ବେଜିଂ: ସାମୁଦ୍ରିକ ସ୍ତନ୍ୟପାୟୀ ପ୍ରାଣୀ ‘ଡୁଗୋଙ୍ଗ’ ଏବେ ଚୀନରେ ସମ୍ପୂର୍ଣ୍ଣ ରୂପେ ବିଲୁପ୍ତ ହୋଇଯାଇଛି । ନିକଟରେ ଏକ ନୂଆ ଗବେଷଣାରୁ ଏହି ତଥ୍ୟ ସାମ୍ନାକୁ ଆସିଛି । ଡୁଗୋଙ୍ଗ ସାଧାରଣତଃ ‘ସମୁଦ୍ର ଗାଈ’ ରୂପେ ଜଣାଯାଇଥାଏ । ଶହ ଶହ ବର୍ଷରୁ ଏହି ଜୀବ ଚୀନର ସମୁଦ୍ରରେ ଘାସ ଚରୁଥିଲା, ହେଲେ ଦୁଇ ଦଶନ୍ଧିରୁ ଅଧିକ ସମୟ ହେବ ଏମାନଙ୍କୁ ଆଉ ସେଠି ଦେଖିବାକୁ ମିଳିନାହିଁ ।
ବୈଜ୍ଞାନିକମାନଙ୍କର ଏକ ଅନ୍ତର୍ଜାତୀୟ ଟିମ୍ ନିକଟରେ ଏହାର ଯାଞ୍ଚ କରିଥିଲା । ଚୀନର ୪ ପ୍ରାନ୍ତରେ ସ୍ଥାନୀୟ ମତ୍ସ୍ୟଜୀବୀ ସମୁଦାୟଙ୍କର ସର୍ଭେ କରାଯାଇ ଡୁଗୋଙ୍ଗ ନଥିବାର ପ୍ରମାଣ ଖୋଜା ଯାଇଥିଲା । ବର୍ତ୍ତମାନ ରୟାଲ ସୋସାଇଟି ଓପନ୍ ସାଇନ୍ସ ଜର୍ନାଲରେ ପ୍ରକାଶିତ ତଥ୍ୟ ମୁତାବକ, ୧୯୬୦ ଆଖପାଖରେ ଡୁଙ୍ଗୋଗ୍ ବୃହତ୍ ସଂଖ୍ୟାରେ ଥିଲେ । କି;ୁ ୧୯୭୫ ପରେ ଏମାନଙ୍କ ସଂଖ୍ୟା ଦ୍ରୁତ ଗତିରେ ହ ୍ରାସ ପାଇବାକୁ ଲାଗିଲା ।
୨୦୦୮ ପରଠାରୁ ମତ୍ସ୍ୟଜୀବୀମାନେ ଡୁଗୋଙ୍ଗକୁ ଦେଖିବାର କୌଣସି ବି ପ୍ରମାଣ ପାଇ ନ ଥିଲେ । ଏଥିସହ ଚୀନର ବିଶେଷଜ୍ଞମାନେ ବି ୨୦୦୦ ପରଠୁ ଡୁଗୋଙ୍ଗ ଦେଖିବାକୁ ପାଇଲେ ନାହିଁ । ବିଶେଷଜ୍ଞଙ୍କ କହିବା ହେଲା, ଏହି ଜୀବ ବର୍ତ୍ତମାନ ଚୀନରେ ବିଲୁପ୍ତ ହୋଇଯାଇଛି ।
କହି ରଖୁଛୁ, ଡୁଗୋଙ୍ଗ ର ଶରୀର ମୋଟା ଓ ଚଉଡ଼ା । ମୁହଁ ଲଟକି ରହିଥିବା ବେଳେ ଲାଞ୍ଜ ଡଲଫିନ୍ ଭଳି । ଏକ ବୟସ୍କ ଡୁଗୋଙ୍ଗ ର ଲମ୍ବା ପାଖାପାଖି ୧୩ ଫୁଟ୍ ଏବଂ ଓଜନ ୪୦୦ କିଲୋରୁ ଅଧିକ । ମିଶିଗନ ୟୁନିଭର୍ସିଟିର ମୁତାବକ, ଭୂମିରେ ଗାଈମାନେ ଯେପରି ଘାସ ଚରନ୍ତି, ସେହିପରି ଡୁଗୋଙ୍ଗ ମଧ୍ୟ ସାମୁଦ୍ରିକ ଘାସ ଚରିଥାଏ । ସମୁଦ୍ରରେ ଏହା ଏକମାତ୍ର ସ୍ତନ୍ୟପାୟୀ ପ୍ରାଣୀ, ଯିଏକି ସମ୍ପୂର୍ଣ୍ଣ ଶାକାହାରୀ । ଘର କହିବା ହେଲା, ଡୁଗୋଙ୍ଗ ସମୁଦ୍ର ତଟ ନିକଟରେ ଘାସ ଚରିଥାଏ । ଏଥିପାଇଁ ପ୍ରାୟତଃ ମତ୍ସ୍ୟଜୀବୀଙ୍କ ଡଙ୍ଗା ସହିତ ଏମାନେ ଧକା ହୋଇ ଥାଆନ୍ତି ।
Comments are closed.