ମୌସୁମୀରେ ସ୍ୱାସ୍ଥ୍ୟ ସମସ୍ୟା

ମୌସୁମୀ ଆସିଲେ ସବୁସ୍ଥାନରେ ଆରମ୍ଭ ହୋଇଥାଏ ବର୍ଷା । ତେବେ ହଠାତ୍‌ ଖରାରୁ ବର୍ଷାର ଯେଉଁ ପରିବର୍ତ୍ତନ ହୋଇଥାଏ ଏହାର ପ୍ରଭାବ ଆମର ପାଚନ ତନ୍ତ୍ର ଓ ଶାରିରୀକ ସ୍ୱାସ୍ଥ୍ୟ ଉପରେ ସବୁଠାରୁ ବେଶି ପ୍ରଭାବ ପକାଇଥାଏ । ମୌସୁମୀ ସାଙ୍ଗରେ ଅନେକ ରୋଗ ନେଇ ଆସିଥାଏ । ଏହି ସମୟରେ ଝାଡା,ବାନ୍ତି, ହଇଜା, ଡେଙ୍ଗୁ, ମେଲେରିଆ ଭଳି ସ୍ୱାସ୍ଥ୍ୟ ସମସ୍ୟା ଦେଖିବାକୁ ମିଳିଥାଏ । ବିଶେଷଭାବେ ଏହି ସମୟରେ ଯେଉଁମାନଙ୍କର ରୋଗପ୍ରତିରୋଧକ ଶକ୍ତି କମ ରହିଥାଏ ସେମାନେ ବେଶି ଅସୁସ୍ଥ ହୋଇଥାଆନ୍ତି । ମୌସୁମୀ ଆସିଲେ ସମସ୍ତ ସ୍ଥାନରେ ଆଦ୍ରତା ବଢିଥାଏ । ଯାହାଫଳରେ ଆମର ମେଟାବଲିକ୍‌ ରେଟ୍‌ କମିଥାଏ, ତେଣୁ ଏହି ସମୟରେ ଖାଦ୍ୟ ହଜମ ହେବାକୁ ସମୟ ଲାଗିଥାଏ । ଯେଉଁ କାରଣରୁ ଗ୍ୟାସ୍‌, ବଦହଜମି, ପେଟ ଯନ୍ତ୍ରଣା ଆଦି ସମସ୍ୟା ଦେଖିବାକୁ ମିଳିଥାଏ । ତେଣୁ ଏହି ସମୟରେ ଖାଦ୍ୟର ବିଶେଷଭାବେ ଯନି ନେବାକୁ ହୋଇଥାଏ । ଶୀଘ୍ର ହଜମ ହେଉଥିବା ଖାଦ୍ୟ ଖାଇବାକୁ ହୋଇଥାଏ । ସେହିପରି ବାହାର ଖାଦ୍ୟ ପରିବର୍ତ୍ତେ ଘରେ ରନ୍ଧା ଯାଇଥିବା ହାଲୁକା ତାଜା ଖାଦ୍ୟ ଖାଇବା ଫଳରେ ପାଚନ ତନ୍ତ୍ର ଠିକ୍‌ ରହିଥାଏ । ତେଣୁ ମୌସୁମୀ ବର୍ଷା ଆରମ୍ଭ ହେବାମାତ୍ରେ ନିଜର ଡାଏଟ୍‌ରେ ପରିବର୍ତ୍ତନ କରନ୍ତୁ । ଏହି ସମୟରେ କେଉଁ ଖାଦ୍ୟ ଖାଇବେ ଏହାକୁ ନେଇ ଏକ ଡାଏଟ୍‌ ଚାଟ ବନାଇପାରିବେ, ଯେଉଁଥିରେ ଆପଣ ଡାକ୍ତରଙ୍କ ସାହାଯ୍ୟ ମଧ୍ୟ ନେଇପାରିବେ । ସେହିଭଳି ନିଜ ରହୁଥିବାରୁ ସ୍ଥାନକୁ ସବୁବେଳେ ସଫା ରଖନ୍ତୁ । ବାସି ଖାଦ୍ୟ କିମ୍ବା ବାହାର ଖାଦ୍ୟ ଖାଇବାରୁ ଦୂରେଇ ରୁହନ୍ତୁ । ଘରର ଆଖପାଖରେ ପାଣି ଜମିବାକୁ ଦିଅନ୍ତୁ ନାହିଁ । ଘରେ ଶୋଇବା ସମୟରେ ମଶାରି ଟାଙ୍ଗି ଶୁଅନ୍ତୁ ।

Govt

Comments are closed.