ଚାଙ୍ଗୋନ୍ : ଭାରତୀୟ ଭେଟେରାନ୍ ସୁଟର ମୈରାଜ ଅହମ୍ମଦ ଖାନ୍ ସୋମବାର ଇତିହାସ ରଚିଛନ୍ତି । ସେ ଆଇଏସ୍ଏସଏଫ୍ ବିଶ୍ୱକପ୍ର ପୁରୁଷ ସ୍କିଟ୍ ବର୍ଗରେ ଦେଶ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତିଛନ୍ତି । ଉତ୍ତରପ୍ରଦେଶର ୪୬ ବର୍ଷୀୟ ମୈରାଜ ଫାଇନାଲରେ ୪୦ଟି ସୁଟ୍ କରିଥିଲେ । ଏଥିରୁ ୩୭ଟି ଲକ୍ଷ୍ୟ ଭେଦ ହୋଇଥିଲା । କୋରିଆର ମିନୁସ କିନ୍ ୩୬ ଓ ବ୍ରିଟେନ୍ର ବେନ୍ ଲି ୱିଲିନ୍ ୨୬ ସୁଟ୍ ସହ ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ଜିତିଛନ୍ତି । ପୂର୍ବରୁ ଅଞ୍ଜୁ ମୁଦଗିଲ୍, ଆଶିଷ ଚୋକସି ଓ ସିପ କୌରସମରା ମହିଳା ୫୦ ମିଟର ରାଇଫଲ-୩ ପୋଜିସନ୍ ଦଳଗତ ବ୍ରୋଞ୍ଜ ପଦକ ଜିତିଥିଲେ । ଏପର୍ଯ୍ୟନ୍ତ ଭାରତ ମୋଟ୍ ୧୩ଟି ପଦକ (୫ଟି ସ୍ୱର୍ଣ୍ଣ ଓ ୫ଟି ରୌପ୍ୟ ଓ ୩ଟି ବ୍ରୋଞ୍ଜ) ଜିତି ଟେବୁଲର ଶୀର୍ଷ ସ୍ଥାନରେ ରହିଛନ୍ତି ।
Comments are closed.