ମୌସୁମୀ ଆସିଲେ କଣ ପିନ୍ଧିବେ ଏବଂ ଯାହାକୁ ପିନ୍ଧୁଛନ୍ତି ତାକୁ କିଭଳି ସଫା କରିବେ ଏହିଭଳି କଥାକୁ ନେଇ ଚିନ୍ତା କରିବାକୁ ପଡିଥାଏ । ବର୍ଷା କାରଣରୁ ଏହି ଦିନେ ଅନେକ ସମସ୍ୟା ଉପୁଜିଥାଏ । ତେବେ ଏହି ସମୟରେ ଫ୍ୟାଶନ ସହିତ ଆମ ଚର୍ମର ମଧ୍ୟ କେୟାରି ନେବାକୁ ହୋଇଥାଏ ଯାହାଫଳରେ ଆମେ ଚର୍ମ ସଂକ୍ରମଣରୁ ରକ୍ଷା ପାଇ ପାରିବା ।
ମନସୁନ୍ ଫାବ୍ରିକ
ଏହି ଦିନେ ସବୁବେଳେ ଜଲଦି ଶୁଖୁଥିବା ଫାବ୍ରିକ୍କୁ ଚୟନ କରନ୍ତୁ । ଏହି ସମୟରେ କଟନ୍ ବ୍ଲେଣ୍ଡ୍, ନାଇଲନ୍, ପଲିଷ୍ଟର,ରେୟନ ଭଳି ଫାବ୍ରିକ ଚୟନ କରନ୍ତୁ । ଏଗୁଡିକ ପିନ୍ଧିବାକୁ ସୁନ୍ଦର ହୋଇଥିବାବେଳେ ଖୁବ ଜଲଦି ଶୁଖିଥାଏ ମଧ୍ୟ । ଏହି ଫାବ୍ରିକର ଅନେକ ପ୍ରକାରର ପୋଷାକ ମିଳିଥାଏ । ଏହି ଫ୍ରାବ୍ରିକର ଡ୍ରେସ, ସ୍କର୍ଟ, କୁର୍ତ୍ତା, ଟପ୍ ଆଦି ପିନ୍ଧି ପାରିବେ ।
ରଙ୍ଗ
ଏହି ଦିନ ରଙ୍ଗକୁ ନେଇ ମଧ୍ୟ ଦ୍ୱନ୍ଦ ରହିଥାଏ । ଏହି ଦିନେ ଡ୍ରେସ ଅପରିଷ୍କାର ହେବାର ସମ୍ଭାବନା ଅଧିକ ରହିଥାଏ । ତେଣୁ ଏହି ଦିନେ ଗାଢ ରଙ୍ଗର ପୋଷାକ ପିନ୍ଧନ୍ତୁ ନାହିଁ । ଏହି ସମୟରେ ହଳଦିଆ, କୋରାଲ, କୋବାଲଫ ବ୍ଲì, ଗ୍ରୀନ ଆଦି ରଙ୍ଗ ପିନ୍ଧନ୍ତୁ । ଏଗୁଡିକ ଆପଣଙ୍କୁ ଏକ ଫ୍ରେସ ଲୁକ୍ ସହିତ ମୁଡକୁ ମଧ୍ୟ ଫ୍ରେସ କରିବ ।
ଜୋତା
ବର୍ଷାରେ କେବଳ ଡ୍ରେସକୁ ନେଇ ନୁହେଁ ବରଂ ଜୋତାକୁ ମଧ୍ୟ ଧ୍ୟାନରେ ରଖନ୍ତୁ । ଏହି ଦିନେ ସ୍ୱତନ୍ତ୍ର ଜୋତା ପିନ୍ଧନ୍ତୁ ଯାହାଫଳରେ ଆପଣଙ୍କ ଭଲ ଜୋତା ନଷ୍ଟ ହେବ ନାହିଁ । ଏହି ସମୟରେ ବିଶେଷ ଭାବେ ରବର ଚପଲକୁ ଚୟନ କରନ୍ତୁ, ରବର ଚପଲ ବର୍ଷାରେ ନଷ୍ଟ ହୋଇ ନଥାଏ । ସେହିଭଳି ଯେଉଁ ଜୋତା ପିନ୍ଧୁଛନ୍ତି ସେଗୁଡିକ କିଭଳି ପାଣି କିମ୍ବା ମାଟିରେ ଖସିବ ନାହିଁ ସେ ନେଇ ଧ୍ୟାନ ଦିଅନ୍ତୁ । ତେଣୁ ଭଲ ଗ୍ରିପ ଥିବା ଚପଲ ପିନ୍ଧନ୍ତୁ । ସେହିଭଳି ଅନ୍ୟ ଚପଲ ଭିତରେ କ୍ରକ୍ସ ପିନ୍ଧିପାରିବେ, ଏଗୁଡିକ ବର୍ଷାରେ ନଷ୍ଟ ହୋଇ ନଥାଏ । ସେହିଭଳି ଏହି ଦିନେ କେବେ ବି ଲେଦରର ଚପଲ ପିନ୍ଧନ୍ତୁ ନାହିଁ । ଏହା ନଷ୍ଟ ହେବାର ଖୁବ ଆଶଙ୍କା ଅଧିକ ରହିଥାଏ । ସେହିଭଳି ହିଲ୍ସ କିମ୍ବା କାନଭାସ ମଧ୍ୟ ପିନ୍ଧନ୍ତୁ ନାହିଁ । ଏଗୁଡିକ ବିଭିନ୍ନ ସମସ୍ୟା ଉପୁଜାଇଥାଏ ।
