ଗ୍ଲାଣ୍ଡସ୍ଲାମ ଟେନିସ ରୁ ବିଦାୟ ନେଲେ ଭାରତୀୟ ମହିଳା ଟେନିସ୍ ତାରକା ସନିଆ ମିର୍ଜା I ନିଜର ଶେଷ ଗ୍ଲାଣ୍ଡସ୍ଲାମ ଖେଳୁଥିବା ସନିଆ ମିର୍ଜା ଆଜି ଶୁକ୍ରବାର (ଜାନୁଆରୀ ୨୭ ) ଅଷ୍ଟ୍ରେଲୀୟ ଓପନ୍ ମିକ୍ସଡ୍ ଡବଲ୍ସ ଫାଇନାଲରେ ସାନିଆ ଓ ରୋହନ ବୋପନ୍ନାଙ୍କ ଯୋଡ଼ି ବ୍ରାଜିଲର ଲୁଇସା ଷ୍ଟେଫାନୀ ଓ ରାଫେଲ ମାଟୋସଙ୍କ ନିକଟରୁ ପରାସ୍ତ ହୋଇଛନ୍ତି । ଏହି ମ୍ୟାଚ ରେ ଭାରତୀୟ ଯୋଡି, ବ୍ରାଜିଲ ଯୋଡି ଲୁଇସା ଷ୍ଟେଫାନି ଏବଂ ରାଫେଲ ମ୍ୟାଟୋସଙ୍କ ଙ୍କ ଠାରୁ ୬ -୭ , ୨ -୬ ରେ ପରାସ୍ତ ହୋଇଥିଲେ I
ସେମିଫାଇନାଲରେ ସାନିଆ ଏବଂ ବୋପାନ୍ନାଙ୍କ ଯୋଡି ଗ୍ରେଟ୍ ବ୍ରିଟେନ୍ର ନିଲ୍ ସ୍କୁପ୍ସ୍କି ଏବଂ ଆମେରିକାର ଡେସିରିଆ କ୍ରାଉଜିକ୍ଙ୍କୁ ୭-୬ (୫), ୬-୭ (୫), ୧୦-୬ ରେ ପରାସ୍ତ କରି ଫାଇନାଲରେ ପହଂଚିଥିଲେ। ଏହି ଯୋଡି କ୍ୱାର୍ଟର ଫାଇନାଲ ମ୍ୟାଚରେ ୱାକଓଭର ପାଇଥିଲେ।ଭାରତୀୟ ଯୋଡ଼ି ପ୍ରଥମ ସେଟ୍ରେ ଦମଦାର ପ୍ରଦର୍ଶନ କରିଥିଲେ ମଧ୍ୟ ଦ୍ୱିତୀୟ ସେଟକୁ ଷ୍ଟେଫାନି ଓ ରାଫେଲ ଯୋଡ଼ି ୬-୨ରେ ବାଜିମାତ କରିଥିଲେ। ପରାଜୟ ସହ ସାନିଆଙ୍କ ଗ୍ରାଣ୍ଡସ୍ଲାମ କ୍ୟାରିୟର ଶେଷ ହୋଇଛି । ମ୍ୟାଚ୍ ହାରିବା ପରେ ସାନିଆ ଖୁବ୍ ଭାବବିହ୍ୱଳ ହୋଇ କାନ୍ଦି ପକାଇଥିଲେ। ନିଜ ଲୁହକୁ ଯଥା ସମ୍ଭବ ଅଟକାଇବାକୁ ଚେଷ୍ଟାକରି ସେ କହିଥିଲେ ,’ଯଦି ମୁଁ କାନ୍ଦୁଛି ଏହା ମୋର ଖୁସିର ଅଶ୍ରୁ ‘ଏହି ପରାଜୟ ସହ ସାନିଆ ଓ ବୋପାନ୍ନାଙ୍କୁ ରନର୍ସଅପରେ ସନ୍ତୁଷ୍ଟ ହେବାକୁ ପଡ଼ିଛି। ମ୍ୟାଚ ଶେଷରେ ସନିଆ କହିଥିଲେ ଯେ “ରୋହନ ହେଉଛନ୍ତି ମୋର ପ୍ରଥମ ମିକ୍ସଡ ଡବଲ୍ସ ପାର୍ଟନର। ମାତ୍ର ୧୪ ବର୍ଷ ବୟସରେ ଆମେ ଏକାଠି ଖେଳି ଟୁର୍ଣ୍ଣାମେଣ୍ଟ ଜିତିଥିଲୁ । ଆଜି ପୁଣି ଏକାଠି ଖେଳି ମୁଁ ଅବସର ନେବାକୁ ଘୋଷଣା କରୁଛି I ସେହି ଅନୁସାରେ ସେ ମ୍ୟାଚ୍ ସରିବା ପରେ ସମସ୍ତଙ୍କୁ କୃତଜ୍ଞତା ଜଣାଇ ଟେନିସକୁ ଅଲବିଦା କହିଛନ୍ତି। ମ୍ୟାଚ୍ ପରେ ସାନିଆଙ୍କ ପାର୍ଟନର ବୋପନ୍ନା ତାଙ୍କୁ ଖୁବ୍ ପ୍ରଶଂସା କରିଥିଲେ ।
“My professional career started in Melbourne… I couldn’t think of a better arena to finish my [Grand Slam] career at.”
We love you, Sania ❤️@MirzaSania • #AusOpen • #AO2023 pic.twitter.com/E0dNogh1d0
— #AusOpen (@AustralianOpen) January 27, 2023
ସାନିଆ ତାଙ୍କ ଦୀର୍ଘ ବର୍ଷର ଟେନିସ କ୍ୟାରିୟର ମଧ୍ୟରେ ୬ଥର ଗ୍ରାଣ୍ଡସ୍ଲାମ ଟାଇଟଲ ଜିତିଛନ୍ତି। ଏଥିରେ ୩ଟି ମହିଳା ଡବଲ୍ସ ଓ ୩ଟି ମିକ୍ସଡ ଡବଲ୍ସ ରହିଛି। ୩୬ ବର୍ଷୀୟା ସାନିଆ ପୂର୍ବରୁ ଏକ ସାକ୍ଷାତକାର୍ ରେ କହିଥିଲେ କି ଆସନ୍ତା ଫେବୃଆରୀ ୧୯ ତାରିଖରେ ହେବାକୁ ଥିବା ଡବ୍ଲ୍ୟୁଟିଏ ୱାନ୍ ଥାଉଜାଣ୍ଡ ଇଭେଣ୍ଟ ତାଙ୍କ କ୍ୟାରିୟରର ଶେଷ ଟୁର୍ଣ୍ଣାମେଣ୍ଟ ହେବ । ଏହାପରେ ସେ ଟେନିସରୁ ସନ୍ୟାସ ନେବେ I
୧୮ ବର୍ଷ ତଳେ ସାନିଆ ମେଲବର୍ଣ୍ଣରୁ ହିଁ କ୍ୟାରିୟର ଆରମ୍ଭ କରିଥିଲେ । ଆଉ ସେହି ସ୍ଥାନରେ ଗ୍ରାଣ୍ଡସ୍ଲାମ କ୍ୟାରିୟର ଶେଷ କରିବା ସାନିଆଙ୍କ ପାଇଁ ସ୍ମରଣୀୟ ହୋଇରହିବ । ୨୦୦୯ ପରଠାରୁ ପ୍ରଥମ ଥର ପାଇଁ ମେଲବୋର୍ଣ୍ଣରେ ମିକ୍ସଡ ଡବଲ୍ସ ଟାଇଟଲ୍ ଦାବି କରିବାକୁ ନିକଟତର ହୋଇଥିଲେ ମଧ୍ୟ ମିର୍ଜା ଶେଷରେ ଅଳ୍ପକେ ବର୍ତ୍ତି ଯାଇଥିଲେ I

Comments are closed.