ନୂଆଦିଲ୍ଲୀ : ଆଜାରବୈଜାନର ବାକୁରେ ଚାଲିଥିବା ଆଇଏସ୍ଏସ୍ଏଫ୍ ବିଶ୍ୱକପ୍ର ମହିଳା ୫୦ ମିଟର ରାଇଫଲ-୩ ପୋଜିସନ୍ରେ ଭାରତୀୟ ସୁଟର ଅଞ୍ଜୁମ ମୁଦଗିଲ ରୌପ୍ୟ ପଦକ ହାସଲ କରିଛନ୍ତି । ଏଥିସହ ଭାରତ ପଦକ ତାଲିକାର ତୃତୀୟ ସ୍ଥାନକୁ ଉଠିଛି । ଅଞ୍ଜୁମ ସ୍ୱର୍ଣ୍ଣ ପଦକ ମୁକାବିଲାରେ ଡେନ୍ମାର୍କର ରିକି ମାୟଙ୍ଗ ଇବସେନଙ୍କ ଠାରୁ ୧୨-୧୬ ବ୍ୟବଧାନରେ ହାରି ଯାଇଥିଲେ ।
ଅଞ୍ଜୁମ ବିଶ୍ୱ ଚାମ୍ପିଅନ୍ସିପ୍ ରୌପ୍ୟ ପଦକ ହାତେଇଥିଲେ । ଗୁରୁବାର ସେ ମୋଟ୍ ୬ରୁ ୫୮୭ ପଏଣ୍ଟ ହାସଲ କରି ଶ୍ରେଷ୍ଠ ୮ରେ ପ୍ରବେଶ କରିଥିଲେ । ଶୁକ୍ରବାର ସ୍ୱର୍ଣ୍ଣ ମୁକାବିଲାରେ ଅଞ୍ଜୁମ ମୋଟ୍ ୪୦୬.୫ ପଏଣ୍ଟ ସ୍କୋର କରିଥିଲେ । ଏହା ଅଞ୍ଜୁମଙ୍କ ପାଇଁ ବିଶ୍ୱକପ୍ର ବ୍ୟକ୍ତିଗତ ବର୍ଗରେ ଦ୍ୱିତୀୟ ରୌପ୍ୟ ପଦକ । ପୁରୁଷ ୩ ପିରେ ସ୍ୱପ୍ନିଲ, ଦୀପକ କୁମାର ଓ ଗୋଲି ଗୁରଜର ଦଳଗତ ରୌପ୍ୟ ପଦକ ହାସଲ କରିଛନ୍ତି । ଏହି ବିଶ୍ୱକପ୍ରେ ଭାରତର ୧୨ ଜଣିଆ ଦଳ ଅଂଶଗ୍ରହଣ କରିଛି ।
Comments are closed.