ପ୍ରତିବର୍ଷ ଅଗଷ୍ଟ ୨୬ ତାରିଖରେ ପାଳିତ ହୋଇଥାଏ ମହିଳା ସମାନତା ଦିବସ । ଏହି ଦିବସର ମୂଳ ଉଦ୍ଦେଶ୍ୟ ମହିଳାଙ୍କୁ ତାଙ୍କର ଅଧିକାର ସମ୍ପର୍କରେ ସଚେତନ କରିବା ସହିତ ସେମାନଙ୍କୁ ନିଜ ଅଧିକାର ପାଇଁ ଲଢେଇ କରିବା ପାଇଁ ଶସକ୍ତି କରିବା । ଏହି ଦିବସ ପାଳନ ୧୯୭୧ ମସିହାରେ ଆମେରିକାରୁ ଆରମ୍ଭ ହୋଇଥିଲା । ଏହାକୁ ଆମେରିକାରେ ଖୁବ ଧୁମଧାମରେ ପାଳନ କରାଯାଇଥାଏ । ଏହି ଅବସରରେ ବିଭିନ୍ନ ଅନୁଷ୍ଠାନରେ ମହିଳାଙ୍କ ବିଭିନ୍ନ ଅଧିକାର ନେଇ ସୂଚନା ଦିଆଯାଇଥାଏ । ପ୍ରତିବର୍ଷ ଏହି ଦିନଟିକୁ ବିଭିନ୍ନ ଥିମ୍ରେ ପାଳନ କରାଯାଇଥାଏ, ଯେଉଁ ଥିମ୍ ଗୁଡିକ ମହିଳାଙ୍କ ଉଦ୍ଦେଶ୍ୟରେ ରହିଥାଏ । ମହିଳା କିପରି ସମସ୍ତ କ୍ଷେତ୍ରରେ ସଶକ୍ତି ହେବେ ସେ ନେଇ ଏହି ଦିନରେ ବିଭିନ୍ନ କାର୍ଯ୍ୟକ୍ରମ ଜରିଆରେ ସଚେତନତା କରାଯାଇଥାଏ । ଏହି ଦିନଟିକୁ ମହିଳାଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ କରାଯାଇଥାଏ ।
