ଖରାଦିନେ ଅନେକ ସମୟରେ ଦେଖିବାକୁମିଳେ ରାତିରେ ନିଦ ହୋଇ ନଥାଏ । ରାତିରେ ନିଦ ନ ହେବାରୁ ସାରା ଦିନ ଆମକୁ ଅଳସୁଆ ଲାଗିଥାଏ, ଯାହା ଆମର କାର୍ଯ୍ୟ ଉପରେ ମଧ୍ୟ ପ୍ରଭାବ ପକାଇଥାଏ । ଆସନ୍ତୁ ଜାଣିବା ଏହାର କାରଣ ଓ ନିରାକରଣ ସମ୍ପର୍କରେ । ସାଧାରଣତଃ ଖରାଦିନ ରାତି ଖୁବ ରେଷ୍ଟଲେସ୍ ହୋଇଥାଏ । ଏହି ସମୟରେ ଠିକ୍ ଭାବେ ନିଦ ଆସିନଥାଏ, କାରଣ ଗରମ ଓ ଖରାର ପ୍ରଭାବ ଆମ ନିଦ ଉପରେ ଅଧିକ ରହିଛି ।
କାରଣ
ଅଧିକ ତାପମାତ୍ରା
ଭଲ ନିଦ ପାଇଁ ୧୫ଡିଗ୍ରୀ ରୁ ୧୯ ଡିଗ୍ରୀ ସେଲ୍ସିୟସ ହୋଇଥାଏ । ହେଲେ ଖରାଦିନେ ରାତିର ତାପମାତ୍ରା ଏହି ରେଞ୍ଜ ଠାରୁ ଖୁବ ଅଧିକ ରହିଥାଏ । ଯାହାଫଳରେ ଆମ ଶରୀର ଥଣ୍ଡା ହେବା ପାଇଁ ସମୟ ନେଇଥାଏ ଏବଂ ଆମକୁ ନିଦ ହୋଇ ନଥାଏ ।
ଅଧିକ ସମୟ ଦିନ
ଖରାଦିନେ ସନ୍ଧ୍ୟା ହେଲା ବେଳକୁ ୬.୩୦ ପରେ ହୋଇଥାଏ । ଯେଉଁ କାରଣରୁ ଆମ ଶରୀରରେ ମେଲାଟୋନିନର କ୍ଷରଣ ଉପରେ ପ୍ରଭାବ ପଡିଥାଏ । ମେଲାଟୋନିନ୍ ଆମର ନିଦ ଆସିବାରେ ସାହାଯ୍ୟ କରିଥାଏ । ତେଣୁ ଅଧିକ ସମୟ ଦିନ ରହିଲେ ନିଦ ନହେବାର ସମସ୍ୟା ଦେଖିବାକୁ ମିଳିବ ।
ରାତିରେ ଝାଳ ବାହାରିବା
ରାତିରେ ଗୁଳଗୁଳି କାରଣରୁ ଅଧିକ ପରିମାଣରେ ଝାଳ ବାହାରିଥାଏ । ଏହି ଝାଳ ଆମ ନିଦ୍ରାହୀନତାର ସମସ୍ୟାକୁ ବଢାଇଥାଏ । ଏହି ଝଆଳ କାରଣରୁ ରାତିରେ ବାରମ୍ବାର ନିଦ ଭାଙ୍ଗିଥାଏ । କେତେକ ସ୍ଥାନରେ ଏସିକୁ ମଧ୍ୟ ଏହାର କାରଣ ସୂଚାଇ ଥାଆନ୍ତି । ଦିନ ସାରା ଏସିରେ ରହିବା ପରେ ଆମର ରାତ୍ରିରେ ନିଦ୍ରା ହିନତା ସମସ୍ୟା ଦେଖିବାକୁ ମିଳିଥାଏ ।
ରୁମ ଥଣ୍ଡା ରଖନ୍ତୁ
ଶୋଇବାକୁ ଯିବା ଆଗରୁ ସମ୍ପୃକ୍ତ ଘରଟିକୁ ଥଣ୍ଡା ରଖନ୍ତୁ । ଏହାର ଝରକା କବାଟ ଖୋଲନ୍ତୁ ଯେପରି ରୁମର ତାପମାତ୍ରା କମିବ ଏବଂ ଘରେ ସତେଜ ବାୟୁ ଚଳାଚଳ ହେବ । ସେହିଭଳି ଏହି ଘରକୁ ଦିନରେ କଳା ପରଦା ପକାଇ ପାରିବେ ଯେପରି ସୂର୍ଯ୍ୟ କିରଣ ଘରେ ନ ପଶିବ ।
ଶୋଇବା ସମୟ ଠିକ୍ ରଖନ୍ତୁ
ସବୁବେଳେ ଖରାଦିନେ ଶୋଇବା ସମୟ ଠିକ ରଖନ୍ତୁ । ଗୋଟିଏ ସମୟରେ ଶୋଇବାକୁ ଯାଇ ଗୋଟିଏ ସମୟରେ ଉଠନ୍ତୁ । ଏପରି ଅଭ୍ୟାସ ପକାଇବା ଦ୍ୱାରା ନିଦ ଭଲ ହେବା ସହିତ ନିଦ ସମସ୍ୟା ମଧ୍ୟ ରହିବ ନାହିଁ ।
ସ୍କ୍ରିନ୍ ଟାଇମ୍ କମାନ୍ତୁ
ଖରାଦିନେ ଶୋଇବାକୁ ଯିବାର କିଛି ଘଣ୍ଟା ପୂର୍ବରୁ ମୋବାଇଲ, ଟିଭି ଦେଖିବା ବନ୍ଦ କରନ୍ତୁ । ଏପରି କରିବା ଦ୍ୱାରା ଶୀଘ୍ର ନିଦ ହୋଇଥାଏ । ସେହିଭଳି ସମ୍ପୃକ୍ତ ଘରର ବିଜୁଳି ବନ୍ଦ କରନ୍ତୁ ।
ଗାଧାନ୍ତୁ
ଖରାଦିନେ ଶୋଇବାକୁ ଯିବା ଆଗରୁ ଭଲକରି ଗାଧାନ୍ତୁ । ଏପରି କରିବା ଦ୍ୱାରା ଆପଣଙ୍କ ଶରୀରର ତାପମାତ୍ରା ନିୟନ୍ତ୍ରଣରେ ରହିଥାଏ ଏବଂ ଭଲ ନିଦ ହୋଇଥାଏ । ସେହିଭଳି ଦିନରେ ଭଲକରି ପାଣି ପିଅନ୍ତୁ । ହାଇଡ୍ରେଟ ରହିବା ମଧ୍ୟ ଆମ ନିଦକୁ ସଠିକ୍ ଭାବେ ପରିଚାଳନା କରିଥାଏ ।
Comments are closed.