ମହାକାଶକୁ ଖାଲି ଯେ ମଣିଷ ଯିବା ଦ୍ୱାରା ଇତିହାସ ସୃଷ୍ଟି ହୋଇଛି ତାହା ନୁହେଁ । କେତେକ ଏଭଳି ଜୀବ ଅଛନ୍ତି ଯିଏ ମହାକାଶକୁ ଯାଇ ବିଭିନ୍ନ ରେର୍କଡ ସୃଷ୍ଟି କରିଛନ୍ତି । ସେହିଭଳି କିଛି ମହାକାଶ ପ୍ରାଣୀଙ୍କ ବିଷୟରେ
ଫ୍ରୁଟ୍ ଫ୍ଲାଏ
୧୯୪୭ରେ ମହାକାଶରେ ଗୋଟିଏ ଜୀବ ପାଦ ରଖେ । ଆଶ୍ଚର୍ଯ୍ୟଜନକ ଭାବେ ଏହା କୌଣସି ବଡ ଜୀବ ନୁହେଁ ଏହା ଏକ ଫ୍ରୁଟ୍ ଫ୍ଲାଏ । ଆମେରକରୀୟ ବୈଜ୍ଞାନିକମାନେ ଏହି ଫ୍ରୁଟ୍ ଫ୍ଲାଏକୁ ଚୟନ କରିଥିଲେ । ଏହା ପଛର କାରଣ ହେଲା ଏହାର କେତେକ ଗୁଣ ମଣିଷ ସହ ସମାନ । ଭି -୨ ବାଲାଷ୍ଟିକ୍ ମିସାଇଲ୍ରେ ଫ୍ରୁଟ୍ ଫ୍ଲାଏ ଭର୍ତ୍ତିହୋଇ ପ୍ରାୟ ୧୯୦ କିମି ଯାତ୍ରା କରିଥିଲେ । ମହାକାଶରେ ଥିବା ରେଡିଏସନ୍ର ପ୍ରଭାବରେ ଫ୍ରୁଟ୍ ଫ୍ଲାଏର କୌଣସି କ୍ଷତି ହେଉଛି କି ନାହିଁ ଦେଖିବାକୁ ସେମାନଙ୍କୁ ମହାକାଶକୁ ପଠାଯାଇଥିଲା । ସେହିଭଳି ମହାକାଶରୁ ଫେରିବା ପରେ ମଧ୍ୟ ଏହି ଫ୍ରୁଟ୍ ଫ୍ଲାଏ ମାନେ ଜୀବନ୍ତ ଓ ସୁରକ୍ଷିତ ଥିଲେ ।
ମାଙ୍କଡ ଓ ସିମ୍ପାଞ୍ଜି
ପ୍ରାୟ ୩୨ଟି ମାଙ୍କଡ ଓ ସିମ୍ପାଞ୍ଜି ମହାକାଶକୁ ପଠାଯାଇଛନ୍ତି । ଏଥିରେ ବିଭିନ୍ନ ପ୍ରଜାତିର ମାଙ୍କଡ ରହିଛନ୍ତି । ତେବେ ସବୁଠାରୁ ପ୍ରଥମେ ଯାଇଥିଲା ରେହେସସ୍ ମସ୍କ୍ୟୁ ପ୍ରଜାତିର ଆଲବର୍ଟ । ୧୯୪୯ ମସିହାରେ ପ୍ରାୟ ୧୪୩ କିମି ଦୂର ମହାକାଶକୁ ଆଲବର୍ଟ ୨ ଯାତ୍ରା କରିଥିଲା । ହେଲେ ପାରାଚ୍ୟୁଟ୍ରେ ଯାନ୍ତ୍ରିକ ତ୍ରୁଟି କାରଣରୁ ସେ ପୃଥିବୀକୁ ଫେରି ପାରିନଥିଲା । ସେହିଭଳି ତା ପୂର୍ବରୁ ଆଲବର୍ଟ ୧ ମଧ୍ୟ ମହାକାଶକୁ ଯାଇ ଆଉ ଫେରି ନଥିଲା । ତେବେ ଆଲବର୍ଟ ୧ ର କ୍ରାମ୍ପଡ୍ କ୍ୟାପୁସୁଲ୍ ଭିତରେ ହିଁ ଶ୍ୱାସ ରୁଦ୍ଧ କାରଣରୁ ମୃତ୍ୟୁ ହୋଇଥିଲା ।
ମୂଷା
