ସମୟ ବ୍ୟୁରୋ:ଇଂଲଣ୍ଡ ବିପକ୍ଷ ପ୍ରଥମ ଦିନିକିଆରେ ବାଜି ମାରିଲା ଟିମ ଇଣ୍ଡିଆ।୬ ଓ୍ବିକେଟରେ ଇଂଲଣ୍ଡକୁ ହରାଇଲା ଭାରତ।ନାଗପୁରର ଭିସିଏ ଷ୍ଟାଡିୟମରେ ଇଂଲଣ୍ଡ ପ୍ରଥମ ବ୍ୟାଟିଂ କରି ୪୭.୫ ଓଭରରେ ୨୪୮ ରନ୍ ସଂଗ୍ରହ କରି ଅଲଆଉଟ୍ ହୋଇଯାଇଥିଲା । ୨୪୮ ରନ୍ ର ବିଜୟ ଲକ୍ଷ୍ୟକୁ ଟିମ ଇଣ୍ଡିଆ ଅତି ସହଜରେ ହାସଲ କରିନେଲା।ଭାରତ ୩୮.୪ ଓଭରରେ ୬ ଓ୍ବିକେଟ ହରାଇ ଲକ୍ଷ୍ୟକୁ ହାସଲ କରି ବିଜୟ ଲାଭ କରିଥିଲା । ଶୁଭମନ ଗିଲଙ୍କ ଦର୍ଶନୀୟ ଇନିଂସ ୮୭, ଶ୍ରେୟସ ଅୟର ୫୯ ଓ ଅକ୍ଷର ପଟେଲଙ୍କ ୫୨ ରନ୍ ବଳରେ ଟିମ ଇଣ୍ଡିଆ ଜିତିଛି। ରବିନ୍ଦ୍ର ଜଡେଜା ଓ ହର୍ଷିତ ରାଣାଙ୍କୁ ୩-୩ ଓ୍ବିକେଟ ମିଳିଛି । ପଦାର୍ପଣ ମ୍ୟାଚରେ ହର୍ଷିତ ଚମତ୍କାର ଖେଳ ଦେଖାଇଛନ୍ତି। ସେହିପରି ଇଂଲଣ୍ଡରୁ ଜୋସ୍ ବଟଲର ୫୨ ଓ ଜ୍ୟାକବ ବେଥେଲ ୫୧ ରନ୍ କରିଛନ୍ତି । ପରବର୍ତ୍ତୀ ଦ୍ୱିତୀୟ ଦିନିକିଆ କଟକ ବାରବାଟୀରେ ଖେଳାଯିବ।
Comments are closed.