ମେକଅପ
ଏହି ସମୟରେ ବର୍ଷା ହେଉଥିବାରୁ ମେକଅପ କରିବାକୁ ଇଚ୍ଛା ହୋଇନଥାଏ । ମେକଅପ ନଷ୍ଟ ହେବାର ଡର ମଧ୍ୟ ରହିଥାଏ । ତେବେ କିଛିଟା ଛୋଟ ଟ୍ରିକ ରହିଛି ଯାହାକୁ ଆପଣାଇଲେ ଆପଣ ଖୁବ ଭଲ ମେକଅପ କରିପାରିବେ । ଏହି ସମୟରେ ହାଲୁକା କ୍ରିମ୍ ସହିତ ମ୍ୟାଟ୍ ଲିପଷ୍ଟିକ ବ୍ୟବହାର କରନ୍ତୁ । ବିଶେଷ ଭାବେ ଆଖି ଓ ଓଠର ମେକ ଅପ୍ରେ ଧ୍ୟାନ ରଖନ୍ତୁ । ବର୍ଷା ଦିନ ପାଇଁ ଉପଯୁକ୍ତ ସାମଗ୍ରୀ ଏହି ସମୟରେ ବ୍ୟବହାର କରନ୍ତୁ ।
ହେୟାର କେୟାର
ବର୍ଷା ସମୟରେ କେଶର ମଧ୍ୟ ଖୁବ କେୟାର ନେବାକୁ ହୋଇଥାଏ । ଏହି ସମୟରେ ଆଣ୍ଟି ଫଙ୍ଗାଲ ସାମ୍ପୋ ବ୍ୟବହାର କରନ୍ତୁ । ସେହିଭଳି ଚୁଟିକୁ ସଠିକ ଢଙ୍ଗରେ ଶୁଖାନ୍ତୁ । ସେହିଭଳି ଏହି ଦିନେ ଅଧିକ ତେଲ ଲଗାନ୍ତୁ ନାହିଁ । ବାହାରକୁ ଯିବା ସମୟରେ ମୁଣ୍ଡରେ କିଛିୟୁନିକ ହେୟାର ଷ୍ଟାଇଲ କରନ୍ତୁ ଯେପରି ଏହା ସୁନ୍ଦର ଲୁକ ଦେବା ସହିତ ଆପଣଙ୍କ କେଶକୁ ନଷ୍ଟ କରିବ ନାହିଁ ।
ଘଣ୍ଟା
ଯଦି ଘଣ୍ଟା ପିନ୍ଧିବାର ସଉକ ଅଛି, ତେବେ ଏହି ଦିନେ ଓ୍ୱାଟରପ୍ରୁଫ ଘଣ୍ଟା ପିନ୍ଧିପାରିବେ । ଯଦି ଏହା ନାହିଁ ତେବେ ଘଣ୍ଟାକୁ ସୁରକ୍ଷିତ ରଖନ୍ତୁ, ଓଦା କରନ୍ତ ନାହିଁ । ଯଦି ବାହାରକୁ ଯିବା ପରେ ବର୍ଷା ହେଉଛି ତେବେ ଘଣ୍ଟାକୁ ଖୋଲି ବ୍ୟାଗ୍ରେ ରଖିପାରିବେ ।
ସଂକ୍ରମଣ
ମୌସୁମୀର ମୁଖ୍ୟ ଅସୁବିଧା ହୋଇଥାଏ ଏହି ସମୟରେ ପୋଷାକ ଭଲରେ ଶୁଖି ନଥାଏ । ପୋଷାକ ନଶୁଖିବା ଫଳରେ ଅନେକ ପ୍ରକାରର ସମସ୍ୟା ଦେଖିବାକୁ ମିଳିଥାଏ । ଏହି କାରଣରୁ ବିଭିନ୍ନ ସଂକ୍ରମଣ ଦେଖିବାକୁ ମିଳିଥାଏ ।
ଫଙ୍ଗାଲ ସଂକ୍ରମଣ
