ମୌସୁମୀ ଆସିଲେ ବିଭିନ୍ନ ପ୍ରକାରର ସ୍ୱାସ୍ଥ୍ୟ ସମସ୍ୟା ସାଙ୍ଗରେ ନେଇ ଆସିଥାଏ । ଏହିଦିନେ ଆମକୁ ସ୍ୱାସ୍ଥ୍ୟର ଅଧିକ ଯନି ନେବାର ଆବଶ୍ୟକତା ରହିଛି । ଆସନ୍ତୁ ଜାଣିବା ମନସୁନ୍ ସମୟରେ କିଭଳି ଆମର ଅନ୍ତନଳୀକୁ ସୁରକ୍ଷିତ ରଖିପାରିବା ।
ମୌସୁମୀ ବାୟୁ ସକ୍ରିୟା ହେବା ଫଳରେ ସମସ୍ତଙ୍କୁ ଗରମରୁ ତ ମୁକ୍ତି ମିଳିଥାଏ, ହେଲେ ଏହା ଅନେକ ସ୍ୱାସ୍ଥ୍ୟ ସମସ୍ୟାକୁ ଜନ୍ମ ଦେଇଥାଏ । ଏଥିରେ ଥଣ୍ଡା, ଜ୍ୱର, ଆଲର୍ଜି ଆଦି ସାମିଲ ରହିଛି । ଏହି ତାଲିକାରେ ଆଉ ଏକ ରୋଗ ସାମିଲ ରହିଛି, ଅନ୍ତନଳୀ ବା ଗଟ୍ ହେଲ୍ଥ ସମସ୍ୟା । ଅନ୍ତନଳୀ ଆମ ଶରୀରର ଇଞ୍ଜନ ଭଳି କାମ କରିଥାଏ । ଏହାର ସାହାଯ୍ୟରେ ଆମ ଶରୀରକୁ ଶକ୍ତି ମିଳିଥାଏ । ତେବେ ବର୍ଷା ଦିନେ ସାଧାରଣତଃ ଖରାପ ବ୍ୟାକେଫରିଆଙ୍କର ସଂଖ୍ୟା ବଢିଥାଏ । ତେଣୁ ଅନେକଙ୍କ ନିକଟରେ ଏହି ଦିନେ ପେଟ ସମସ୍ୟା ଦେଖିବାକୁ ମିଳିଥାଏ ।
ସାଧାରଣତଃ ପେଟର କାମ ହୋଇଥାଏ ଆମ ଖାଦ୍ୟକୁ ହଜମ କରି ଶରୀରକୁ ଶକ୍ତି ଯୋଗାଇବା । ତେବେ ବର୍ଷା ଦିନେ ବ୍ୟାକେଫରିଆଙ୍କର ସଂଖ୍ୟା ସହିତ ପ୍ରଭାବ ବଢିଥାଏ । ଏହି ବ୍ୟାକେଫରିଆମାନେ ଖାଦ୍ୟ ଜରିଆରେ ଆମ ଅନ୍ତନଳୀରେ ପ୍ରବେଶ କରିଥାଆନ୍ତି । ଯେଉଁକାରଣରୁ ସେମାନେ ଆମର ଅନେକ ସ୍ୱାସ୍ଥ୍ୟ ସମସ୍ୟାର କାରଣ ପାଲଟିଥାଆନ୍ତି । ତେବେ ଯଦି ଏଭଳି କୌଣସି ଲକ୍ଷଣ ଦେଖୁଛନ୍ତି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
ହାଇଡ୍ରେଟ ରୁହନ୍ତୁ ଗଟ୍ ହେଲ୍ଥକୁ ସୁସ୍ଥ ରଖିବା ପାଇଁ ନିଜକୁ ହାଇଡ୍ରେଟ୍ ରଖନ୍ତୁ । ଏହି ଦିନେ ଅଧିକ ପରିମାଣରେ ପାଣି ପିଅନ୍ତୁ । ବିଭିନ୍ନ ପାନୀୟ ଯେପରି ଫଳରସ, ପାଣି, ଲେମନ ଟି, ହର୍ବାଲ ଟି, ଲେମ୍ବୁ ପାଣି, ପଇଡ ପାଣି ପିଅନ୍ତୁ । ଏହି ପାଣି ଦ୍ୱାରା ଆମ ଶରୀରରୁ ସମସ୍ତ ଟକ୍ସିକ୍ ସାମଗ୍ରୀ ବାହାରି ଯାଇଥାଏ ।
ସମସ୍ୟା
ଏସିଡିଟି
ବଦହଜମି
ବାନ୍ତି
ପେଟରେ ଯନ୍ତ୍ରଣା
କୋଷ୍ଟକାଠିନ୍ୟ
ବ୍ଲୋଟିଂ
ଜ୍ୱର
ଟିପ୍ସ
– ସବୁବେଳେ ଶୁଦ୍ଧ ପାଣି ପିଅନ୍ତୁ । ପାଣିକୁ ଫୁଟାଇ ପିଇବାକୁ ଚେଷ୍ଟା କରନ୍ତୁ ।
– ମନସୁନ୍ ସମୟରେ କଞ୍ଚା ପରିବା, କଟାଯାଇ ରଖାଯାଇଥିବା ଫଳ, ଷ୍ଟ୍ରିଟ୍ ଫୁଡ୍ ଖାଆନ୍ତୁ ନାହିଁ ।
– ଖାଇବା ସମୟରେ ବିଶେଷ ଭାବେ ସଫାସୁତୁରାକୁ ଧ୍ୟାନ ଦିଅନ୍ତୁ ।
– ହାତକୁ ସାବୁନରେ ଧୁଅନ୍ତୁ ।
– ପରିବାକୁ ଭଲ କରି ଧୋଇ ଖାଆନ୍ତୁ ।
– ପର୍ଯ୍ୟାପ୍ତ ପାଣି ପିଅନ୍ତୁ ।
– ଖାଇବା ଲିଷ୍ଟରେ ଫାଇବର ପୂର୍ଣ୍ଣ ଖାଦ୍ୟକୁ ସାମିଲ କରନ୍ତୁ ।
– ଏହି ଦିନେ ଅଦା, ରସୁଣ ଓ ଭିଟାମିନ୍ ସି ଯୁକ୍ତ ଯେପରି ଲେମ୍ବୁ କମଳା ଅଧିକ ପରିମାଣରେ ଖାଆନ୍ତୁ ।
– ବ୍ୟାୟାମକୁ ଧ୍ୟାନ ଦିଅନ୍ତୁ । ପ୍ରତିଦିନ ବ୍ୟାୟାମ କିମ୍ବା ଯୋଗ କରନ୍ତୁ ।
– ଏହି ଦିନେ ପ୍ରୋସେସ୍ ଫୁଡ୍ ଖାଇବା ଠାରୁ ଦୂରରେ ରୁହନ୍ତୁ ।
Comments are closed.