ଦିନର ଆରମ୍ଭ ହୋଇଥାଏ ଦାନ୍ତ ଘଷାରୁ । ତେବେ ଦାନ୍ତ ଘସିବା ପାଇଁ ବ୍ୟବହାର ହେଉଥିବା ବ୍ରଶର ପରିଷ୍କାର ପରିଛନ୍ନତା ଉପରେ ଅନେକ ଲୋକ ଧ୍ୟାନ ଦେଇ ନଥାନ୍ତି । ତେଣୁ ଗୋଟିଏ ବ୍ରଶକୁ ଅନେକ ଦିନ ଧରି ବ୍ୟବହାର କରି ଥାଆନ୍ତି । ହେଲେ ଏପରି କରିବା ଅନୁଚିତ୍ । କିଛିକିଛି ସମୟ ବ୍ୟବଧାନରେ ନିଜର ଦାନ୍ତ ଘଷା ବ୍ରଶକୁ ବଦଳାଇବାର ଆବଶ୍ୟକତା ରହିଛି । ଡାକ୍ତରଙ୍କ ମତରେ ପ୍ରତି ତିନିରୁ ଚାରି ମାସରେ ନିଜର ବ୍ରଶ ବଦଳାଇବାର ଆବଶ୍ୟକତା ରହିଛି । କିଛି ଦିନ ଘଷିବା ପରେ ବ୍ରଶ ଗୁଡିକରେ ପରିବର୍ତ୍ତନ ଦେଖିବାକୁ ମିଳିଥାଏ । ତେଣୁ ଏହି ପରିବର୍ତ୍ତିତ ବ୍ରଶରେ ଅଧିକ ଦିନ ଦାନ୍ତ ଘଷିବା ଅନୁଚିତ୍ ହୋଇଥାଏ । ଏହା ଆମର ଦାନ୍ତର ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ । ତେଣୁ ସବୁବେଳେ ଭଲ ବ୍ରଶ ବ୍ୟବହାର କରିବାକୁ ଚେଷ୍ଟା କରନ୍ତୁ, ଯାହା ଫଳରେ ଆପଣଙ୍କ ପାଟିର ପରିଷ୍କାର ପରିଛନ୍ନତା ଠିକ ରହିବ ।