ଆଦ୍ରତା କାରଣରୁ ବିଭିନ୍ନ ଫଙ୍ଗାଲ ଆମ ପୋଷାକରେ ବଢିବାର ସମ୍ଭାବନା ରହିଥାଏ । ଏହି କାରଣରୁ ଆମ ଶରୀରରେ ଲାଲ ଓ ଧଳା ରଙ୍ଗର ପ୍ୟାଚ ଦେଖିବାକୁ ମିଳିଥାଏ । ବେଳେବେଳେ ଆଙ୍ଗୁଠି ମଝିରେ ଏହି ସଂକ୍ରଣ ଦେଖିବାକୁ ମିଳେ । କୁଣ୍ଡାଇହେବାସହ ଫଳି ଯାଇଥାଏ । ଏହା ବିଶେଷଭାବେ ଗୋଡରେ ହୋଇଥାଏ ଯାହାର କାରଣ ଓଦା ସକ୍ସ କିମ୍ବା ଜୋତା ପିନ୍ଧିଲେ ହୋଇଥାଏ ।
ବ୍ୟାକ୍ଟେରିଆଲ ସଂକ୍ରମଣ
ଏହି ସମୟରେ ଫଙ୍ଗାଲ ସଂକ୍ରମଣ ସହିତ ବ୍ୟାକେଫରିଆ ସଂକ୍ରମଣ ମଧ୍ୟ ଦେଖିବାକୁ ମିଳିଥାଏ । ଯଦି ଏହି ସମୟରେ ଓଦା ପୋଷାକ ସଂସ୍ପର୍ଶରେ ଆମ ଚର୍ମ ଆସିଥାଏ ତେବେ ବ୍ୟାକେଫରିଆଲ ସଂକ୍ରମଣ ହୋଇଥାଏ । ଯାହାଫଳରେ ଦେହରୁ ଦୁର୍ଗନ୍ଧ ବାହାରିଥାଏ । ବିଭିନ୍ନ ସ୍ଥାନ କୁଣ୍ଡାଇ ହୋଇ ଫଳିଯାଇଥାଏ ।
ନାକରେ ସଂକ୍ରମଣ
ଏହି ସମୟରେ ବିଭିନ୍ନ ପ୍ରକାର ଆଲର୍ଜି ଦେଖିବାକୁ ମିଳିଥାଏ । ବିଶେଷଭାବେ ଅପରିଷ୍କାର ପୋଷାକ ପିନ୍ଧିଲେ ଛିଙ୍କ, କାଶ ଇତ୍ୟାଦି ହୋଇଥାଏ । ଏଗୁଡିକ ଏହି ସଂକ୍ରମଣର ଲକ୍ଷଣ ହୋଇଥାଏ ।
ପାଦ ସଂକ୍ରମଣ
ଏହି ସମୟରେ ବିଶେଷଭାବେ ପାଦରେ ସଂକ୍ରମଣ ଦେଖିବାକୁ ମିଳିଥାଏ । ଓଦା ଜୋତା ଓ ସକସ୍ ପିନ୍ଧିବା ଫଳରେ ପାଦରେ ସଂକ୍ରମଣ ହୋଇଥାଏ । ପାଦ କୁଣ୍ଡାଇହେବା, ଫଳି ଯିବା, ଲାଲ ପଡିବା ଭଳ ସମସ୍ୟା ଦେଖିବାକୁ ମିଳିଥାଏ । ଏଗୁଡିକ ଖୁବ ଯନ୍ତ୍ରଣାଦାୟକ ହୋଇଥାଏ ।
ଟିପ୍ସ
ଏହି ସମୟରେ ପୋଷାକ ଶୁଖାଇବାରେ ବିଶେଷଧ୍ୟାନ ଦିଅନ୍ତୁ । ଯେପରି ପୋଷାକ ଓଦା ରହିବ ନାହିଁ । ଭଲକରି ଖରା ହେଉ କିମ୍ବା ପବନରେ ଏଗୁଡିକୁ ଶୁଖାନ୍ତୁ । ନ ଶୁଖିଥିଲେ ଏହାକୁ ପିନ୍ଧନ୍ତୁ ନାହିଁ । ସେହିଭଳି ଆଣ୍ଟିଫଙ୍ଗାଲ ପାଉଡର ବ୍ୟବହାର କରିପାରିବ, ଯାହା ବିଭିନ୍ନ ସଂକ୍ରମଣକୁ କମାଇବ । ଡାକ୍ତରଙ୍କ ପରାମର୍ଶ ନେଇ ଔଷଧ ଖାଆନ୍ତୁ । ବିଶେଷଭାବେ ପାଦର କେୟାର ନିଅନ୍ତୁ । ଓଦା ଜୋତା କିମ୍ବା ସକସ୍ ପିନ୍ଧନ୍ତୁ ନାହିଁ । ପାଦରେ ତେଲ କିମ୍ବା ଡାକ୍ତରଙ୍କ ପରାମର୍ଶରେ କ୍ରିମ ମାରି ପାରିବେ ।
Comments are closed.