ଅନେକ ସମୟରେ ଦେଖିବାକୁ ମିଳେ କିଛି ଓଭର ଟାଇମ କାମ କରିଥାଆନ୍ତି । ହେଲେ ମିଳିଥିବା ନୂଆ ଗବେଷଣା ରିପୋର୍ଟ ଅନୁସାରେ ଏହାର ନକାରାତ୍ମକ ପ୍ରଭାବ ଆମ ମସ୍ତିଷ୍କ ଉପରେ ପଡିଥାଏ । ଏହି ଗବେଷଣା ସାଉଥ୍ କୋରିଆର ଚୁଙ୍ଗ ଅଙ୍ଗ ବିଶ୍ୱବିଦ୍ୟାଳୟର ବୈଜ୍ଞାନିକମାନେ କରିଛନ୍ତି । ଏହି ଗବେଷଣାରେ କେବଳ ଓଭର ଟାଇମ୍ର ଆମ ମସ୍ତିଷ୍କ ଉପରେ ପ୍ରଭାବର ଗବେଷଣା କରାଯାଇଥିଲା । ଏହି ଗବେଷଣାରେ ପାଖାପାଖି ୧୧୦ଜଣ କର୍ମଚାରୀ ସାମିଲ ହୋଇଥିଲେ । ସେଥିରୁ ୩୨ ଜଣ ଓଭର ଟାଇମ୍ କରୁଥିବାବେଳେ ୭୮ଜଣ ସାଧାରଣ ସମୟରେ କାର୍ଯ୍ୟ କରୁଥିଲେ । ତେବେ ଓଭର ଟାଇମ୍ର ପ୍ରଭାବ ଆମର ମସ୍ତିଷ୍କର ଯେଉଁ ଭାଗ ବିଭିନ୍ନ ସମସ୍ୟାକୁ ସମାଧାନ କରିଥାଏ ତାହା ଉପରେ ପଡିଥାଏ । ଏହାସହ ମାନସିକ ସ୍ୱାସ୍ଥ୍ୟ ମଧ୍ୟ ବିଗିଡିଥାଏ ବୋଲି ଏହି ଗବେଷଣାରେ ଜଣା ପଡିଛି । ଏହି ଗବେଷଣାରେ ବିଭିନ୍ନ ତଥ୍ୟ ସହିତ ଭାଗନେଇଥିବା ଲୋକଙ୍କର ଏମ୍ଆର୍ଆଇ ସ୍କାନ ମଧ୍ୟ ବ୍ୟବହାର କରାଯାଇଥିଲା ।
Comments are closed.