ଚୀନ୍: ନଭେମ୍ବର ୧୬: ବିଶ୍ୱର ବିତ୍ତଶାଳୀ ରାଷ୍ଟ୍ର ଥିବା ଆମେରିକା ଏବେ ପ୍ରତି କ୍ଷେତ୍ରରେ ପଛରେ ପଡିଛି । ପ୍ରଥମ ସ୍ଥାନରେ ରହିଛି ଚୀନ୍ । ବିଭିନ୍ନ କ୍ଷେତ୍ର ସହିତ ବାଣିଜ୍ୟ ଏବଂ ସମ୍ପତ୍ତିରେ ଚୀନ୍ ଏବେ ଆଗୁଆ ରାଷ୍ଟ୍ର ବୋଲି ମ୍ୟାନେଜମେଣ୍ଟ କନସଲଟାଣ୍ଟ ମ୍ୟାକ୍କିନ୍ସି ରିପୋର୍ଟରେ ପ୍ରକାଶ ପାଇଛି ।
ରିପୋର୍ଟ ଅନୁସାରେ, ଗତ ୨୦ ବର୍ଷ ମଧ୍ୟରେ ଚୀନ୍ର ଜାତୀୟ ସମ୍ପତ୍ତି ,ସମୃଦ୍ଧ ଆମେରିକାର ସମ୍ପତ୍ତିଠାରୁ ଅନେକାଂଶରେ ବଢିଯାଇଛି । ସାରା ବିଶ୍ୱର ସମ୍ପତ୍ତି ୩ ଗୁଣା ବଢିଥିବାବେଳେ ଏଥିରୁ କେବଳ ଚୀନ୍ର ସମ୍ପତ୍ତି ଏକ ତୃତୀୟାଂଶ(୧/୩) ରହିଛି । ଦୁନିଆର ସବୁଠୁ ଧନଶାଳୀ ଦେଶ ରୂପେ ଚୀନ୍ ଆଗରେ ଥିବାବେଳେ ତାପଛକୁ ରହିଛି ଆମେରିକା । ଏହି ଦୁଇ ଦେଶର ସମ୍ପତ୍ତିର ଅଧିକାଂଶ ଭାଗ କିଛି ଧନୀକ ବ୍ୟକ୍ତିଙ୍କ ପାଖରେ ରହିଛି । ଦୁଇ ଦେଶର ୧୦ ପ୍ରତିଶତ ଲୋକଙ୍କ ପାଖରେ ରହିଛି ସବୁଠୁ ଅଧିକ ଧନ । ଏହି ଦେଶ ମାନଙ୍କରେ ଧନୀକଙ୍କ ସଂଖ୍ୟା ବଢୁଥିବାରୁ ବିଶ୍ୱରେ ଧନୀ ଗରୀବ ରାଷ୍ଟ୍ରଙ୍କ ମଧ୍ୟରେ ତାରତମ୍ୟ ବଢିବାରେ ଲାଗିଛି । ସବୁଠୁ ଆଶ୍ଚର୍ଯ୍ୟକର କଥା ହେଉଛି ୨୦୦୦ରେ ଚୀନ୍ର ସମ୍ପତ୍ତି ୭ ଟିଲିୟନ୍ ଡଲାର ଥିବାବେଳେ ୨୦୨୦ରେ ଏହା ୧୨୦ ଟ୍ରିିଲିୟନ ଡଲାରରେ ପହଞ୍ଚିଛି । ବର୍ଷ ୨୦୦୦ରେ ସାରା ବିଶ୍ୱର ସମ୍ପତ୍ତି ୧୫୬ ଟ୍ରିଲିଅନ୍ ଡଲାର ଥିବାବେଳେ ଏବେ ଏହା ବଢି ୫୧୪ ଟ୍ରିଲିଅନ୍ ଡଲାରରେ ପହଞ୍ଚିଛି । ଏଥିରୁ ୬୮ % ସମ୍ପତ୍ତି ଅସ୍ଥାବର ରୂପେ ଥିବାବେଳେ ବାକି ସମ୍ପତ୍ତି ଦେଶର ବୁନିୟାଦି ଢାଞ୍ଚାରେ ଉଦ୍ୟୋଗ ରୂପରେ ରହିଛି ।
Comments are closed.