ବେଳେବେଳେ ଦେଖିବାକୁ ମିଳେ ଝାଡା ରୋଗକୁ କେହି ଏତେ ଗମ୍ଭୀରତାର ସହିତ ନେଇ ନଥାନ୍ତି । ହେଲେ ପ୍ରଥମରୁ କମରେ ଆରମ୍ଭ ହୋଇଥିବା ଏହି ରୋଗ ଗମ୍ଭୀର ସମସ୍ୟା ପାଲଟିଥାଏ । ଏପରିକି ଏହା ଜୀବନ ମଧ୍ୟ ନେଇଥାଏ । ସେହିଭଳି ଏକ ସମସ୍ୟ ହେଲା ଡାଇରିଆ, ଯାହା ପ୍ରଥମରୁ କମରେ ଆରମ୍ଭ ହୋଇ ଗମ୍ଭୀର ହୋଇଥାଏ । ଏହାର ଲକ୍ଷଣ ଭାବେ ଅତ୍ୟଧିକ ତରଳ ଝାଡାକୁ ଧରାଯାଇଥାଏ । ଏପରି ହେଲେ ତୁରନ୍ତ ଡାକ୍ତରଙ୍କ ପରାମର୍ଶର ଆବଶ୍ୟକତା ରହିଛି ।
କାରଣ
ଡାଇରିଆ ଅନେକ କାରଣରୁ ହୋଇଥାଏ । ଖାଦ୍ୟ, ପାନୀୟ, ପରିବେଶ ସବୁର ପ୍ରଭାବ ଏହା ଉପରେ ରହିଛି ।
ସଂକ୍ରମଣ
ଇଣ୍ଟରନେଟରେ ଥିବା ତଥ୍ୟ ଅନୁସାରେ ଡାଇରିଆ ଏକ ଭାଇରାଲ ସଂକ୍ରମଣ ହୋଇଥାଏ, ଯାହାର କାରଣ ନୋରୋ ଭାଇରସ, ରୋଟା ଭାଇରସ ବା ଆଡେନୋ ଭାଇରସ ହୋଇପାରେ । କେବଳ ଭାଇରସ ନୁହେଁ ଏହାର କାରଣ ବ୍ୟାକେଫରିଆ କିମ୍ବା ପାରାସାଇଟ୍ ମଧ୍ୟ ହୋଇପାରେ । ଯେଉଁମାନେ ଆମ ଶରୀରକୁ କୌଣସି ବି ମାଧ୍ୟମରେ ଯିବା ପରେ ଏହି ସ୍ୱାସ୍ଥ୍ୟ ସମସ୍ୟା ଉପୁଜିଥାଏ ।
ଖାଦ୍ୟ
କିଛି କ୍ଷେତ୍ରରେ ଖାଦ୍ୟରେ କୌଣସି ଏପଟସେପଟ ହେଲେ ମଧ୍ୟ ଡାଇରିଆ ହେବାର ଆଶଙ୍କା ରହିଥାଏ । କିଛି ଖାଦ୍ୟକୁ ଆମ ପାଚନ ତନ୍ତ୍ର ହଜମ କରି ପାରିନଥାଏ ଯେଉଁ କାରଣରୁ ଡାଇରିଆ ହୋଇଥାଏ ।
ଟିପ୍ସ
ଦୈନନ୍ଦିନ ଜୀବନରେ କିଛି କଥାର ଧ୍ୟାନ ରଖିଲେ ଆମେ ଡାଇରିଆ ସହିତ ବିଭିନ୍ନ ପେଟ ସମସ୍ୟାରୁ ଦୂରେଇ ରହିପାରିବା । ଏହି ଦିନେ ଯଥା ସମ୍ଭବ ଅଧିକ ପାଣି ପିଇବାକୁ ଚେଷ୍ଟା କରନ୍ତୁ । ସେହିଭଳି ସବୁବେଳେ ସଫା ତଥା ପରିଷ୍କାର ପାଣି ପିଅନ୍ତୁ । ଯାହା ଖାଉଛନ୍ତି ତାକୁ ନଜରରେ ରଖନ୍ତୁ । ବଜାରର ଖାଦ୍ୟ ଠାରୁ ଦୂରରେ ରୁହନ୍ତୁ । ସବୁବେଳେ ସତେଜ ଖାଦ୍ୟ ଖାଆନ୍ତୁ, ବାସି ଖାଦ୍ୟ ଖାଆନ୍ତୁ ନାହିଁ । ଯଦି ବୁଲିବାକୁ ଯାଉଛନ୍ତି ତେବେ ଆବଶ୍ୟକ ସତର୍କତା ଅବଲମ୍ବନ କରନ୍ତୁ । ପାଣିରେ ଭରପୂର ଥିବା ଫଳମୂଳ ଖାଆନ୍ତୁ ଏହା ବେଶ୍ ଲାଭ ଦାୟକ ହୋଇଥାଏ । ଯଦି ଲକ୍ଷଣ ଅଧିକ ଦେଖୁଛନ୍ତି ତେବେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ । ଡାକ୍ତରୀ ଚିକିତ୍ସାରେ ଏହା ଖୁବ ଜଲଦି ଭଲ ହୋଇଥାଏ ।
Comments are closed.