ସୋସିଆଲ ମିଡିଆରେ ଏଭଳି ଅନେକ ଘଟଣା ସାମନାକୁ ଆସିଥାଏ ଯାହା ଖୁବ ଭାଇରାଲ ହୋଇଥାଏ । ସେହିଭଳି ଏକ ଘଟଣା ବର୍ତ୍ତମାନ ସାମନାକୁ ଆସିଛି ଯାହା ଲୋକଙ୍କୁ ଆଶ୍ଚର୍ଯ୍ୟ କରିଛି । ମଧ୍ୟପ୍ରଦେଶର ଏକ ସ୍ଥାନରେ ଜଣେ ଲୋକ ମୁଖ୍ୟମନ୍ତ୍ରୀଙ୍କ ହେଲ୍ପ ଲାଇନ୍ ନମ୍ବରରେ ଏକ ଅଜବ ଅଭିଯୋଗ କରିଛନ୍ତି । ଅଭିଯୋଗ ଅନୁସାରେ ତାଙ୍କ ସ୍ଥାନୀୟ ଅଞ୍ଚଳରେ ସ୍ୱାଧୀନତା ଦିବସରେ ଗୋଟିଏ ଗୋଟିଏ ଲଡୁ ବିତରଣ କରାଯାଇଥିଲା । ଯେଉଁଥିପାଇଁ ବ୍ୟକ୍ତିଜଣଙ୍କ ରାଗିବା ସହିତ ଏନେଇ ଅଭିଯୋଗ କରିଛନ୍ତି । ପୂର୍ବରୁ ଦୁଇଟି ଲଡୁ ଦିଆଯାଉଥିବାବେଳେ ଚଳିତ ବର୍ଷ ଗୋଟିଏ ଲଡୁ ଦିଆଯାଇଥିଲା । ଯାହାକୁ ନେଇ ଉକ୍ତ ବ୍ୟକ୍ତି ଜଣଙ୍କ ଅସନ୍ତୋଷ ପ୍ରକାଶ କରିବା ସହିତ ପ୍ରଧାନମନ୍ତ୍ରୀଙ୍କୁ ଅଭିଯୋଗ କରିଛନ୍ତି । ସେ ସିଏମ୍ ହେଲ୍ପ ଲାଇନ୍ ନମ୍ବରରେ ଏହି ଅଭିଯୋଗ କରିଥିବା ସୂଚନା ମିଳିଛି । ତେବେ ଘଟଣାଟି ବର୍ତ୍ତମାନ ସୋସିଆଲ ମିଡିଆରେ ଖୁବ ଚର୍ଚ୍ଚା ସାଉଁଟିବାରେ ଲାଗିଛି । ଲୋକମାନେ ତାଙ୍କର ସାହସକୁ ପ୍ରଶଂସା କରିଛନ୍ତି । ଏହାସହ ଯଦି ସମସ୍ତେ ଏଭଳି ହେବେ ତେବେ ଦେଶରେ ଅନେକ ସମସ୍ୟା ଓ ଦୁର୍ନୀତିର ସମାଧାନ ହୋଇପାରିବ ବୋଲି ଲୋକମାନେ ପ୍ରକାଶ କରିଛନ୍ତି ।