ମହାକାଶର ପରିବେଶକୁ ଆପଣାଇବାରେ ମୂଷା ମାନେ ବେଶ୍ ଆଗରେ । ୧୯୫୦ରେ ପ୍ରଥମ ମୂଷା ମହାକାଶକୁ ଯାଇଥିଲା । ମୂଷାଟି ପ୍ରାୟ ୧୩୭ କିମି ଯାତ୍ରା କରି ମହାକାଶରେ ପହଞ୍ଚିଥିଲା । ହେଲେ ପାରାଚ୍ୟୁଟ୍ରେ ତ୍ରୁଟି କାରଣରୁ ଏହାର ମଧ୍ୟ ଅଧା ବାଟରେ ମୃତ୍ୟୁ ହୋଇଥିଲା ।
କୁକୁର
ଅନେକ କୁକୁର ମହାକାଶଚାରୀ ଭାବେ ଉଭା ହୋଇଛନ୍ତି । ହେଲେ ପ୍ରଥମ କୁକୁର ଭାବେ ଲଇକା ୧୯୫୭ରେ ମହାକାଶକୁ ଉଡାଣ ଭରିଥିଲା । ତାକୁ ମୋସ୍କ ସହରରୁ ରାସ୍ତାରୁ ଅଣାଯାଇ ମହାକାଶଚାରୀ କରାଯାଇଥିଲା । ତାକୁ ଗୋଟିଏ ଦିନର ଖାଦ୍ୟ ସହ ସାତ ଦିନର ଅମ୍ଲଜାନ ଦିଆଯାଇ ଛଡା ଯାଇଥିଲା । ସେ ହେଉଛି ପ୍ରଥମ ଯିଏ ପୃଥିବୀ ଚାରିପଟେ ଘୁରିଥିଲା । ତେବେ ସେ ଆଉ ଫେରି ନଥିଲା । ୧୯୫୭ରେ ସ୍ପୁଟିନିକ୍ ୨ ମହାକାଶ ଯାନରେ ସେ ମହାକାଶ ଯାତ୍ରା କରିଥିଲା ।
କଇଁଛ
୧୯୬୮ମସିହାରେ ଆମେରିକା ଓ ସୋଭିଏତ୍ୟୁନିଅନ ମଧ୍ୟରେ ଚନ୍ଦ୍ରକୁ କିଏ ଆଗ ମାନବ ପ୍ରେରଣ କରିବା ସେ ନେଇ ଯୁଦ୍ଧ ଜାରି ରହିଥାଏ । ତେବେ ଏହା ମଧ୍ୟରେ ରସିଆ ଜୋନ୍ଡ – ୫ ଯାନରେ କିଛିଟା ମାଟିର ସାମ୍ପୁଲ୍, ମଞ୍ଜି ଓ ଦୁଇଟି କଇଁଛଙ୍କୁ ମହାକାଶକୁ ପଠାଇଥିଲା । ଏହି ଦୁଇଟି କଇଁଛ ଚନ୍ଦ୍ର ଚାରିପଟେ ବୁଲିବା ସହିତ ଛଅ ଦିନ ପରେ ପୃଥିବୀକୁ ଫେରିଥିଲେ । ତେବେ ଏହି କ୍ୟାପ୍ସୁଲ୍ଟି କଜଖସ୍ତାନରେ ତଳକୁ ଓହ୍ଲାଇବାର ଥିଲା ହେଲେ ଏହା ଇଣ୍ଡିଆନ ଓସେନ୍ରୁ ମିଳିଥିଲା । ତେବେ ଏହି କଇଁଛ ଦୁଇଟି ଯାକ ଜୀବନ୍ତ ମିଳିଥିଲେ । କିନ୍ତୁ ସେମାନଙ୍କ ଓଜନରେ ଦ୍ରୁତ ହ୍ରାସ ଦେଖାଯାଇଥିଲା ।
ବେଙ୍ଗ
