ନିକଟରେ ଏକ ରେସ୍ଲିଂ ମ୍ୟାଚ ବିଶ୍ୱର ସବୁଠାରୁ ଦୀର୍ଘତମ ମ୍ୟାଚ ବୋଲି ଦାବି କରାଯାଇଛି । ଏହି ମ୍ୟାଚ୍ଟି କାନାଡିଆନ୍ କ୍ୟାନ୍ସର ସୋସାଇଟି ପାଇଁ ଆୟୋଜନ କରାଯାଇଥିଲା ଯେଉଁଥିରେ ପାଖାପାଖି ୩୨ ଲକ୍ଷଟଙ୍କାର ଫଣ୍ଡ୍ ଏକାଠି କରାଯାଇଛି । ଏହି ମ୍ୟାଚ୍ ପାଖାପାଖି ୨୧ ଘଣ୍ଟା ୪୯ ମିନିଟ୍ ପର୍ଯ୍ୟନ୍ତ ଚାଲିଥିବା ସୂଚନା ରହିଛି । ଏହା ପୂର୍ବରୁ ରେକର୍ଡ ଥିବା ମ୍ୟାଚ୍ ନାଁରେ ୨୧ ଘଣ୍ଟା ୪୪ ମିନିଟ୍ର ରେକର୍ଡ ରହିଥିଲା । ଯାହାକୁ ଏହି ମ୍ୟାଚ୍ଟି ଭାଙ୍ଗିଥିବାନେଇ ଦାବି ହୋଇଛି । ତେବେ ଏହାର ନାଁ ଗିନିଜ୍ ରେକର୍ଡ ପକ୍ଷରୁ ଘୋଷଣା ହୋଇ ନାହିଁ, ତେଣୁ ଔପଚାରିକ ଭାବେ ଏହାକୁ ରେକର୍ଡ ମିଳିନାହିଁ କିମ୍ବା ଏନେଇ କୌଣସି ସୂଚନା ମଧ୍ୟ ନାହିଁ । ସୋସିଆଲ ମିଡିଆରେ ଘଟଣା ସମ୍ପର୍କରେ ପୋଷ୍ଟ ହେବା ପରେ ଏହା ଖୁବ ଭାଇରାଲ ହେଉଥିବା ଦେଖିବାକୁ ମିଳୁଛି ।