲିବାର ଆଶଙ୍କା ରହିଥାଏ । ସେହିଭଳି କାନ୍ଥରୁ ରଙ୍ଗ ଛାଡିବା ସହିତ କାନ୍ଥ ନଷ୍ଟ ହୋଇଥାଏ । ଅନେକ ଘରେ ବର୍ଷାଦିନେ ଛାତ ଲିକ୍ କରିବାର ସମସ୍ୟା ମଧ୍ୟ ଦେଖିବାକୁ ମିଳେ । ତେଣୁ ଏହିଭଳି ସମସ୍ତ ସମସ୍ୟାକୁ ଆଖିରେ ରଖି ମୌସୁମୀ ଆସିବା ଆଗରୁ ସମାଧାନ କରିବାର ଅଛି । ନହେଲେ ବର୍ଷା ଦିନେ ସମସ୍ୟାରେ ପଡିବାର ଆଶଙ୍କା ରହିଛି ।
– ତେଣୁ ମୌସୁମୀ ଆସିବା ଆଗରୁ ଘରର ଆଖପାଖ ସଫା କରି ନିଅନ୍ତୁ, ଯେପରି ଜମୁଥିବା ପାଣିରେ ମଶାଙ୍କର ବଂଶ ବଢିବ ନାହିଁ ।
– ଘରର ଛାତ ଓ ନାଳି ସଫା କରନ୍ତୁ ଯେପରି ପାଣି ନିଷ୍କାସନ ସହଜରେ ହୋଇପାରିବ । ଯାହାଫଳରେ ପାଣି ଜମିବ ନାହିଁ କି ଲିକ୍ ମଧ୍ୟ କରିବ ନାହିଁ ।
– ସେହିଭଳି ଛାତ କିମ୍ବା କାନ୍ଥରେ ଯଦି କୌଣସି ଛେଦ ରହିଛି ତେବେ ଏହାକୁ ମରାମତି କରି ନିଅନ୍ତୁ ଯେପରି ଏହି ବାଟେ ପାଣି ଲିକ୍ କରିବ ନାହିଁ ।
– ସମସ୍ତ କାଠ ଆସବାବ ପତ୍ର ଓ କବାଟ ଝରକାକୁ ପଲିସ୍ କରି ନିଅନ୍ତୁ, ଯେପରି ଓଦା ହୋଇ ଏହା ଫୁଲିବ ନାହିଁ ।
– ଏହାକୁ ୱାଟରପ୍ରୁଫ୍ କଭର ମଧ୍ୟ ଲଗାଇ ପାରିବେ ।
– ଘରର ବିଜୁଳି ତାର ଚେକ୍ କରିନିଅନ୍ତୁ ଯଦି କୌଣସି ସମସ୍ୟା ଥାଏ ତେବେ ଠିକ୍ କରାଇ ନିଅନ୍ତୁ ।
– ସେହିଭଳି ଘରକୁ ଜୋତା ଆଣନ୍ତୁ ନାହିଁ ଏହାକୁ ସବୁବେଳେ ର୍ୟାକ୍ରେ ରଖନ୍ତୁ ।
– ଲୁଗାପଟା ସଫା କରିବା ପରେ ଭଲକରି ଶୁଖାନ୍ତୁ ।
– ବିଶେଷଭାବେ ଘରର ରୋଷେଇଘରକୁ ସଫା ରଖନ୍ତୁ । ଘରେ ଥିବା ମୂଷା, ଅସରପା ଓ ବିଭିନ୍ନପୋକଙ୍କୁ ମାରି ସଫା କରନ୍ତୁ ।
Comments are closed.