ଖରା ଦିନରେ ଆମ ଶରୀରରେ ଜଳୀୟ ଅଂଶ କମିଯାଇଥାଏ । ଫଳରେ ବିଭିନ୍ନ ପ୍ରକାର ଶାରୀରିକ ସମସ୍ୟା ଦିଶେ । ଏଥିରୁ ରକ୍ଷା ପାଇବା ପାଇଁ ଆମେ ବିଭିନ୍ନ ପଣା କିମ୍ବା ଜୁସ୍ କରି ପିଇଥାଉ । ତେବେ ଏହି ଦିନରେ କଞ୍ଚା ଆମ୍ବ ସବୁଆଡ଼େ ମିଳିଥାଏ । ତେବେ ଆସନ୍ତୁ ଜାଣିବା କଞ୍ଚା ଆମ୍ବକୁ ନେଇ ଆଜିର ସ୍ୱାଦିଷ୍ଟ ବ୍ୟଞ୍ଜନ ।
ସାମଗ୍ରୀ- ୫୦୦ ଗ୍ରାମ କଞ୍ଚା ଆମ୍ବ, ଅଧାକପ୍ ଚିନି, ସ୍ୱାଦ ଅନୁସାରେ ଲୁଣ, ଅଳ୍ପ ପରିମାଣ କଳା ଲୁଣ, ୨ଚାମଚ ଭଜା ଜିରା ଗୁଣ୍ଡ, ୨ଚାମଚ କଟା ପୋଦିନା ପତ୍ର, ଆବଶ୍ୟକତା ଅନୁସାରେ ପାଣି ।
ପ୍ରଣାଳୀ – ପ୍ରଥମେ ଆମ୍ବକୁ ସିଝାଇ ନିଅନ୍ତୁ । ଆମ୍ବ ଭଲ ଭାବେ ସିଝିବା ପରେ ଏହାର ଚୋପା ଛଡାଇ ଚକଟି ନିଅନ୍ତୁ । ଏହାପରେ ଆମ୍ବ ସହିତ ଅନ୍ୟ ସମସ୍ତ ସାମଗ୍ରୀକୁ ମିଶାଇ ପାଣି ଦେଇ ଅଳ୍ପ ସମୟ ପାଇଁ ବାଟି ନିଅନ୍ତୁ । ଏହାକୁ ହାତରେ ମଧ୍ୟ ମିଶାଇ ପାରିବେ । ଏହାପରେ ଏହାକୁ ଗ୍ଲାସରେ ଢାଳି ବରଫ ମିଶାଇ ପରଷନ୍ତୁ ଆମ୍ବ ପଣା ।
Comments are closed.