ଚିକିତ୍ସା କ୍ଷେତ୍ରରେ ଏଆଇ

ଏଆଇର ବ୍ୟବହାର ଆମ ଜୀବନରେ ବଢି ଚାଲିଛି । ଦୈନନ୍ଦିନ ଜୀବନଠାରୁ ଆରମ୍ଭ କରି ଗୁରୁତ୍ୱପୂର୍ଣ୍ଣ କ୍ଷେତ୍ର ସବୁ ସ୍ଥାନରେ ଏଆଇର ବ୍ୟବହାର ହେଉଛି, ଯାହା ଆମର କାମକୁ ସହଜ ଓ ସରଳ କରୁଛି । ସେହିଭଳି ନିକଟରେ ମିଳିଥିବା ତଥ୍ୟ ଅନୁସାରେ ଖୁବଶୀଘ୍ର ଏଆଇ ଜେନେଟିକ ବା ବଂଶାନୁଗତ ରୋଗ ଗୁଡିକୁ ଚିହ୍ନଟ କରିବାରେ ଏବଂ ଚିକିତ୍ସା କରିବାରେ ସହାୟକ ହୋଇ ପାରିବ । ଅଷ୍ଟ୍ରେଲିଆ ନ୍ୟାସନାଲ ୟୁନିଭର୍ସିଟିର ତଥ୍ୟ ଅନୁସାରେ ଏହା ଖୁବ ଶୀଘ୍ର ସମ୍ଭବ । ଏହାର ଉଦ୍ଦେଶ୍ୟ ଔଷଧ ଓ ଚିକିତ୍ସାକୁ ଆହୁରି ସଠିକ ଢଙ୍ଗରେ କରିବା । ଏହି ଗବେଷଣାରେ ଗୁଗୁଲ୍‌ର ଡିପ୍‌ ମାଇଣ୍ଡ କମ୍ପାନୀ ଦ୍ୱାରା ନିର୍ମିତ ଆଡଭାନ୍ସଡ୍‌ ଏଆଇ ଟୁଲ୍‌ ବ୍ୟବହାର କରାଯାଇଛି । ଆମ ଶରୀରରେ ହେଉଥିବା ବିଭିନ୍ନ ପରିବର୍ତ୍ତନ ଉପରେ ଏଥିରେ ଅଧ୍ୟୟନ କରାଯାଇଛି । ବିଶେଷକରି ଆମ ଶରୀରରେ ଥିବା କିଛି ପ୍ରୋଟିନ୍‌ରେ ଯେତେବେଳେ ପରିବର୍ତ୍ତନ ଆସିଥାଏ ସେହି ସମୟରେ କଣ ଘଟିଥାଏ ଏହାକୁ ନେଇ ଗବେଷଣା କରାଯାଇଛି । ଏଥିରେ ମଣିଷ ଶରୀରର ଜିନ୍‌ ସମ୍ପର୍କରେ ଗବେଷଣା କରାଯାଇ ଅଧିକ ତଥ୍ୟ କଢାଯାଇଛି, ଯାହା ବିଭିନ୍ନ ଜେନିଟିକାଲ ରୋଗ ସମ୍ପର୍କରେ ଆହୁରି ତଥ୍ୟ ପ୍ରଦାନ କରିବ । ଏହି ତଥ୍ୟକୁ ବ୍ୟବହାର କରି ଭବିଷ୍ୟତରେ ବଂଶାନୁକ୍ରମ ରୋଗର ଚିକିତ୍ସା ସମ୍ପର୍କରେ ଅଧିକ ତଥ୍ୟ ମିଳିପାରିବ ।