ରାଜସ୍ଥାନରେ ମୌସୁମୀ କାରଣରୁ କିଛି ସ୍ଥାନରେ ଅଧିକ ବର୍ଷା ହେଉଥିବାବେଳେ କିଛି ସ୍ଥାନରେ କମ ବର୍ଷା ହେଉଥିବା ଦେଖିବାକୁ ମିଳୁଛି । ତେବେ କମ ବର୍ଷା ହେଉଥିବା ସ୍ଥାନର ଚାଷୀମାନେ ଏହାକୁ ନେଇ ଖୁବ ଚିନ୍ତିତ ଅଛନ୍ତି । ଯେଉଁ କାରଣରୁ ସେଠିକାର ଲୋକମାନେ ବିଭିନ୍ନ ଉପାୟ ବାହାର କରିବାରେ ଲାଗିଛନ୍ତି । ସେହିଭଳି ଏକ ଉଦାହରଣ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବର୍ଷା ହେବା ପାଇଁ ଭଗବାନ ଇନ୍ଦ୍ରଙ୍କୁ ସନ୍ତୁଷ୍ଟ କରିବା ପାଇଁ ସ୍ଥାନୀୟ କୃଷକମାନେ ଗଧକୁ ଭୋଜି ଦେବାର ବ୍ୟବସ୍ଥା କରିଛନ୍ତି । ଏହି କୃଷକମାନେ ଗଧକୁ ଭୋଜି ଖାଇବାକୁ ଡାକିଛନ୍ତି । ଗୋଟିଏ ଗଧକୁ ପୂଜା କରିବା ସହିତ ତିଲକ ଲଗାଯାଇ ମାଳ ପିନ୍ଧାଯାଇ ପୂଜା କରାଯାଇଥିଲା । ଏହାପରେ ଗଧକୁ ଗୋଲାପଜାମୁ ଖାଇବାକୁ ଦିଆଯାଇଥିଲା । ଏହାପରେ ଗଧ ଉପରେ ଓଲଟା ବସି ଶ୍ମଶାନ ଚାରିପଟେ ବୁଲିବାର ପରମ୍ପରା ରହିଛି । ଏପରି କରିବା ଫଳରେ ବର୍ଷା ହେବ ବୋଲି ସେଠିକାର ଲୋକଙ୍କ ବିଶ୍ୱାସ ରହିଛି । ଘଟଣାଟି ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
