ଏଭଳି ଏକ ବିରଳ ବ୍ୟାକ୍ଟେରିଆର ଅନୁସନ୍ଧାନ ମିଳିଛି, ଯାହା ଆମ ଶରୀରର ମାଂସକୁ ଖାଇଥାଏ । ଏହା ପ୍ରଥମେ ଏକ କୁଣ୍ଡିଆରୁ ଆରମ୍ଭ ହୋଇ ଗମ୍ଭୀର ରୂପ ନେଉଛି । ଏଭଳି ଏକ ଉଦାହରଣ ୟୁ.କେ.ରେ ଦେଖିବାକୁ ମିଳିଛି । ଜଣେ ୨୭ ବର୍ଷୀୟ ମହିଳାଙ୍କର ପ୍ରଥମେ ଏକ ଛୋଟ କୁଣ୍ଡିଆ ହୋଇଥିଲା । ହେଲେ ପରେ ଏହା ବହୁତ ଅଧିକମାତ୍ରାରେ ବଢିଯାଇଥିଲା । ଏହା ଏପରି ଗୁରୁତର ହୋଇଥିଲା କି ମହିଳାଙ୍କୁ ଡାକ୍ତରଖାନା ଯିବାକୁ ପଡିଥିଲା । ତେବେ ଏହି ଭୟଙ୍କର ବିରଳବ୍ୟାକ୍ଟେରିଆର ନାମ ହେଲା ନେକ୍ରୋଟିଜିଙ୍ଗ୍ ଫାସ୍କିଟିଜ୍ । ଏହା ଏକ ପ୍ରକାରର ବ୍ୟାକ୍ଟେରିଆଲ ଇନଫେକସନ୍ ଯାହା ବହୁତ ଶୀଘ୍ର ବ୍ୟାପିଥାଏ । ସିଡିସିର ରିପୋର୍ଟ ଅନୁସାରେ ଏହି ବ୍ୟାକ୍ଟେରିଆ ସାଧାରଣତ ଆମ ଶରୀରେ କୌଣସି ସ୍ଥାନରେ ଛୋଟ ଖଣ୍ଡିଆ କିମ୍ବା କୁଣ୍ଡିଆ ସାହାଯ୍ୟରେ ଏଣ୍ଟ୍ରି କରିଥାଏ । ଏହି ବ୍ୟାକ୍ଟେରିଆ ଆମ ଶରୀରର ଟିସୁକୁ ମାରିଦେଇଥାଏ । ବର୍ତ୍ତମାନ ବିଶ୍ୱରେ ଏହି ରୋଗରେ ପୀଡିତ ଅନେକ ଲୋକଙ୍କୁ ଦେଖିବାକୁ ମିଳୁଛି । ଏହି ବ୍ୟାକ୍ଟେରିଆ ଆମ ଚର୍ମରେ ଥିବା ଟିସୁ ଓ ମାଂସପେଶୀକୁ ନଷ୍ଟ କରିଥାଏ । ବ୍ୟାକ୍ଟେରିଆଟି ଆମ ଶରୀରକୁ ଭିତରପଟୁ ଧୀରେଧୀରେ ଖାଇ ଖୋଳ କରିବାକୁ ଲାଗିଥାଏ । ତେବେ ଏହାର ଲକ୍ଷଣ ଚିହ୍ନି ଏହାକୁ ଉପଚାର କରିବାର ଆବଶ୍ୟକତା ରହିଛି । ପ୍ରାରମ୍ଭିକ ଲକ୍ଷଣ ଭାବେ ଶରୀରରେ ଲାଲ ଚିହ୍ନ ସୃଷ୍ଟି ହେବା, ଫୁଲିବା, ଅଧିକ ଯନ୍ତ୍ରଣା,ଜ୍ୱର ଆଦି ହୋଇଥାଏ । ଯଦି ଏଭଳି କିଛି ଲକ୍ଷଣ ଅନେକ ଦିନ ଧରି ଲାଗି ରହୁଛି, ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
Comments are closed.