ବୋଟୋକ୍ସ : ଏହି ଟ୍ରିଟମେଣ୍ଟକୁ ବ୍ୟବହାର କରି ଆମର ମୁହଁରେ ପଡ଼ୁଥିବା ବିଭିନ୍ନ ଭାଙ୍ଗ ବା ରିଙ୍କଲକୁ ଦୂର କରାଯାଇଥାଏ । ଏହାକୁ ବିଶେଷଭାବେ ବୟସର ଛାପ ଲୁଚାଇବାକୁ କରାଯାଇଥାଏ । ଏହାର ବିଭିନ୍ନ ପ୍ରକାର ରହିଛି, ଯାହାର ବ୍ୟବହାର କରି ବଲିଉଡ ଅଭିନେତ୍ରୀମାନେ ବେଶି କରିଥାଆନ୍ତି ବୋଲି ଆଲୋଚନା ହୋଇଥାଏ ।
ଡର୍ମାଲ ଫିଲର : ଏହି ପ୍ରକ୍ରିୟାରେ ଆମ ଗାଲ, ଓଠ, ଆଖି ତଳ ଭଳି ସ୍ଥାନକୁ ଫୁଲାଫୁଲା କରିବା ପାଇଁ କରାଯାଇଥାଏ । ଯେଉଁମାନେ ଏକ ସୁଢଳ ସୁନ୍ଦର ମୁହଁ ପସନ୍ଦ କରନ୍ତି କିନ୍ତୁ ସର୍ଜରୀ କରାଇବାକୁ ଚାହାନ୍ତି ନାହିଁ ସେମାନେ ଏହି ପ୍ରକ୍ରିୟାକୁ ଆପଣାଇ ଥାଆନ୍ତି । ଏହି ପ୍ରକ୍ରିୟାରେ ଏକ ଏସିଡ ଆମ ଶରୀରରେ ବ୍ୟବହାର କରାଯାଇଥାଏ ।
ଥ୍ରେଡ୍ ଲିଫ୍ଟ : ଏହା ବିଶେଷଭାବେ ଲୁଜ୍ ବା ଢିଲା ଚର୍ମକୁ ଉପରକୁ ଉଠାଇବାକୁ କରାଯାଇଥାଏ । ଏହା ସର୍ଜରୀ ନକରି ମୁହଁକୁ ଟାଇଟ୍ କରିବା ପାଇଁ ବ୍ୟବହାର ହୋଇଥାଏ । ବିଶେଷଭାବେ ୩୦ ବର୍ଷ ପରେ ଏହାକୁ ଷ୍ଟାରମାନେ ଆପଣାଇ ଥାଆନ୍ତି ।
ସ୍କିନ୍ ବୁଷ୍ଟର : ଶରୀରକୁ ଗଭୀରଭାବେ ହାଇଡ୍ରେସନ କରିବା ଏବଂ ଭିତରୁ ଚମକ ଆଣିବା ପାଇଁ ଏହି ପ୍ରକ୍ରିୟାର ବ୍ୟବହାର କରାଯାଇଥାଏ । ଏହି ପ୍ରକ୍ରିୟାରେ ମଧ୍ୟ ଏକ ପ୍ରକାରର ଏସିଡ୍ର ବ୍ୟବହାର କରାଯାଇଥାଏ । ଯେଉଁମାନଙ୍କର ଗ୍ଲାସ୍ ସ୍କିନ୍ ପସନ୍ଦ ସେମାନଙ୍କ ପାଇଁ ଏହି ପ୍ରକ୍ରିୟା ।
ଜ ଲାଇନ୍ ବୋଟକ୍ସ : ମଣିଷ ସୌନ୍ଦର୍ଯ୍ୟର ଜ ଲାଇନ୍ ବା ମୁହଁ ଦାନ୍ତର ଲାଇନ୍ ଏକ ବଡ ଭୂମିକା ଗ୍ରହଣ କରିଥାଏ । ଯାହାର ଜ ଲାଇନ ଯେତେ ସୁନ୍ଦର ସେ ସେତେ ସୁନ୍ଦର । ଏହାକୁ ସୁନ୍ଦର କରିବାକୁ ଜ ଲାଇନ୍ ବୋଟୋକ୍ସ ପ୍ରକ୍ରିୟାକୁ ଅନେକ ସେଲିବ୍ରିଟି ଆପଣାଇ ଥାଆନ୍ତି ।
ସ୍ବେଟ ବୋଟୋକ୍ସ : ମଣିଷର ଝାଳ ବୋହିବା ଏକ ସାଧାରଣ ପ୍ରକ୍ରିୟା, ଏହା ଆମ ଶରୀରକୁ ଥଣ୍ଡା କରିବାରେ ଆବଶ୍ୟତା ହୋଇଥାଏ । ହେଲେ ସେଲିବ୍ରିଟିମାନେ ଏହାକୁ ରୋକିବାକୁ ମଧ୍ୟ ବୋଟୋକ୍ସ ପ୍ରକ୍ରିୟାକୁ ଆପଣାଇଥାଆନ୍ତି । ଯେତେବେଳେ କୌଣସି ଲମ୍ବା ସୁଟିଂ ରହିଥାଏ ସେତେବେଳେ ସେମାନେ କାଖତଳ, ହାତ, ପାଦରେ ସ୍ବେଟ ବୋଟୋକ୍ସ ଟ୍ରିଟ୍ମେଣ୍ଟ କରାଇଥାଆନ୍ତି ।
ସ୍ମାଇଲ୍ କରେକସନ୍ : ହସକୁ ସୁନ୍ଦର କରାଇବା ପାଇଁ ମଧ୍ୟ ପ୍ରକ୍ରିୟା ରହିଛି । ଉପର ଓଠରେ ଏହି ଇଞ୍ଜକସେନ୍ ଦିଆଯାଇଥାଏ । ଯେଉଁ କାରଣରୁ ହସିବା ସମୟରେ ଅଧିକ ମାଢି ଦେଖାଯିବ ନାହିଁ ଏବଂ ଆମ ହସ ସୁନ୍ଦର ଦେଖାଯିବ ।
ଲିପ୍ ବୋଟୋକ୍ସ : ଏହି ପ୍ରକ୍ରିୟା ଆମ ଓଠକୁ ବଡ ଓ ସୁନ୍ଦର କରାଇବା ପାଇଁ କରାଯାଇଥାଏ । ଏହା ଓଠକୁ ବଡ ଓ ଫୁଲାଫୁଲା କରିଥାଏ ଯାହା ମୁହଁକୁ ଏକ ଗ୍ଲାମର ଲୁକ ଦେଇଥାଏ ।
ନେକ୍ ବୋଟୋକ୍ସ : ଏହା ଆମର ବେକକୁ ସୁନ୍ଦର କରିବାକୁ ବ୍ୟବହାର କରାଯାଇଥାଏ । ଆମର ଜ ଲାଇନ୍କୁ ଟାଇଟ କରି ବେକରେ ଥିବା ମସଲକୁ ଟାଇଟ କରାଇବା ପାଇଁ ଏହି ପ୍ରକ୍ରିୟାକୁ ବ୍ୟବହାର କରାଯାଇଥାଏ ।
Comments are closed.