କମ୍ବୋଡିଆ : ଏକ ହୋଟେଲ କ୍ୟାସିନୋରେ ଭୟାବହ ଅଗ୍ନିକାଣ୍ଡ I ଏଥିରେ ଜୀବନ୍ତ ଜଳିଯାଇ ୧୦ ଜଣଙ୍କ ମୃତ୍ୟୁ ହେଵା ସହିତ ୩୦ ଜଣ ଆହତ ହୋଇଛନ୍ତି I ସମାଚାର ଏଜେନ୍ସି ଏଫପି ଅନୁସାରେ ଏହି ଭୟଙ୍କର ଦୁର୍ଘଟଣା ଥାଇଲାଣ୍ଡ ସୀମାରେ ଥିବା କମ୍ବୋଡିଆର ଏକ ହୋଟେଲ କ୍ୟାସିନୋରେ ଘଟିଥିଲା I ସମସ୍ତ ମୃତାହତଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲ ରେ ଭର୍ତି କରାଯାଇଛି I ଏବେ ବି ନିଆଁ ଭିତରେ ୫୦ରୁ ଅଧିକ ଲୋକ ଫସି ରହିଥିବା ସୂଚନା ମିଳିଛି । ସେମାନଙ୍କୁ ଉଦ୍ଧାର କରିବାକୁ ଉଦ୍ଧାରକାରୀ ଦଳ ପ୍ରାୟସ ଜାରି ରଖିଛି । ନିଆଁ ଲିଭା କାର୍ଯ୍ୟରେ ଅଗ୍ନିଶମ କର୍ମଚାରୀ ନିୟୋଜିତ ହୋଇଛନ୍ତି ।
ଖବର ଅନୁଯାୟୀ ବୁଧବାର ‘ଗ୍ରାଣ୍ଡ୍ ଡାଇମଣ୍ଡ୍ ସିଟି’ କସିନୋ-ହୋଟେଲ୍ରେ ସ୍ଥାନୀୟ ସମୟ ରାତି ପ୍ରାୟ ୧୧.୩୦ରେ ନିଆଁ ଲାଗିଥିଲା ବୋଲି କାମ୍ବୋଡ଼ୀୟ ପୁଲିସ କହିଛି। ସେହି ସମୟରେ ହୋଟେଲ ଭିତରେ ୭୦ ଜଣ ଲୋକ ଉପସ୍ଥିତ ଥିଲେ I ନିଆଁ ଅତି ଭୟଙ୍କର ଭାବରେ ଜଳୁଥିଲା ଏବଂ ଅନେକ ସମୟଧରି ଜଳି ଚାଲିଥିଲା I ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରୁ ଦେଖାଯାଇଛି ଲୋକମାନେ ଅଗ୍ନିକାଣ୍ଡରୁ ବର୍ତ୍ତିବା ପାଇଁ ଉପର ମହଲାରୁ ତଳକୁ ଡେଇଁ ପଡୁଛନ୍ତି I କେହି କେହି ଝରକା ରେଲିଂ ଖୋଲି ତଳକୁ ଡେଉଁ ଥିବାର ଦେଖା ଯାଇଛି I ତଳକୁ ଡେଇଁ ଅନ୍ୟୁନ ୫ ଜଣ ଜୀବନ ରକ୍ଷା କରି ପାରିଛନ୍ତି I
ଅନ୍ୟପଟେ ଅଗ୍ନିକାଣ୍ଡରେ ହୋଟେଲ ରେ ବ୍ୟାପକ କ୍ଷୟକ୍ଷତି ହେବା ସାଙ୍ଗକୁ କିଛି ଅଂଶ ଭୁଶୁଡି ପଡିଛି I ତେବେ ପାଖାପାଖି ୫୩ଲୋକଙ୍କୁ ଅଗ୍ନିଶମ ବାହୀନୀ ସୁରକ୍ଷିତ ଉଦ୍ଧାର କରିଛନ୍ତି । ନିଆଁ ଲିଭା କାର୍ଯ୍ୟରେ ସ୍ଥାନୀୟ ପୋଲିସ ସହିତ ପ୍ରଶାସନ ପ୍ରୟାସ ଜାରି ରଖିଛି । ପ୍ରଶାସନ ତରଫରୁ କ୍ଷତିଗସ୍ତ ଳୋକଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦିଆଯିବାକୁ ପ୍ରତିଶ୍ରୁତି ଦିଆଯାଇଛି।
Comments are closed.