ମହାକାଶ ଯାତ୍ରାକୁ ସଫଳ କରିବାରେ ଜୀବ ମାନଙ୍କର ଅନେକ ଅବଦାନ ରହିଛି । ଏହି ତାଲିକାରେ ଆଉ ଏକ ଜୀବର ନାଁ ରହିଛି ତାହା ହେଲା ବେଙ୍ଗ । ୧୯୭୦ରେ ନାସା ଅର୍ବିଟିଂ ଫ୍ରଗ୍ ଓଲୋଟିଥ୍ ସ୍ପେସ୍କ୍ରାଫଫ ଲଞ୍ଚ କରିଥିଲା ଯେଉଁଥିରେ ଦୁଇଟି ବୁଲ୍ ଫ୍ରଗ୍ ଥିଲେ । ଏହି ବେଙ୍ଗ ମଧ୍ୟରେ କିଛିଟା ଯାନ୍ତ୍ରିକ ଉପକରଣକୁ ରଖାଯାଇଥିଲା ଯାହା ଡାଟା କେáଟ କରିବାରେ ସହାୟକ ହେବ । ତେବେ କିଛି ଦିନ ପରେ ବାୟୁମଣ୍ଡଳରେ ପରିବର୍ତ୍ତନ କାରଣରୁ ଏହି ବେଙ୍ଗ ଗୁଡିକ ସାଧାରଣ ଅବସ୍ଥାକୁ ଫେରି ଆସିଥିବା ଏକ ଷ୍ଟଡିରୁ ଜଣାପଡିଥିଲା ।
ବୁଢିଆଣୀ
୧୯୭୩ରେ ମହାକାଶ ଯିବାର ପାଳି ପଡିଥିଲା ବୁଢିଆଣୀର । ଅନିତା ଓ ଆର୍ବେଲା ନାମକ ଦୁଇଟି ବୁଢିଆଣୀ ଏହି ଯାତ୍ରାରେ ସାମିଲ ହୋଇଥିଲେ । ଏମାନଙ୍କୁ ପଠାଯିବାର କାରଣ ଥିଲା ସେମାନେ ମହାକାଶରେ ତାଙ୍କ ବସା ବୁଣି ପାରୁଛନ୍ତି କି ନାହିଁ । ଦୁଇଟି ଯାକ ବୁଢିଆଣୀ ମହାକାଶରେ ମଧ୍ୟ ନିଜ ବସା ବୁଣି ସଫଳ ହୋଇଥିଲେ । ଏହି ବସା ପୃଥିବୀର ବୁଢିଆଣୀ ବସାଠାରୁ ପତଳା ମଧ୍ୟ ହୋଇଥିଲା । ଏହି ଅଧ୍ୟୟନରେ ମାଇକ୍ରୋଗ୍ରାଭିଟି ସମ୍ବନ୍ଧରେ ଅନେକ କଥା ଜଣା ପଡିଥିଲା ।
ମାଛ
ପ୍ରଥମ ଜଳଚର ପ୍ରାଣୀ ଭାବେ ମହାକାଶରେ ପାଦ ରଖିଥିଲା ମାଛ । ୧୯୭୩ ମସିହାରେ ପ୍ରଥମ କରି ମାଛକୁ ମହାକାଶକୁ ପଠାଯାଇଥିଲା । ସେହି ସମୟରେ ମହାକାଶଚାରୀମାନେ କିଛି ସମୟ ମହାକାଶରେ ରହିବା ପରେ ସେମାନଙ୍କର ମୁଣ୍ଡ ବୁଲାଇ ହୋଇ ବାନ୍ତି ହେବା ଭଳି ସ୍ୱାସ୍ଥ୍ୟ ସମସ୍ୟା ଦେଖାଦେଉଥିଲା, ଯାହା ବୈଜ୍ଞାନିକଙ୍କ ପାଇଁ ଚିନ୍ତାର କାରଣ ଥିଲା । ତେବେ ଏହି ସମସ୍ୟା ପ୍ରଥମ କିଛି ସମୟ ପାଇଁ ଦେଖାଯାଉଥିଲା, ପରେ ଠିକ୍ ହୋଇଯାଉଥିଲା । ଏହା ଉପରେ ଅଧିକ ଗବେଷଣା ପାଇଁ ମାଛକୁ ମହାକାଶକୁ ପଠାଯାଇଥିଲା । ପ୍ରଥମ ଥରରେ ଦୁଇଟି ଜୁଭେନାଇଲ୍ ଫିସ୍ ସହ ୫୦ଟି ଅଣ୍ଡା ମହାକାଶକୁ ପଠାଯାଇଥିଲା । ଯେଉଁଥିରୁ ବୈଜ୍ଞାନିକ ମାନେ ମହାକାଶର ଅନେକ ବିଷୟରେ ଅଧିକ ଜାଣିବାକୁ ପାଇଥିଲେ ।
Comments are closed.