ନୂଆଦିଲ୍ଲୀ : ଏୟାର ଇଣ୍ଡିଆ ନ୍ୟୁୟର୍କ (US) -Delhi ବିମାନ (AI106) ର ଜରୁରୀ ଅବତରଣ I ଯାନ୍ତ୍ରିକ ତ୍ରୁଟି ଥିବା ସୂଚନା ମିଳିବା ପରେ ସ୍ୱିଡେନର ଷ୍ଟକହୋମ ବିମାନବନ୍ଦରରେ ଜରୁରୀକାଳୀନ ଅବତରଣକରିଛି I ଏହି ସମୟରେ ବିମାନଟିରେ ପରେ ପ୍ରାୟ ୩୦୦ ଯାତ୍ରୀ ଥିଲେ I ଅବତରଣ ସମୟରେ ସମସ୍ତ ଯାତ୍ରୀ ସୁରକ୍ଷିତ ଥିବା ସୂଚନା ମିଳିଛି । ସୂଚନା ପାଇବା ପରେ ବିମାନବନ୍ଦରରେ ବହୁ ସଂଖ୍ୟକ ଅଗ୍ନି ଇଞ୍ଜିନ ନିୟୋଜିତ କରାଯାଇଥିଲା।
ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟର (ଡିଜିସିଏ) ସୂଚନା ସୂଚନ ଅନୁସାରେ ୩୦୦ ଯାତ୍ରୀଙ୍କୁ ନେଇ ଏୟାର ଇଣ୍ଡିଆର ବୋଇଂ ୭୭୭ ବିମାନଟି ବୁଧବାର ଦିନ ଆମେରିକାର ନ୍ୟୁୟର୍କରୁ ଦିଲ୍ଲୀ ଅଭିମୁଖେ ଯାତ୍ରା ଆରମ୍ଭ କରିଥିଲା I ତେବେ ଉଡାଣ ଭରିବାର କିଛି ସମୟ ପରେ ହଠାତ୍ ଏହାର ଗୋଟିଏ ଇଞ୍ଜିନରୁ ତେଲ ଲିକ୍ ହେବାକୁ ଲାଗିଲା I ଏହା ପରେ ବିମାନଟି ସ୍ୱିଡେନର ଷ୍ଟକହୋମ ବିମାନ ବନ୍ଦରରେ ଜରୁରୀ ଅବତରଣ କରିଥିଲା। ଅବତରଣ ପୂର୍ବରୁ ମଧ୍ୟ ବିମାନବନ୍ଦରରେ ବହୁ ସଂଖ୍ୟକ ଅଗ୍ନି ଇଞ୍ଜିନ ନିୟୋଜିତ କରାଯାଇଥିଲା। କୁହାଯାଉଛି ଯେ ଏହି ସମୟ ମଧ୍ୟରେ ଯାତ୍ରୀମାନଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଇଞ୍ଜିନର ଯାଞ୍ଚ ଚାଲିଛି । ବିମାନରେ ଥିଲେ ୩୦୦ ଯାତ୍ରୀ । ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ଏନେଇ ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।
An #AirIndia flight from #Newark to #Delhi was diverted to #Stockholm due to an oil leak in one of the engines, according to a senior officialhttps://t.co/uI5E1IUHoX
— Hindustan Times (@htTweets) February 22, 2023
ଏହାପୂର୍ବରୁ ଫେବୃଆରୀ ୨୦ ରେ ଦିଲ୍ଲୀରୁ ଦେଓଘରକୁ ଯାଉଥିବା ଇଣ୍ଡିଗୋ ବିମାନରେ ବୋମା ସମ୍ପର୍କରେ ସୂଚନା ପାଇବା ପରେ ଆଲୋଡ଼ନ ସୃଷ୍ଟି ହୋଇଥିଲା। ତରବରିଆ ଭାବେ ବିମାନଟିକୁ ଲକ୍ଷ୍ନୌ ଆମାସି ବିମାନ ବନ୍ଦରରେ ଅବତରଣ କରାଯାଇଥିଲା I ତେବେ ଅନୁସନ୍ଧାନରୁ ଏହା ଏକ ଗୁଜବ ଥିବା ଜଣା ପଡିଥିଲା I
Comments are closed.