ଆବଶ୍ୟକ ସାମଗ୍ରୀ : ୬ଖଣ୍ଡ ବ୍ରେଡ଼୍, ୨ଟି ସିଝା ଆଳୁ, ୧ଟି ସିଝା ଗାଜର, ୪ଟି ଛୋଟ ଛୋଟ କଟା ହୋଇଥିବା କଞ୍ଚାଲଙ୍କା, ୨ଟି କଟା ହୋଇଥିବା ପିଆଜ, ୧କପ୍ ଲୁଣ ମିଶା ଦହି, ୧-୨ ବିଡ଼ା କଟା ହୋଇଥିବା ଧନିଆପତ୍ର, ୨ ଚାମଚ ଗରମ ମସଲା ଏବଂ ସ୍ୱାଦ ଅନୁସାରେ ଲୁଣ ।
ପ୍ରସ୍ତୁତି ପ୍ରଣାଳୀ : ପ୍ରଥମେ ପିଆଜକୁ ଛୋଟ ଛୋଟ କାଟି କଡ଼େଇରେ ତେଲ ୨ ଚାମଚ ଗରମ କରି ଭାଜନ୍ତୁ । ଗୋଟିଏ ପାତ୍ରରେ ସିଝା ଆଳୁ ଚକଟା, ସିଝା ଗାଜର ଚକଟା, ଭଜା ପିଆଜ, କଟା କଞ୍ଚାଲଙ୍କା, ଅଳ୍ପ ଗରମ ମସଲା, କଟା ଧନିଆପତ୍ର, ସ୍ୱାଦ ଅନୁସାରେ ଲୁଣ ନେଇ ଭଲକି ଗୋଳେଇ ଛୋଟ ଛୋଟ ବଲ୍ କରି ରଖନ୍ତୁ । ବ୍ରେଡ଼୍କୁ ଗୋଲକରି କାଟନ୍ତୁ । ତା’ପରେ ଚୁଲିରେ ଗୋଟିଏ ପାତ୍ରରେ ବଟର ଦେଇ, ଆଳୁ ଚକଟା ବଲ୍କୁ ଭାଜନ୍ତୁ ଓ ବ୍ରେଡ଼୍କୁ ବଟରରେ ସେକି ମଝିରେ ଭଜା ଆଳୁ ବଲ୍କୁ ରଖି ତା’ଉପରେ ବ୍ରେଡ଼୍କୁ ରଖନ୍ତୁ । ତା’ଉପରେ ଦହି ମିଶ୍ରଣକୁ ଢ଼ାଳି କୋରା ଗାଜର୍ ଓ ଧନିଆପତ୍ର ପକାଇ, ୧-୨ ମିିନିଟ୍ ଘୋଡ଼ାଇ ଦିଅନ୍ତୁ । ତା’ପରେ ଏହାକୁ କାଢ଼ି ଖାଇବାକୁ ଦିଅନ୍ତୁ ।
ଅପର୍ଣ୍ଣା ନାୟକ
ନୂଆଦିଲ୍ଲୀ,
Comments are closed.