ବାଙ୍ଗାଲୁରୁ: ଭବିଷ୍ୟତରେ ମଙ୍ଗଳ ଗ୍ରହରେ ବସତି ସ୍ଥାପନର ଲକ୍ଷ୍ୟ ରଖି ସମଗ୍ର ବିଶ୍ୱର ବୈଜ୍ଞାନିକମାନେ ବିଭିନ୍ନ ପ୍ରକାର ଅନୁସନ୍ଧାନରେ ଲାଗିପଡ଼ିଛନ୍ତି । ଅନ୍ୟପକ୍ଷରେ ଭାରତୀୟ ବୈଜ୍ଞାନିକମାନଙ୍କୁ ଲାଲଗ୍ରହରେ ଘର ନିର୍ମାଣ କରିବା ଉପରେ ଏକ ସଫଳତା ମିଳିଛି । ବେଙ୍ଗାଲୁରୁ ସ୍ଥିତ ଭାରତୀୟ ବିଜ୍ଞାନ ସଂସ୍ଥା ଏବଂ ଇସ୍ରୋର ବୈଜ୍ଞାନିକମାନେ ମିଳିତି ଭାବେ ବ୍ୟାକେଫରିଆ ଭିତ୍ତିକ ସ୍ପେସ୍ ଇଟାର ଆବିଷ୍କାର କରିଛନ୍ତି ।
ତେବେ ଏହି ଇଟାକୁ ତିଆରି କରିବା ପାଇଁ ମଙ୍ଗଳର ସିମୁଲେଣ୍ଟ ସୟଲ୍ ତଥା ପ୍ରାକୃତିକ ମାଟି ଏବଂ ୟୁରିଆ ମାଟିର ଉପଯୋଗ କରିଛନ୍ତି । ଏହି ଅନ୍ତରୀକ୍ଷ ଇଟା ମଙ୍ଗଳଗ୍ରହରେ ବିଲïିଂ ପରି ସଂରଚନା ନିର୍ମାଣରେ ବ୍ୟବହୃତ ହୋଇପାରିବ, ଯାହା ଲାଲ ଗ୍ରହରେ ମାନବ ବସତିକୁ ସହଜ କରିପାରିବ । ଏହି ମହାକାଶ ଇଟାକୁ ନିର୍ମାଣ କରିବାର ବିଧିକୁ ରିସର୍ଚ୍ଚ ପତ୍ରିକା ପ୍ଲସ୍ ୱାନ୍ରେ ପ୍ରକାଶିତ ହୋଇଛି । ବୈଜ୍ଞାନିକମାନେ ସ୍ପେସ୍ ଇଟା ତିଆରି କରିବା ପାଇଁ ପ୍ରଥମେ ସ୍ପୋରୋସାରସିନା ପେଷ୍ଟୁରୀ ନାମକ ବ୍ୟାକେଫରିଆ, ୟୁରିଆ, ନିକେଲ୍ କ୍ଲୋରାଇଡ୍ ମିଶାଇ ଏକ ମିଶ୍ରଣ ପ୍ରସ୍ତୁତ କରିଛନ୍ତି । ପରେ ଏହି ମିଶ୍ରଣକୁ ଏକ ଆକାର ଦେଇଥିଲେ ।
ଏହାର କିଛି ଦିନ ପରେ ଏହି ଜୀବାଣୁ ୟୁରିଆକୁ କେଶିୟର କାର୍ବୋନେଟ୍ କ୍ରିଷ୍ଟାଲରେ ପରିବର୍ତ୍ତିତ ହୋଇଥାଏ ଏବଂ ଏହି କ୍ରିଷ୍ଟାଲ, ବ୍ୟାକେଫରିଆ ଦ୍ୱାରା ବାୟୋପଲିମର ସହ ମୃତ୍ତିକା କଣିକାରେ ଏକତ୍ର ବାନ୍ଧି ହୋଇଯାଏ । ଚନ୍ଦ୍ରରେ ଘର ନିର୍ମାଣ ପାଇଁ ଏହିପରି ମାଟି ବ୍ୟବହାର କରି ଇଟା ତିଆରି କରାଯାଇଥିଲା, କି;ୁ ଚନ୍ଦ୍ରରେ ନିର୍ମିତ ଇଟା ସ୍ତମ୍ଭାକାର ଥିଲା । ମଙ୍ଗଳ ପାଇଁ ନିର୍ମିତ ସ୍ପେସ୍ ଇଟା ବର୍ଗାକାରର ହୋଇଛି । ତେବେ ଏହି ମହାକାଶ ଇଟାକୁ ତିଆରି କରିବା ପାଇଁ ସଠିକ୍ ପରିମାଣର ଜଳ ଏବଂ ମାଟି ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ଅନୁସନ୍ଧାନକାରୀମାନେ ରିପୋର୍ଟରେ କହିଛନ୍ତି ଯେ ମଙ୍ଗଳ ଗ୍ରହର ବାୟୁମଣ୍ଡଳ ପୃଥିବୀର ବାୟୁମଣ୍ଡଳଠାରୁ ୧୦୦ ଗୁଣ ପତଳା, ଏଥିରେ ୯୫%ରୁ ଅଧିକ ଅଙ୍ଗାରକାମ୍ଳ ରହିଛି । ଏହି ଅଙ୍ଗାରକାମ୍ଳ ସେଠାରେ ଜୀବାଣୁ ବୃଦ୍ଧିରେ ପ୍ରଭାବ ପକାଇପାରେ । ଗବେଷକମାନେ ମାର୍ସ (ମାର୍ଟିଆନ୍ ଆଟମୋସ୍ପିଅର ସିମୁଲେଟର) ପରି ଏକ ଉପକରଣ ଆବିଷ୍କାର କରିଛନ୍ତି । ଏହା ହେଉଛି ଏକ କେଭିନ, ଯେଉଁଥିରେ ଗବେଷଣାଗାରରେ ମଙ୍ଗଳ ଗ୍ରହରେ ମିଳୁଥିବା ବାୟୁମଣ୍ଡଳୀୟ ସ୍ଥିତିକୁ ସୃଷ୍ଟି କରିଥାଏ । ସେହିପରି ବୈଜ୍ଞାନିକମାନେ ମଙ୍ଗଳ ଗ୍ରହରେ ବାୟୁମଣ୍ଡଳୀୟ ଏବଂ କମ୍ ମାଧ୍ୟାକର୍ଷଣର ପ୍ରଭାବକୁ ଯାଞ୍ଚ୍ ସ୍ପେସ୍ ଇଟାର ମଜବୁତି ଉପରେ କରିବାକୁ ଯୋଜନା କରିଛନ୍ତି ।
Comments are closed.